‘విశ్వక్ మాట్లాడినట్లుగా మైక్‌లో నేనెప్పటికీ మాట్లాడలేను. తనొక ఎనర్జీ బాల్. మామూలుగా మేం కూర్చుంటే నేనే ఎక్కువ వాగుతాను. కానీ నా కంటే ఎక్కువ వాగుతాడు తను. అంటే నేను కూడా సైలెంట్ అయిపోయి విశ్వక్ మాటలు వినేంత స్టేజ్‌కు నన్ను తీసుకెళ్లాడంటే ఇమాజిన్ చేయండి. విశ్వక్ మూవీ ఈవెంట్కు రావాలనేది ఎప్పటి నుంచో బాకీ. బాకీ కూడా కాదు నా రెస్పాన్సిబిలిటీ. నిజానికి నేను బాగా మూడ్ ఆఫ్ అయినపుడు చూసే చిత్రం ‘ఈ నగరానికి ఏమైంది’ (Ee Nagaraniki Emaindi). ఆ చిత్రంలో విశ్వక్, అభినవ్‌ నటనను అలా చూస్తూ ఉండిపోవచ్చు. ముఖ్యంగా విశ్వక్.. ఒక నటుడిగా కామెడీ చేయకుండానే ఆ సినిమాలో కామెడీ పండించాడు. అదే సమయంలో అంతకు మించిన బాధను కూడా లోపల దిగమింగుకుని ఉంటాడు. ఒక ఫస్ట్ టైమర్‌గా అంత ఎక్స్‌ప్రెషన్‌ను, అంత ఎమోషన్‌ను కన్వే చేయాలంటే చాలా కాన్ఫిడెన్స్ ఉండాలి. మరి అదంతా తనకు వాళ్ల నాన్న దగ్గరి నుంచి వచ్చిందా లేదా తను చూసిన సొసైటీ నుంచి వచ్చిందో తెలియదు. కానీ అది తనకు మంచే చేసింది’ అన్నారు.
Vishwak Sen : కోపమనిపించి కొడతాడు.. పాపమనిపించి పెడతాడు.. విశ్వక్‌ను బాలయ్యతో పోల్చిన హైపర్ ఆదిఇక ఆ తర్వాత విశ్వక్ స్వీయ దర్శకత్వంలో తెరకెక్కిన ‘ఫలక్‌నుమా దాస్’ చిత్రం చూసినట్లు ఎన్టీఆర్ తెలిపారు. నిజానికి తను పర్సనల్‌గా, యాక్టర్‌గా ఎంత కాన్ఫిడెంట్‌గా ఉంటాడో.. అంతే కాన్ఫిడెంట్‌గా ఆ సినిమాను డైరెక్ట్ చేశాడన్నారు. ఇక ఒకే ఇమేజ్ చట్రంలో ఇరుక్కుపోతున్నాడా? అనుకుంటున్న సమయంలోనే ‘అశోకవనంలో అర్జున కళ్యాణం’ చిత్రం చూసి షాక్ అయినట్లు తెలిపారు. ఇంత యాటిట్యూడ్‌ కలిగిన మనిషి ఆ సినిమాలోని పాత్ర కోసం చేంజ్ అయిన తీరు నచ్చిందన్నారు. కెరీర్‌లో ఇలాంటి విషయాల్లో రియలైజ్ అవ్వడానికి తనకు కూడా చాలా టైమ్ పట్టిందని.. గతంలో తాను అభిమానులకు ఇచ్చిన హామీని ఈ సందర్భంగా గుర్తు చేసుకున్నారు. ఏదేమైనా ఇంత ఎర్లీ ఏజ్‌లో బ్యాలన్స్‌డ్‌గా యాక్ట్ చేయడం చాలా కష్టమని, అతి విశ్వక్‌కు పూర్వజన్మ సుకృతమని చెప్పారు.
విశ్వక్ సేన్ కాన్ఫిడెన్స్‌కు ఎన్టీఆర్ ఫిదా.. ధమ్కీ ప్రీరిలీజ్ ఈవెంట్ స్పీచ్
ఇక ‘ధమ్కీ’ మూవీ గురించి చాలా ఇంట్రెస్టింగ్ విషయాలు తెలిశాయన్న ఎన్టీఆర్.. విశ్వక్ తనను తానే ప్రూవ్ చేసుకునేందుకు బయల్దేరిన నటుడు అని పేర్కొన్నారు. ఈ చిత్రం ఖచ్చితంగా బ్లాక్ బస్టర్ అవ్వాలని.. ఎందుకంటే తను దర్శకత్వం ఆపేసి యాక్టింగ్‌పై ఫోకస్ చేయాలని కోరుకుంటున్నానని అన్నారు. ఇండస్ట్రీలో చాలా మంది యంగ్ డైరెక్టర్స్ ఉన్నారని.. వారిని ఎంకరేజ్ చేయాలని ఈ సందర్భంగా విశ్వక్‌కు సూచించారు ఎన్టీఆర్. ఈ సినిమాకు తన దగ్గర ఉన్నదంతా పెట్టేశాడని.. సినిమా అంటే తనకు అంత పిచ్చి అని తెలిపారు. ఇలాంటి వాళ్ల చిత్రాలను ఎంకరేజ్ చేస్తే.. మనం కూడా ముందుకు వెళ్తామని చెప్పుకొచ్చారు. మార్చి 22న విడుదలవుతున్న ధమ్కీ చిత్రాన్ని ఆదరించాలని ప్రేక్షకులు, అభిమానులను కోరుకున్నారు.
- Read latest Tollywood updates and Telugu News