వరల్డ్ టెస్టు ఛాంపియన్‌షిప్‌కి ఆదరణ పెరిగినప్పటికీ ఫస్ట్ ఎడిషన్‌లో ఇచ్చినంత ప్రైజ్‌మనీనే ఈ ఎడిషన్‌లోనూ ఇవ్వబోతున్నట్లు ఐసీసీ స్పష్టం చేసింది. 2019-2021 ఎడిషన్‌లో న్యూజిలాండ్ టీమ్ విజేతగా నిలవగా.. అప్పట్లో కివీస్‌కి రూ.13.23 కోట్ల ప్రైజ్‌మనీ దక్కింది. అలానే రన్నరప్‌గా నిలిచిన భారత్ జట్టుకి రూ.6.61 కోట్లని ఐసీసీ ఇచ్చింది.
వరల్డ్ టెస్టు ఛాంపియన్షిప్ (2021-2023) ఎడిషన్‌ కోసం ఓవరాల్‌గా రూ.31.4 కోట్ల ప్రైజ్‌మనీని ఐసీసీ కేటాయించింది. ఇందులో విజేత, రన్నరప్‌కి పెద్ద మొత్తంలో దక్కనుండగా.. ఆ తర్వాత టెస్టు ఛాంపియన్షిప్ పాయింట్ల పట్టికలో ప్లేస్ ఆధారంగా మిగిలిన ఏడు జట్లకీ ఐసీసీ పంచబోతోంది. మొత్తం 9 టెస్టు దేశాలు ఈ ఛాంపియన్‌షిప్‌లో భాగంగా మ్యాచ్‌లు ఆడాయి.