నిజానికి సల్మాన్ నడుచుకుంటూ రావడాన్ని చూసిన తర్వాత విక్కీ.. షేక్ హ్యాండ్ ఇస్తూ సల్మాన్‌ను పలకరించేందుకు ప్రయత్నించాడు. కానీ ముందుకెళ్లకుండా సెక్యూరిటీ అతడిని అడ్డుకున్నారు. పైగా సల్మాన్ కూడా ఏమీ మాట్లాడకుండా వెళ్లిపోయినట్లు వీడియోలో కనిపించింది. ఈ వీడియో ఆన్‌లైన్‌లో షేర్ చేయబడిన వెంటనే క్షణాల్లో వైరల్ కావడంతో నెటిజన్లు స్పందిస్తున్నారు. సల్మాన్ సెక్యూరిటీ విక్కీని గుర్తించలేదా? అని చాలా మంది ఆశ్చర్యపోయారు. అయితే ఇటీవలి కాలంలో సల్మాన్ డెత్ థ్రెట్స్ ఎదుర్కొన్న కారణంగానే అతని చుట్టూ భారీ భద్రత ఉందంటూ కొందరు నెటిజన్లు సల్మాన్‌కు మద్దతుగా మాట్లాడుతున్నారు.
ఈ వీడియోపై నెట్టింట చర్చ నడుస్తుండగానే.. ఇదే ఈవెంట్ సందర్భంగా సల్మాన్ అప్‌కమింగ్ మూవీ ‘టైగర్ 3’ (Tiger 3) గురించి ఒక ఇంపార్టెంట్ అప్‌డేట్‌ను షేర్ చేశాడు. అతను ఇప్పటికే ఆ మూవీ షూట్‌ను ముగించినట్లు వెల్లడించాడు. ఈ మేరకు మీడియాతో మాట్లాడుతూ.. ‘గత రాత్రి, నేను టైగర్ 3 షూటింగ్ పూర్తి చేశాను. మీరు దీపావళికి టైగర్‌ను చూస్తారు. షూటింగ్ హడావిడిగా జరిగినప్పటికీ అవుట్‌పుట్ బాగుంది’ అని తెలిపారు.
ఇక ‘టైగర్ 3’ చిత్రంలో సల్మాన్ ఖాన్‌కు జోడీగా కత్రినా కైఫ్ (Katrina Kaif) నటిస్తోంది. అలాగే ఇమ్రాన్ హష్మీ సైతం కీలక పాత్రలో నటిస్తుండగా.. బాలీవుడ్ బాద్‌షా షారుఖ్ ఖాన్ ప్రత్యేక పాత్రలో కనిపించనున్నాడు. ఇదిలా ఉంటే.. గతంలో రిలేషన్‌షిప్‌లో ఉన్న కత్రినా, సల్మాన్ (Salman Katrina Relationship) ఆ తర్వాత విడిపోయారు. అయినప్పటికీ ఇద్దరి మధ్య సత్సంబంధాలు ఉండటం విశేషం. ఇక సల్మాన్‌తో బ్రేకప్ తర్వాత కత్రినా.. కొన్నాళ్లు రణ్‌బీర్ కపూర్‌తో డేటింగ్‌లో ఉంది. కానీ ఆ బంధం కూడా ఎక్కువ రోజులు నిలవలేదు. దీంతో చివరకు విక్కీ కౌశల్‌‌తో ఆమె వివాహం జరిగింది.
విక్కీ విషయానికొస్తే.. తన తాజా చిత్రం ‘జరా హత్కే జరా బచ్కే’ మూవీ ప్రమోషన్‌లో బిజీగా ఉన్నాడు. ఈ సినిమాలో తను మొదటిసారిగా సారా అలీ ఖాన్‌తో స్క్రీన్ షేర్ చేసుకోబోతున్నాడు. లక్ష్మణ్ ఉటేకర్ దర్శకత్వం వహించిన ఈ మూవీ జూన్ 2న థియేటర్లలో విడుదల కానుంది.
- Read latest Tollywood updates and Telugu News