అక్టోబర్ 4 నుంచి..
అక్టోబర్ 4వ తేదీ నుంచి యూకే విజిటర్ వీసా దరఖాస్తు ఫీజు సుమారు రూ. 11,835 గా , యూకే స్టుడెంట్ వీసా దరఖాస్తు ఫీజు సుమారు రూ. 50,428 గా ఉండనుంది. అలాగే, వర్క్ వీసా, విజిట్ వీసా ఫీజుల్లో కనీసం 15% పెంపు, ప్రయారిటీ వీసా ఫీజులో కనీసం 20% పెంపు ఉండబోతోందని బ్రిటన్ ప్రభుత్వం తెలిపింది. గతంలోనే ఈ పెంపు గురించి బ్రిటన్ ప్రధాని రుషి సునక్ సంకేతాలిచ్చారు. బ్రిటన్ ప్రభుత్వ నేషనల్ హెల్త్ సర్వీస్ (NHS) కు వీసా ఫీజుల ద్వారా లభించే నిధుల వాటాను గణనీయంగా పెంచనున్నట్లు గతంలో రుషి సునక్ వెల్లడించారు.