కానీ.. అఫ్గానిస్థాన్తో మూడు వన్డేల సిరీస్‌ని ఆడేందుకు భారత క్రికెటర్లు కొంతమంది విముఖత వ్యక్తం చేస్తున్నట్లు తెలుస్తోంది. ఈ ఏడాది ఆరంభం నుంచి వరుసగా భారత్ జట్టు మ్యాచ్‌లు ఆడుతోంది. అలానే ఐపీఎల్ 2023లో ఆటగాళ్లు బిజీగా గడిపారు. ఆ వెంటనే ఆస్ట్రేలియతో డబ్ల్యూటీసీ ఫైనల్లో ఆడబోతున్నారు. ఆ తర్వాత అఫ్గానిస్థాన్, వెస్టిండీస్ పర్యటన.. ఈ రెండు టూర్లు ముగిసిన వెంటనే ఆసియా కప్ -2023, అనంతరం వన్డే ప్రపంచకప్ -2023 జరగనున్నాయి. ఈ నేపథ్యంలో వరల్డ్ కప్ టైమ్‌కి ప్లేయర్లకి రెస్ట్ దొరికే సూచనలు కనిపించడం లేదు. దాంతో బీసీసీఐ కూడా పునరాలోచనలో పడినట్లు తెలుస్తోంది.
డబ్ల్యూటీసీ ఫైనల్ ముగిసిన తర్వాత దాదాపు మూడు వారాలు ప్లేయర్లకి రెస్ట్ ఇవ్వాలని బీసీసీఐ భావిస్తోంది. జూన్ 11న ఈ ఫైనల్ ముగియనుండగా.. ఆ తర్వాత జులై 7న విండీస్ టూర్ ప్రారంభంకానుంది. వెస్టిండీస్ గడ్డపై రెండు టెస్టులు, మూడు వన్డేలు, ఐదు టీ20లని టీమిండియా ఆడనుంది. దాంతో ఈ సుదీర్ఘ సిరీస్‌కి ముందు ప్లేయర్లకి తగినంత రెస్ట్ ఇవ్వాలని బీసీసీఐ భావిస్తోంది. ఈ నేపథ్యంలో అఫ్గానిస్థాన్తో సిరీస్‌ని రద్దు చేసే సూచనలు కనిపిస్తున్నాయి.