గుడ్లు..
గర్భధారణ సమయంలో, పిండం ఎదుగుదలకు, కణజాలాల పెరుగుదలకు, రోగనిరోధక వ్యవస్థ బలంగా ఉండటానికి యాంటీబాడీస్‌ ఉత్పత్తి చేయడానికి.. ప్రొటీన్‌ చాలా అవసరం. ప్రొటీన్‌ కడుపులోని బిడ్డ అస్థిపంజరం, కండరాల పెరుగుదలకు తోడ్పడుతుంది, ఎముకలను బలోపేతం చేస్తాయి. గుడ్డు ప్రొటీన్‌ సమృద్ధిగా ఉంటుంది. కోలిన్, లుటిన్, విటమిన్ B12, D, రిబోఫ్లావిన్, ఫోలేట్ వంటి పోషకాలూ గుడ్డులో మెండుగా ఉంటాయి. ఇవి కడుపులో బిడ్డ ఆరోగ్యంగా ఎదగడానికి సహాయపడతాయి.
ఆకుకూరలు..
గర్భిణీ స్త్రీలు ఆకుకూరలు ఎక్కువగా తినాలని పోషకాహార నిపుణులు సూచిస్తున్నారు. తాజా ఆకుకూరల్లో.. విటమిన్ సి, ఇ, కె పుష్కలంగా ఉంటాయి. ఆకుకూరల్లో ఫైబర్‌ అధికంగా ఉంటుంది. ప్రెగ్నెన్సీ సమయంలో.. మలబద్ధకం ఎక్కువగా ఇబ్బంది పెడుతూ ఉంటుంది. ఫైబర్‌ మలబద్ధకం సమస్యకు చెక్‌ పెడుతుంది. ఆకుకూరల్లో కేలరీలు తక్కువగా ఉంటాయి. గర్భిణీ స్త్రీలు సలాడ్స్‌, కూరల్లో ఆకుకూరలు చేర్చుకోవాలని నిపుణులు చెబుతున్నారు.
Also Read: జెనిటల్ టీబీ అంటే..? దీని లక్షణాలు ఎలా ఉంటాయి..?
తృణధాన్యాలు..
గర్భిణీ స్త్రీలు.. వారి ఆహారంలో సరిపడా కార్బోహైడ్రేట్లు ఉండేలా చూసుకోవడం చాలా ముఖ్యం. కార్బోహైడ్రేట్లు పొందడానికి, ప్రెగ్నెన్సీ సమయంలో.. తృణధాన్యాలు తీసుకుంటే మంచిది. తృణధ్యాన్యాలు.. జీర్ణక్రియను మెరుగుపరచడంలో సహాయపడుతాయి. తృణధాన్యాలు.. రక్తంలో చక్కెర స్థాయిలను కంట్రోల్‌లో ఉంచుతాయి. వీటిలో విటమిన్ బి, మినరల్స్, ఫైబర్‌ కూడా మెండుగా ఉంటాయి. ఇవి తల్లీ, బిడ్డ ఆరోగ్యానికి మేలు చేస్తాయి.
Also Read: ఈ టిప్స్‌ ఫాలో అయితే.. తలనొప్పి మాయం అవుతుంది..!
నట్స్ & విత్తనాలు..
గర్భధారణ సమయంలో.. మోనోఅన్‌శాచురేటెడ్, పాలీఅన్‌శాచురేటెడ్ లిపిడ్స్‌ చాలా ముఖ్యం. ఈ హెల్తీ ఫ్యాట్స్‌ శిశువు మెదడు, కళ్లు, మావి ఇతర కణజాలాల పెరుగుదలను ప్రోత్సహిస్తాయి. నట్స్, విత్తనాలలో హెల్తీ ఫ్యాట్స్‌ అధికంగా ఉంటాయి. గర్భిణీ స్త్రీలు.. వారి ఆహారంలో బాదం, పిస్తా, అవిసె గింజలు, వెరుశనగలు వంటి ఆహారంలో ఎక్కువగా తీసుకోవాలి.
Also Read: ప్రెగ్నెన్సీ సమయంలో ఇవి తింటే.. పిల్లలు హెల్తీగా పుడతారు..!
సిట్రస్‌ పండ్లు..
సిట్రస్‌ పండ్లలో విటమిన్ సీ సమృద్ధిగా ఉంటుంది. విటమిన్ సీ శక్తివంతమైన యాంటీఆక్సిడెంట్‌గా పనిచేస్తుంది. ఇది రోగనిరోధక వ్యవస్థను బలోపేతం చేస్తుంది, ఇన్ఫెక్షన్లను దూరం చేస్తుంది. సిట్రస్‌ పండ్లు.. వేసవిలో శరీరంలో శక్తి స్థాయిలు పెంచుతాయి. ప్రెగ్నెన్సీ సమయంలో మహిళలు.. కమల, బత్తాయి, బెర్రీస్ వంటి పండ్లు తమ డైట్‌లో చేర్చుకోవాలి.
సీ ఫుడ్‌..
నాన్‌వెజిటేరియన్స్‌.. వారి డైట్‌లో చేపలు చేర్చుకోవచ్చు. చేపలలో ప్రొటీన్‌, ఐరన్‌, జింక్‌ వంటి పోషకాలు సమృద్ధిగా ఉంటాయి. చేపల్లో పిండం ఎదుగుదలకు సహాయపడే మినరల్స్ మెండుగా ఉంటాయి. శిశువు మెదడు పెరుగుదలకు సహాయపడే.. డోకోసాహెక్సేనోయిక్ యాసిడ్ (DHA)తో సహా ఒమేగా-3 ఫ్యాటీ యాసిడ్స్‌ సమృద్ధిగా ఉంటాయి. గర్భిణీ స్త్రీలు.. సాల్మన్, ట్రౌట్, ట్యూనా వంటి చేపలను వారి డైట్‌లో చేర్చుకోవాలని నిపుణులు చెబుతున్నారు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.