ఎంతలా అంటే? ఇద్దరూ కలిసి కేవలం 11.4 ఓవర్లు బౌలింగ్ చేయగా.. ఇందులో మూడు ఓవర్లు మెయిడిన్ అయ్యాయి. అలానే 46 పరుగులిచ్చి 6 వికెట్లు పడగొట్టారు. ఇంకా ఆసక్తికరమైన విషయం ఏంటంటే? సిరాజ్ మ్యాచ్‌లో వేసిన చివరి 10 బంతుల్లో కనీసం ఒక్క పరుగు కూడా ఇవ్వలేదు. అలానే ఈ 10 బంతుల్లో 2 వికెట్లు పడగొట్టాడు. మరోవైపు షమీ 14 బంతుల్లో పరుగు ఇవ్వకుండా ఏకంగా 3 వికెట్లు తీశాడు. ఓవరాల్‌‌గా 24 బంతుల్లో పరుగు ఇవ్వకుండా ఈ ఇద్దరు పేసర్లు 5 వికెట్లు పడగొట్టారు.
షమీ, సిరాజ్ దెబ్బకి ఆస్ట్రేలియా టీమ్ చివరి 8 వికెట్లనీ కేవలం 59 పరుగుల వ్యవధిలోనే కోల్పోయింది. ముంబయిలోని వాంఖడే స్టేడియం వేదికగా ఈ మ్యాచ్ జరుగుతోంది. ఆస్ట్రేలియాతో ఇటీవల ముగిసిన టెస్టు సిరీస్‌లోనూ ఈ ఇద్దరు బౌలర్లు సత్తాచాటిన విషయం తెలిసిందే. వాంఖడే వన్డేలో రైట్ ఏరియాస్‌లో బంతులు విసరడంతోనే ఈ ఫలితం వచ్చిందని ఇన్నింగ్స్ తర్వాత షమీ చెప్పుకొచ్చాడు.
Read Latest Sports News, Cricket News, Telugu News