Vijay – Thalapathy 68: కోలీవుడ్ స్టార్ హీరో ద‌ళ‌ప‌తి విజయ్ రేంజ్ సినిమా సినిమాకు పెరిగిపోతుంది. జ‌యాప‌జ‌యాల‌తో సంబంధం లేకుండా ఆయ‌న సినిమాలు బాక్సాఫీస్ వ‌ద్ద వ‌సూళ్ల సునామీని క్రియేట్ చేస్తున్నాయి. వారిసు (తెలుగులో వార‌సుడు) సినిమా త‌ర్వాత మ‌రోసారి విజయ్, యంగ్ డైరెక్టర్ లోకేష్ క‌న‌కరాజ్‌తో చేతులు కలిపిన సంగ‌తి తెలిసిందే. వీరిద్ద‌రి కాంబినేష‌న్‌లో ద‌ళ‌ప‌తి 67గా లియో తెర‌కెక్కుతోంది. అందులో త్రిష హీరోయిన్‌గా న‌టిస్తోంది. ఈ సినిమా షూటింగ్ పూర్తి కాక ముందే ఆయ‌న త‌న ఫ్యాన్స్‌కి కిక్ ఇచ్చే న్యూస్‌ను రివీల్ చేశారు విజయ్. అదే ఆయ‌న నెక్ట్స్ మూవీ. విజయ్ త‌న త‌దుప‌రి సినిమాను ఎవ‌రితో చేస్తార‌నే దానిపై ప‌లు వార్తలు వినిపిస్తూ వ‌చ్చాయి.అయితే ద‌ళ‌ప‌తి 68 సినిమాకు సంబంధించిన డైరెక్టర్, ప్రొడ్యూస‌ర్ ఎవ‌ర‌నే విష‌యంలో అధికారిక ప్ర‌క‌ట‌న వ‌చ్చేసింది. కోలీవుడ్ డైరెక్టర్ వెంక‌ట్ ప్ర‌భు ద‌ర్శ‌క‌త్వంలో ద‌ళ‌ప‌తి విజయ్ త‌న నెక్ట్స్ మూవీని చేయ‌బోతున్నారు. ఈ అనౌన్స్‌మెంట్ వీడియోను మేక‌ర్స్ రిలీజ్ చేశారు. వెంక‌ట్ ప్ర‌భు ద‌ర్శ‌క‌త్వం వ‌హించ‌బోతున్న ఈ చిత్రానికి ఏజీఎస్ ఎంటర్టైన్మెంట్ బ్యాన‌ర్‌పై క‌ల్పాతి ఎస్‌.అఘోరాం ఈ చిత్రాన్ని నిర్మించ‌బోతున్నారు. యువ‌న్ శంక‌ర్ రాజా సంగీత సారథ్యం వ‌హిస్తున్నారు. లియో సినిమా షూటింగ్ పూర్తి కాగానే విజయ్ ఎక్కువ గ్యాప్ తీసుకోకుండా త‌న 68వ సినిమాను స్టార్ట్ చేయ‌బోతున్నారు. బిగిల్ (తెలుగులో విజిల్ ) సినిమా త‌ర్వాత ఎజీఎస్ ఎంటర్టైన్మెంట్ బ్యాన‌ర్‌లో విజయ్ చేస్తున్న సినిమా ఇది.
తిరుమల శ్రీవారిని దర్శించుకున్న హీరో రాజశేఖర్ ఫ్యామిలీ
ఇక ప్ర‌స్తుతం విజయ్, లోకేష్ కనకరాజ్ కాంబినేష‌న్‌లో రాబోతున్న లియో సినిమా విష‌యానికి వ‌స్తే.. దీన్ని ద‌స‌రా సంద‌ర్భంగా అక్టోబ‌ర్ 19న త‌మిళంతో పాటు తెలుగు, హిందీ భాష‌ల్లోనూ రిలీజ్ చేయ‌బోతున్నారు. మాస్ అండ్ క‌మ‌ర్షియ‌ల్ సినిమాల‌తో వ‌రుస బ్లాక్ బ‌స్ట‌ర్స్ సాధిస్తోన్న లోకేష్ కనకరాజ్ డైరెక్ట్ చేస్తోన్న మూవీ ఇది. అలాగే మాస్ట‌ర్ వంటి హిట్ మూవీ త‌ర్వాత విజయ్, లోకేష్ క‌లిసి చేస్తోన్న సినిమా కావ‌టంతో సినిమాపై భారీ ఎక్స్‌పెక్టేష‌న్స్ ఉన్నాయి.
Jr NTR: ఎన్టీఆర్ ఫ్యాన్స్ ర‌చ్చ ర‌చ్చ.. థియేట‌ర్‌ను త‌గ‌లెట్టేసిన అత్యుత్సాహం
