FD Interest Rate: ఆర్థిక సంవత్సరం 2022-23లో బ్యాంక్ ఫిక్స్‌డ్ డిపాజిట్లపై వడ్డీ రేట్లు 5.5 శాతం నుంచి సగటున 7 శాతానికి పెరిగాయి. ఇదంతా ఆర్‌బీఐ (RBI) వల్లే సాధ్యమైంది. ద్రవ్యోల్బణాన్ని కట్టడి చేసేందుకు కేంద్ర బ్యాంక్.. రెపో రేటు పెంచుతుంటే.. ఆయా బ్యాంకులు అన్ని రకాల లోన్లపై వడ్డీ రేట్లు పెంచుతుండటంతో పాటు.. FD లపైనా వడ్డీ రేట్లు పెంచుతున్నాయి. దీంతో బ్యాంకుల్లో డబ్బులు దాచుకునే వారికి అధిక వడ్డీ అందుతోంది. ఇప్పుడు పలు బ్యాంకులు.. ప్రభుత్వ పథకాల్లో పెట్టుబడులు పెడితే వచ్చే వడ్డీ కంటే ఎక్కువగా ఆఫర్ చేస్తున్నాయి. పబ్లిక్ ప్రావిడెంట్ ఫండ్ (PPF) ఇన్వెస్ట్‌మెంట్లలో వడ్డీ రేటు 7.10 శాతంగా ఉంది. అదే ఇప్పుడు ఒక బ్యాంక్ ఎఫ్‌డీలపై సాధారణ పౌరులకు గరిష్టంగా శాతం, సీనియర్ సిటిజెన్లకు 9.50 శాతం వడ్డీ ఇస్తుండటం విశేషం. అదే యూనిటీ స్మాల్ ఫైనాన్స్ బ్యాంక్. ఆ వడ్డీ రేట్ల గురించి ఇప్పుడు చూద్దాం.
ఈ బ్యాంక్ వెబ్‌సైట్‌లో ఉన్న వివరాల ప్రకారం.. 181-201 రోజుల్లో ముగిసే ఎఫ్‌డీలపై 8.75 శాతం వడ్డీ ఆఫర్ చేస్తోంది యూనిటీ స్మాల్ ఫైనాన్స్ బ్యాంక్. ఇక 501 రోజుల్లో మెచ్యూర్ అయ్యే FD పై 8.75 శాతం వడ్డీ ఇస్తోంది. ఇక 1001 రోజుల కాలవ్యవధి ఉన్న ఫిక్స్‌డ్ డిపాజిట్లపై గరిష్టంగా 9 శాతం వడ్డీ అందిస్తోంది. ఇక ఇది సీనియర్ సిటిజెన్లకు అయితే మరో 50 బేసిస్ పాయింట్ల మేర వడ్డీ అదనంగా ఇస్తుంది. ఇతర బ్యాంకుల్లో లేని విధంగా ఈ బ్యాంక్ ఎక్కువగా వడ్డీ ఆఫర్ చేస్తుండటం గమనార్హం.
181 నుంచి 201 రోజుల్లో అయిపోయే ఎఫ్‌డీలపై సీనియర్ సిటిజెన్లు ఈ బ్యాంక్‌లో 9.25 శాతం వడ్డీ పొందుతారు. 501 రోజుల టెన్యూర్‌కు కూడా ఇదే వర్తిస్తుంది. ఇక 1001 రోజుల కాలపరిమితిపై గరిష్టంగా వీరు 9.50 శాతం వడ్డీ అందుకుంటారు. ఇతర ప్రభుత్వ బ్యాంకులు కూడా ఫిక్స్‌డ్ డిపాజిట్లపై 9 శాతం వరకు వడ్డీ ఇవ్వట్లేదు.
PPF Account: ఈ ప్రభుత్వ పథకం కోటీశ్వరుల్ని చేస్తుంది.. ఇన్వెస్ట్‌మెంట్ తక్కువే.. పన్ను ప్రయోజనాలు కూడా!Google Employees: ఏకమైన వందలాది గూగుల్ ఉద్యోగులు.. Sundar Pichai కు ఓపెన్ లెటర్.. తమ డిమాండ్లకు ఒప్పుకోకుంటే..!Phone Pe, గూగుల్ పే వాడుతున్నారా? సరికొత్త మోసం.. భారీగా నష్టపోతారు.. ఇలా అస్సలు చేయకండి!
