రాయల్ ఛాలెంజర్స్ బెంగళూరు: డుప్లెసిస్ (కెప్టెన్), విరాట్ కోహ్లీ, గ్లెన్ మాక్స్‌వెల్, మహిపాల్ లూమర్, అనుజ్ రావత్ (వికెట్ కీపర్), షబాజ్ అహ్మద్, మైకేల్ బ్రాస్‌వెల్, పార్నెల్, హర్షల్ పటేల్, కర్ణ్ శర్మ, మహ్మద్ సిరాజ్
ఐపీఎల్ 2023 సీజన్‌లో ఇప్పటికే 12 మ్యాచ్‌లాడిన సన్‌రైజర్స్ హైదరాబాద్ టీమ్.. కేవలం నాలుగు మ్యాచ్‌ల్లోనే గెలిచింది. దాంతో 8 మ్యాచ్‌ల్లో ఓడిపోయిన ఈ జట్టు పాయింట్ల పట్టికలో చిట్టచివరి స్థానంలో కొనసాగుతోంది. ఈరోజు మ్యాచ్‌లో గెలిస్తే 9వ స్థానానికి ఎగబాకనుంది. ప్లేఆఫ్స్ రేసు నుంచి కూడా ఇప్పటికే తప్పుకున్న హైదరాబాద్ ఈ మ్యాచ్‌లో స్వేచ్ఛగా చెలరేగిపోయే అవకాశం ఉంది.
రాయల్ ఛాలెంజర్స్ బెంగళూరు టీమ్ 12 మ్యాచ్‌లాడి ఆరింట్లో గెలిచింది. దాంతో పాయింట్ల పట్టికలో ఐదో స్థానంలో ఉన్న ఆర్సీబీ ఈరోజు మ్యాచ్‌లో గెలిస్తే 14 పాయింట్లతో నాలుగో స్థానానికి ఎగబాకనుంది. ఒకవేళ ఓడిపోతే మాత్రం ప్లేఆఫ్స్‌కి చేరాలంటే మిగిలిన జట్ల గెలుపోటములపై ఆధారపడాల్సి ఉంటుంది. ఈరోజు ఒకవేళ బెంగళూరు ఓడిపోతే అప్పుడు పాయింట్ల పట్టికలో నెం.2లో ఉన్న చెన్నై సూపర్ కింగ్స్ (15 పాయింట్లు), నెం.3లో ఉన్న లక్నో సూపర్ జెయింట్స్ (15) జట్లు ప్లేఆఫ్స్‌కి చేరుతాయి. మిగిలిన ఒక స్థానం కోసం ముంబయి, ఆర్సీబీ, రాజస్థాన్, కోల్‌కతా, పంజాబ్ జట్లు పోటీపడతాయి. ఇప్పటికే గుజరాత్ టైటాన్స్ ప్లేఆఫ్స్ చేరిన విషయం తెలిసిందే.