కంటి సమస్యలు రాకుండా టిప్స్

​కంటి సమస్యలు..

శరీరంలో అన్ని భాగాలకు సమస్యలు వచ్చినట్లుగానే కళ్ళకి కూడా వస్తుంటాయి. ఇందులో చాలా వరకూ తేలికపాటివి అయితే, మరికొన్ని సమస్యాత్మకంగా ఉంటాయి. వీటి వల్ల దృష్టి సమస్యలు వస్తాయి. కొన్ని జాగ్రత్తలు తీసుకుని లైఫ్‌ స్టైల్ చేంజెస్ వల్ల సమస్యల్ని చాలా వరకూ తగ్గించుకోవచ్చు. అసలు కంటికి వచ్చే సమస్యలు ఏంటో ఇప్పుడు చూద్దాం.

​కళ్ళు డ్రైగా మారడం..

కొన్ని సార్లు కళ్ళు మండి డ్రైగా మారుతుంటాయి. దీనికి కారణం కన్నీళ్ళు లేకపోవడమే. బ్లెఫారిటిస్ వంటి ఇన్ఫెక్షన్స్ లేకుండ కళ్ళను కాపాడుకోవడం, గాలి, దుమ్ము, పొగ నుంచి మన కళ్ళని కాపాడుకోవడం చాలా మంచిది. వీటితో పాటు కొన్ని జాగ్రత్తలు తీసుకోవాలి. గ్యాడ్జెట్స్‌ వాడకాన్ని తగ్గించాలి. డాక్టర్స్ సూచించిన ఐ డ్రాప్స్ వాడాలి.
​Also Read : Summer Foods : ఈ 5 ఫుడ్స్‌ తింటే బరువు తగ్గడమే కాదు..కడుపు చల్లగా ఉంటుంది..​

అలర్జీలు..

చాలా సందర్భాల్లో కళ్ళకి అలర్జీలు వసతుంటాయి. వీటి నుంచి మన కళ్ళని కాపాడుకోవాలంటే కొన్ని జాగ్రత్తలు తీసుకోవాలి. అందులో ముఖ్యంగా గాగూల్స్ వాడడం మంచిది. దీని వల్ల దుమ్ము నుంచి మనల్ని మనం కాపాడుకోవచ్చు. సమస్య ఎక్కువగా ఉంటే కచ్చితంగా డాక్టర్స్‌ని కలవాలి.
​Also Read : Fatty liver : మీ లివర్‌కి ప్రాబ్లమ్ ఉంటే చర్మం ఇలా ఉంటుంది..​

​వయసుతో వచ్చే సమస్యలు..

సాధారణంగా 50 లేదా అంతకంటే ఎక్కువ వయసు ఉన్నవారిలో కొన్ని కంటి సమస్యలు వస్తాయి. రెటీనా దెబ్బతినడం వల్ల చూపు సరిగా కనపడదు. కొన్నిసార్లు పూర్తిగా కళ్ళు కనిపించవు. పొగత్రాగడం, జన్యుపరమైన కారకాల వల్ల ఈ సమస్యలు వస్తాయి. ఇలాంటి సమస్యల నుంచి కళ్ళని కాపాడుకోవాలంటే కొన్ని జాగ్రత్తలు తీసుకోవాలి.

​తీసుకోవాల్సిన జాగ్రత్తలు..​

కంటికి ఎలాంటి సమస్యలు రాకుండా ఉండాలంటే.. కొన్ని జాగ్రత్తలు తీసుకోవాల్సిందే. అందులో ముఖ్యంగా ధూమపానం, మద్యపానానికి దూరంగా ఉండడం, క్రమం తప్పకుండా వర్కౌట్ చేయడం, హైపర్ టెన్షన్‌ని కంట్రోల్ ఉంచుకోవడం. కొలెస్ట్రాల్ లేకుండా చూసుకోవడం. మంచి లైఫ్‌స్టైల్ పాటించడం వల్ల కంటి సమస్యలు దూరమవుతాయి. వీటితో పాటు కచ్చితమైన జాగ్రత్తలు తప్పనిసరని చెబుతున్నారు నిపుణులు.

​నిపుణులు చెబుతున్న జాగ్రత్తలు..

స్క్రీన్ టైమ్ తగ్గించడం
అవసరమైనప్పుడు గాగూల్స్ వాడడం
కళ్ళని శుభ్రంగా ఉంచుకోవడం
కాంటాక్ట్ లెన్స్ వాడేవారు అవి శుభ్రంగా ఉండేలా చూసుకోవాలి
రెగ్యులర్ వర్కౌట్
ఐ డాక్టర్‌ని రెగ్యులర్‌గా కలవాలి
ఆల్కహాల్, స్మోకింగ్‌కి దూరంగా ఉండాలి
-Dr. Neeraj Sanduja, MBBS, MS, Ophthalmologist and Eye Surgeon

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Read More : Relationship News and Telugu New