ఆనంద్ తన స్పీచ్ మొదలుపెడుతుండగా.. ‘ఆనంద్.. ఆనంద్.. ఆనంద్’ అంటూ అరవడం మొదలుపెట్టారు ఫ్యాన్స్. దీంతో మైక్ తీసుకున్న ప్రొడ్యూసర్ ఎస్‌కేఎన్.. ‘చిన్నకొండ తోపు, దమ్ముంటే ఆపు’ అనే స్లోగన్‌తో వారిని మరింత ఉత్సాహపరిచాడు. దీంతో రెచ్చిపోయిన ఫ్యాన్స్.. ‘హీరో హోండా స్ల్పెండర్, ఆనంద్ అన్న థండర్’ ‘కింద మీద ఊపు, ఆనంద్ అన్న తోపు’ అంటూ నాన్‌స్టాప్‌గా అరుస్తూనే ఉన్నారు. ఇలా ఎంత సేపటికీ స్లోగన్స్ ఆపకపోవడంతో కలగజేసుకున్న ఆనంద్.. ‘ఇప్పుడు నేను మాట్లాడన్నా వద్దా. అసలు నేనేం పీకలే లైఫ్‌లో, ఎందుకు అరుస్తున్నరు? ఇది అప్రిషియేషన్‌లా లేదు, ట్రోలింగ్‌లా ఉంది.
సోషల్ మీడియాలో ట్రోల్ చేస్తున్నరు. ఇప్పుడు బయట కూడా ట్రోల్ చేస్తున్నట్లుగా ఉంది’ అని నవ్వుకుంటూనే సెటైర్లు వేశాడు.
మొత్తానికి అభిమానుల అరుపుల మధ్యనే స్పీచ్ కంటిన్యూ చేసిన ఆనంద్.. సినిమా గురించి చెప్పుకొచ్చాడు. ‘ఈ రోజు స్టార్స్ విజయ్ బుల్గానియన్, పీవీఎన్‌ఎస్ రోహిత్, సురేష్ బనిశెట్టి. కాబట్టి వాళ్ల మీద ఫోకస్ చేద్దాం. ఇక్కడకు వచ్చిన అభిమానులందరికీ థాంక్స్. మా సినిమా జులై మధ్యలో రాబోతోంది. ఇదే ప్రేమను మాకు థియేటర్లలో చూపిస్తారని కోరుకుంటున్నాను. మేము రోజు రాత్రి, పగలు కష్టపడి బెస్ట్ ఫిలిం చేసేందుకు ప్రయత్నించాం. మారుతి సర్ అన్నట్లు ఒక రా లవ్‌స్టోరీస్ వచ్చి చాలా రోజులైంది. ఈ సాంగ్ లాంచ్‌ను థియేటర్‌లో ప్లాన్ చేసేందుకు కూడా మీరు సినిమా చూసినపుడు ఒక ఫీల్ ఇస్తుందనే ఉద్దేశ్యంతోనే. నిజానికి ఇదొక మ్యూజికల్ ఫిల్మ్. మీరు ఎక్స్‌పీరియన్స్ చేసింది బయట అందరికీ చెప్పండి. ఈ సినిమా కన్నీళ్లతో పాటు జాయ్‌ను తెప్పిస్తుంది’ అన్నాడు.
ఇక ‘ప్రేమిస్తున్నా’ సాంగ్‌ను లాంచ్ చేసిన రష్మిక మందన గురించి కూడా ఆనంద్ మాట్లాడాడు. ‘తను ఎప్పటి నుంచో పరిచయం కాబట్టి ‘రషి’ పిలుస్తుంటా. కొద్ది టైమ్‌ ఉన్నప్పటికీ పిలవగానే వచ్చినందుకు థాంక్స్. ఇక రష్మికకు ‘చలో’ సినిమా నుంచి ‘చూసీ చూడంగానే’, ఇంకేం ఇంకేం కావాలి, శ్రీవల్లి, రంజితమేతో పాటు నా ఫేవరెట్ ‘నీ నీలి కన్నుల్లోని ఆకాశమే. తెల్లారి అల్లేసింది’.. ఇలా అన్నీ మ్యూజికల్ హిట్సే ఉన్నాయి. తను ఇప్పుడు లవ్ సాంగ్స్కు పోస్టర్ హీరోయిన్ అయిపోయింది. అలాగే ఈ రోజు ‘ప్రేమిస్తు్న్నా’ లవ్ సాంగ్ రిలీజ్ చేసేందుకు వచ్చింది’ అని చెప్పుకొచ్చాడు. ఈ పాటను ఓ 30, 40 ఏళ్ల తర్వాత కూడా వింటారని.. విజయ్ బుల్గాని అంత బాగా కంపోజ్ చేశాడని తెలిపాడు.
- Read latest Tollywood updates and Telugu News