google layoffs, Google Employees: ఏకమైన వందలాది గూగుల్ ఉద్యోగులు.. Sundar Pichai కు ఓపెన్ లెటర్.. తమ డిమాండ్లకు ఒప్పుకోకుంటే..! – google employees writes open letter to sundar pichai on job cuts. what they ask?

Google Employees: గూగుల్ మాతృసంస్థ అల్భాబెట్‌లో పనిచేసే 1400 మందికిపైగా ఉద్యోగులు ఏకమయ్యారు. లేఆఫ్స్ ప్రక్రియ సమయంలో కాస్త పరిణతితో వ్యవహరించాలని, ఉద్యోగుల పట్ల మర్యాదగా ప్రవర్తించాలని ఒక పిటిషన్‌పై సంతకాలు చేశారు. ఇంకా పలు డిమాండ్లను సీఈఓ సుందర్ పిచాయ్ ముందు ఉంచారు. ఇటీవల గూగుల్ పెద్ద మొత్తంలో సుమారు 12 వేల మంది ఉద్యోగుల్ని విధుల నుంచి తొలగించింది. ఖర్చులను తగ్గించుకోవడానికే ఇలా చేస్తున్నట్లు వెల్లడించింది. అయితే.. లేఆఫ్స్ ప్రక్రియ సమయంలో ఉద్యోగుల పట్ల అత్యంత అవమానకరంగా ప్రవర్తించింది అంటూ చాలా మంది ఉద్యోగులు.. సోషల్ మీడియాల్లో తమ గోడును వెళ్లబోసుకున్నారు. ఈ క్రమంలోనే ఇప్పుడు సంస్థ ఉద్యోగులు ఓపెన్ లెటర్ రాశారు.

కొత్త నియామకాలను స్తంభింపజేయడం, కొత్త ఉద్యోగాలకు సంబంధించి లేఆఫ్స్ చేసిన ఉద్యోగులకు ప్రాధాన్యం కల్పించడం సహా పేరెంటల్, బిరేవ్‌మెంట్ లీవ్స్‌కు సంబంధించి చెల్లింపులు పూర్తి చేయడం వంటివి ఉద్యోగులు కోరుతున్నారు. ఈ డిమాండ్లను పిచాయ్ ముందు ఉంచారు. ఇంకా ప్రస్తుతం సంఘర్షణలు జరుగుతున్న, మానవతా సంక్షోభం నెలకొన్న ఉక్రెయిన్‌ వంటి ప్రాంతాల్లో ఉద్యోగులను తొలగించవద్దని కోరారు. ఆ దేశాల్లో వారికి ఉద్యోగం పోతే వీసా లింక్డ్ రెసిడెన్సీ పోతుందని గుర్తుచేశారు. ప్రపంచవ్యాప్తంగా గూగుల్ లేఆఫ్స్ ఉన్నాయని తెలుసని, తమ స్వరాలను అణిచేందుకు ప్రయత్నిస్తున్నారని, అయితే తామంతా బలంగా కలిసే ఉన్నామని చెప్పారు.

గూగుల్ జనవరి నెలలో ఉద్యోగులకు సంబంధించి లేఆఫ్స్ ప్రకటించింది. అప్పటినుంచి పలు దేశాల్లో దీనిపై వ్యతిరేకత వ్యక్తమవుతోంది. అమెరికాలో ఎక్కువ మంది ఉద్యోగాలను కోల్పోయినప్పటికీ.. బలమైన కార్మిక రక్షణ చట్టాలు ఉండే యూరప్ దేశాల్లో ఈ లేఆఫ్స్ కాస్త తక్కువగా ఉండటం గమనార్హం. ఇక గూగుల్ ఉద్యోగులు.. ఇటీవల చాలా మంది తమను తొలగించిన తీరుపై లింక్డ్‌ఇన్‌లో పోస్టులు చేశారు.

ఒక ఉద్యోగి తన తల్లి చనిపోగా.. ఆ కార్యక్రమాలకు వెళ్లి ఆఫీసుకు తిరిగొచ్చిన 3 రోజుల్లోనే తొలగించిందని ఆవేదనం వ్యక్తం చేశాడు. కుటుంబం కంటే ఎక్కువగా కంపెనీని ప్రేమించానని, అయినా తనకు ఇలా జరిగిందని చెప్పుకొచ్చాడు. మరో మహిళా ఉద్యోగి.. వెకేషన్‌లో ఉండగా సడెన్‌గా ఒక మెసేజ్‌తో తనను తీసేసినట్లు చెప్పిందని బాధపడింది. మరో ఉద్యోగి.. ఆరేళ్లుగా ఆఫీసులో తన భర్తను కలుసుకోకుండా పనిచేసినప్పటికీ గూగుల్ తీసేసిందని ఆవేదన వ్యక్తం చేశారు. ఇంకొకరు అర్ధరాత్రి 2 గంటలకు లేఆఫ్ ఇచ్చిందని చెప్పడం.. ఇలా ఎన్నో ఉదంతాలు ఉన్నాయి. ఈ నేపథ్యంలో ఇప్పుడు గూగుల్ ఉద్యోగులు.. లేఆఫ్స్ సమయాల్లో ఉద్యోగుల పట్ల మర్యాదగా ప్రవర్తించాలని సుందర్ పిచాయ్‌కు Open Letter రాయడం ప్రాధాన్యం సంతరించుకుంది.

Work From Home: 10 వేల మంది ఉద్యోగుల్ని పీకేసి టెక్ కంపెనీ ఇప్పుడు మరో కీలక ప్రకటన.. ఇక అది కుదరదంటూ!Fraud Alert: Phone Pe, గూగుల్ పే వాడుతున్నారా? సరికొత్త మోసం.. భారీగా నష్టపోతారు.. ఇలా అస్సలు చేయకండి!Greg Becker: బ్యాంకును ముంచేసి భార్యతో ఎంచక్కా ఫారెన్ చెక్కేసిన సీఈఓ.. అక్కడ లగ్జరీ ఇంట్లో!

• Read Latest Business News and Telugu News