ముందు కమల్ ట్వీట్ విషయానికొస్తే.. ‘రెజ్లర్ల నిరసనలు మొదలై నేటికి నెల రోజులు. నేషనల్ గ్లోరీ కోసం పోటీపడాల్సిన వారిని వ్యక్తిగత భద్రత కోసం పోరాడే స్థితికి నెట్టివేశాం. తోటి భారతీయులారా.. మన అటెన్షన్‌కు అర్హులు ఎవరు? మన జాతీయ క్రీడా చిహ్నాలా లేదా విస్తృతమైన నేర చరిత్ర కలిగిన రాజకీయ నాయకులా? అని ప్రశ్నిస్తూ ట్వీట్ చేశారు.
ఇక ఈ పోస్ట్‌ను సింగర్ చిన్మయి రీట్వీట్ చేస్తూ.. ‘మహిళలపై వేధింపులకు పాల్పడిన వ్యక్తిని ప్రశ్నించినందుకు తమిళనాడులోని ఒక సింగర్ 5 సంవత్సరాలు నిషేధించబడింది. ఇది వారి కళ్ల ముందు జరిగినా.. ఆ కవి పట్ల వారికి గౌరవం ఉంది కాబట్టి దాని గురించి ఇంత వరకు మాట్లాడలేదు. ఇలా తమ చుట్టే జరిగిన వేధింపులను పట్టించుకోకుండా ఇప్పుడు మహిళల భద్రత కోసం మాట్లాడే రాజకీయ నాయకులను ఎలా నమ్మాలి? జస్ట్ ఆస్కింగ్’ అంటూ ట్వీట్ చేసింది. అంతేకాదు ఈ ట్వీట్ వల్ల ఇప్పుడు నా టైమ్‌లైన్‌పై ఎన్ని అభ్యంతరకర కామెంట్లు ఎదొర్కోవాల్సి వస్తుందోనంటూ బై చెప్పింది.
ఇదిలా ఉంటే, తమిళనాడు లెజెండరీ లిరిక్ రైటర్‌గా పేరు తెచ్చుకున్న వైరముత్తుపై (Vairamuthu) గతంలో లైంగిక ఆరోపణలు వెలువడ్డ సంగతి తెలిసిందే. ఈ విషయాన్ని ఓపెన్‌గా ప్రశ్నించినందుకు సింగర్ చిన్మయిపై కొన్నేళ్లు కోలీవుడ్‌లో బ్యాన్ విధించారు. అయినప్పటికీ చిన్మయి మాత్రం ఇప్పటికీ తన వ్యాఖ్యలకు కట్టుబడే ఉంది. వీలు దొరికినప్పుడల్లా వైరముత్తుపై బాహాటంగానే విమర్శలు గుప్పిస్తుంటుంది. అయితే ఈ మొత్తం ఎపిసోడ్‌లో కోలీవుడ్‌ పెద్దల నుంచి చిన్మయికి ఎలాంటి సహకారం లభించలేదు. వైరముత్తు ఇండస్ట్రీలో పెద్ద వ్యక్తి కావడంతో ఎవరూ ఆయనకు వ్యతిరేకంగా మాట్లాడలేదు. రజినీకాంత్, కమల్ హాసన్ సైతం స్పందించలేదు. అందుకే కమల్ రీసెంట్‌‌గా రెజ్లర్లకు మద్దతుగా చేసిన ట్వీట్‌కు కౌంటర్ ఇచ్చింది చిన్మయి.
ఇక ఈ ఇష్యూలో పలువురు నెటిజన్లు చిన్మయికి సపోర్ట్ చేస్తుండగా.. మరికొందరు ఇందులో కమల్ హాసన్ తప్పేముందని అభిప్రాయపడుతున్నారు. కాగా వైరముత్తు.. కమల్, రజినీ వంటి స్టార్ల సినిమాలకు ఎన్నో అద్భుతమైన పాటలు రాశారు.
- Read latest Tollywood updates and Telugu News