అంబానీ తినే ఆహారం తెలిస్తే..
ముకేశ్ అంబానీ చాలా సాధారణమైన ఆహారం తీసుకుంటారు. ఎక్కువగా పప్పు, చపాతీ, అన్నం తింటారట. ఇక లొకేషన్ గురించి పట్టించుకోరట. అది రోడ్ సైడ్ స్టాల్ అయినా రోడ్ సైడ్ కెఫే అయినా తింటుంటారట. వంటకాల్లో కొత్త కొత్త ప్రయోగాలు కూడా చేయిస్తారట. సరికొత్తగా చేయించుకుని తింటుంటారని వార్తలు వచ్చాయి. అంబానీ ఆహారపు అలవాట్లు ఆయన సాధారణ వ్యక్తిత్వాన్ని ప్రదర్శిస్తాయట.
ఇష్టంగా తినేవి ఇవే..
ముకేశ్ అంబానీకి థాయ్ వంటకాలంటే చాలా ఇష్టమట. వాటిపై ఇష్టం ఉన్నప్పటికీ ఆదివారం రోజు అల్పాహారం అంటే మెనూలో కచ్చితంగా ప్రసిద్ధ దక్షిణ భారత వంటకం ఇడ్లీ- సాంబార్ ఉండి తీరాల్సిందే. ఇక అంబానీ ఎంత బిజీగా ఉన్నప్పటికీ.. డిన్నర్ మాత్రం కచ్చితంగా కుటుంబంతో కలిసి చేసేలా చూసుకుంటారని ఆయన భార్య నీతా అంబానీ గతంలో చెప్పారు కూడా.
చూసేదంతా వంటమనిషే..
ఇక అంబానీ రోజువారీగా ఆహారం తీసుకోవడం సహా ఆయన సురిక్షిత ఆరోగ్యం గురించి అందులో ఆయన షెఫ్‌ది కీలక పాత్ర. ఆయన ఏమేం ఇష్టంగా తింటారు.. ఏ సమయానికి ఏం తినాలి.. వంటివన్నీ చూసుకునేది ఆయనే. అందుకే ఇప్పుడు తన దినచర్యలో కీలకంగా ఉన్న ఆ వంటమనిషికి అంబానీ నెలకు ఎంత జీతం చెల్లిస్తారనేదానిపై ప్రజలకు అత్యంత ఆసక్తి ఉంది.
అందరికీ ఒకేలా భారీగా జీతం..
అంబానీ నివాసం ఆంటిలియాలో పనిచేసే అంబానీ షెఫ్.. నెలకు రూ.2 లక్షలకుపైగా వేతనం తీసుకుంటున్నాడట. ఈ మేరకు మీడియా కథనాల్లో తెలుస్తోంది. ఇక మరో విశేషం ఏంటంటే.. అంబానీ నివాసంలో పనిచేసే ప్రతి సిబ్బందికీ దాదాపు ఇంతే మొత్తంలో వేతనం ఉంటుందని సమాచారం. ఇక నెల జీతంతో పాటు ఇన్సూరెన్స్, పిల్లలకు ట్యూషన్ ఫీజులను కూడా అందిస్తారట.
ఎమ్మెల్యేలందరికంటే చాలానే ఎక్కువ..
ఇక ఇప్పుడు తాజాగా దిల్లీ ఎమ్మెల్యేల వేతనాలు 66 శాతం పెరిగాయి. దీంతో దిల్లీలో ఎమ్మెల్యే సగటున నెల జీతం రూ.90 వేలు అందుకుంటున్నారట. ఇక అంబానీ ఇంట్లో పనిచేసే సిబ్బంది నెలకు రూ.2 లక్షలు సహా అదనంగా ఇతర ప్రయోజనాలు పొందుతున్నారు. దీంతో అంబానీ ఇంట్లో పని చేసే వంటమనిషి జీతం .. దేశంలోని చాలా మంది ఎమ్మెల్యేల కంటే ఎక్కువ అని లెక్కలు గడుతున్నారు.
