హను రాఘవపూడి లవ్ స్టోరీస్‌‌ను ఆసక్తిగా మలిచే విధానం ప్రభాస్‌ను ఆకట్టుకుంది. కానీ ప్రేమకథకు వార్ బ్యాక్డ్రాప్ జోడించిన కథ సిద్ధం చేయమని హనుకు సూచించాడట ప్రభాస్. ఈ నేపథ్యంలో వరల్డ్ వార్ బ్యాక్డ్రాప్ (World War Backdrop) తీసుకుని ‘ఫ్రెండ్‌షిప్, లవ్’ మెయిన్ ప్లాట్‌గా హను కొత్త కథను రూపొందించినట్లు సమాచారం. అయితే ‘సీతారామం’ కథలో లెటర్ కాన్సెప్ట్‌ను ఫ్రెంచ్ సినిమా నుంచి ఇన్‌స్పైర్ అయినట్లు గతంలో వెల్లడించగా.. ఈ కథను మాత్రం ఎటువంటి ఇన్‌స్పిరేషన్స్ లేకుండా సొంతంగా సిద్ధం చేసినట్లు సన్నిహిత వర్గాలు వెల్లడిస్తున్నాయి.
అన్నీ కుదిరితే రాబోయే రెండు వారాల్లో ఈ మూవీ గురించి అఫిషియల్ అనౌన్స్‌మెంట్ వెలువడే అవకాశం ఉంది. కాగా.. ఈ భారీ బడ్జెట్ మూవీని ప్రముఖ నిర్మాణ సంస్థ మైత్రీ మూవీ మేకర్స్ నిర్మించనుంది. ప్రభాస్‌తో సినిమా కోసం ఈ సంస్థ ఎప్పటి నుంచో ఎదురుచూస్తుండగా.. ఈ ప్రాజెక్ట్‌తో వారి కల నిజం కానుంది.
ఇది హను రాఘవపూడికి చాలా పెద్ద అవకాశం. కానీ ప్రభాస్ ఫ్యాన్స్ మాత్రం ఇంత పెద్ద సినిమాను అతను డీల్ చేయగలడా? అని సందేహం వ్యక్తం చేస్తున్నారు. నిజానికి హను తన కెరీర్‌లో మంచి సినిమాలే చేసినప్పటికీ స్టార్లతో చేసిన అనుభవం లేదు. అయితే ప్రభాస్ కోణంలో చూస్తే మాత్రం.. భారీ యాక్షన్ సినిమాల నుంచి రిలీఫ్ కోరుకుంటున్నట్లుగా అనిపిస్తోంది. అందుకే ఓ వైపు మారుతి డైరెక్షన్‌లో ‘రాజా డీలక్స్’ పేరుతో కామెడీ థ్రిల్లర్ చేస్తున్నాడు. ఇదే క్రమంలో ఇప్పుడు హను రాఘవపూడితో లవ్ స్టోరీకి ఓకే చెప్పాడు.
ఇదిలా ఉంటే, ప్రభాస్ రాముడిగా నటించిన ‘ఆదిపురుష్’ చిత్రం వచ్చే నెలలో విడుదల కానుంది. అలాగే ప్రశాంత్ నీల్‌తో ‘సలార్’ మూవీ షూటింగ్ చివరి దశకు చేరుకుంటోంది. ఈ సినిమా సెప్టెంబర్ 28న రిలీజ్ కానుంది. కాగా నాగ్ అశ్విన్ దర్శకత్వంలో చేస్తున్న పాన్ వరల్డ్ మూవీ ‘ప్రాజెక్ట్ కె’ షూటింగ్ కొనసాగుతోంది.
- Read latest Tollywood updates and Telugu News