డ్రైవర్ వేతనం కూడా వైరల్..
ఇక కొద్దిరోజుల కిందట అంబానీ వ్యక్తిగత డ్రైవర్ నెల వేతనం గురించి మీడియాల్లో వార్తలు వచ్చాయి. దీంతో ఒక్కసారిగా ఇది వైరల్ అయింది. పెద్ద పెద్ద ప్రముఖుల ఇళ్లల్లో పనిచేసే డ్రైవర్లను ఏజెన్సీల ద్వారా నియమించుకుంటారు. అంబానీ ఇంట్లో డ్రైవర్ కూడా ఇలాగే వెళ్లారు. ఇక ఆయనకు కూడా ఐదేళ్ల కిందట నెలకు రూ.2 లక్షలు చెల్లించేవారట అంబానీ. ఇప్పుడు అది ఇంకా చాలా ఎక్కువే ఉండొచ్చు.
నీతా అంబానీ మేకప్ ఆర్టిస్ట్..
మరోవైపు ముకేశ్ అంబానీ భార్య నీతా అంబానీ ఈ వయసులోనూ అందంగా ఉండేలా చూసుకుంటారు. దీని వెనుక మేకప్ ఆర్టిస్ట్ ప్రతిభ ఉంటుంది. ఈమె మేకప్ ఆర్టిస్ట్ బాలీవుడ్‌లో ఎందరో సెలబ్రిటీలకు మేకప్ ఆర్టిస్ట్‌గా పనిచేసే మిక్కీ కాంట్రాక్టర్. నీతా అంబానీ కూతురు, కోడళ్లకు కూడా ఈయన సేవలు అందిస్తారట. ఇక ఈయన రోజుకు ఒక్కొక్కరి దగ్గర రూ.75 వేల నుంచి లక్ష వరకు వసూలు చేస్తారట.
అంబానీ ఇల్లు గురించి తెలుసా?
ముంబయి అల్టామౌంట్ రోడ్‌లో అంబానీ నివాసం ఆంటిలియా ఉంది. 4532 చదరపు మీటర్ల విస్తీర్ణంలో ఇది ఉంటుంది. దీని ధర దాదాపు రూ.12 వేల కోట్లుగా అంచనా. యూకే బకింగ్ హామ్ ప్యాలెస్ తర్వాత ఇదే అత్యంత ఖరీదైన భవనం కూడా. ఇది మొత్తం 27 అంతస్తులు ఉంటుంది. తీవ్ర భూకంపం వచ్చినా తట్టుకునేలా ఇది రూపొందించారు. మొత్తం 600 మంది సిబ్బంది ఆ ఇంట్లో పనిచేస్తారు. విలాసవంతమైన ఎన్నో సదుపాయాలు అందులో ఉన్నాయి.
అంబానీ ఆస్తి ఎంతంటే?
ఫోర్బ్స్ బిలియనీర్స్ ఇండెక్స్ ప్రకారం.. ముకేశ్ అంబానీ వ్యక్తిగత సంపద ప్రస్తుతం 82.3 బిలియన్ డాలర్లుగా ఉంది. భారత కరెన్సీలో ఇది రూ.6.7 లక్షల కోట్లకుపైనే. ప్రస్తుతం ఆయన ప్రపంచ కుబేరుల్లో తొమ్మిదో స్థానంలో, ఆసియాలో అత్యంత ధనవంతుడిగా ఉన్నారు. అంబానీ రిలయన్స్ ఇండస్ట్రీస్ ఇండస్ట్రీస్ అధినేత. దీని కింద ఎనర్జీ, పెట్రోకెమికల్స్, నాచురల్ గ్యాస్, రిటైల్, టెలీకమ్యూనికేషన్స్, మాస్ మీడియా, టెక్స్‌టైల్స్ బిజినెస్‌లు ఉన్నాయి.