Friday, March 24, 2023

rbi rate hike, బ్యాంక్ కస్టమర్లకు RBI ఝలక్.. వచ్చే నెల నుంచి EMIలు ఎక్కువ కట్టాల్సిందే..! – rbi rate hike in april mpc meet says pm eac members reserve bank of india


RBI Rata Hike: బ్యాంక్ కస్టమర్లకు ఇది అత్యంత చేదు వార్తగానే చెప్పాలి. రిజర్వ్ బ్యాంక్ ఆఫ్ ఇండియా మరోసారి షాక్ ఇవ్వబోతోంది. వచ్చే నెల నుంచి బ్యాంకు రుణాలు తీసుకున్న వారిపై తీవ్ర ప్రతికూల ప్రభావం పడనుంది. ఏప్రిల్ నెలలో మరోసారి కీలక పాలసీ రేట్లను (RBI Rate Hike In April) పెంచేందుకు రిజర్వ్ బ్యాంక్ ఆఫ్ ఇండియా సిద్ధమవుతున్నట్లు సమాచారం. ఏప్రిల్‌లో జరిగే ఎంపీసీ మీటింగ్‌లో ద్రవ్యోల్బణం కట్టడి కోసం ఈ నిర్ణయం తీసుకునే అవకాశాలు మెండుగా కనిపిస్తున్నాయి. దీని వల్ల బ్యాంకులో రుణాలు తీసుకున్న వారు, లోన్లు తీసుకోబోతున్న వారిపై ప్రభావం పడనుంది. వచ్చే నెల నుంచే ఈఎంఐలు ఎక్కువ కట్టే ప్రతికూల ప్రభావం ఎదురుకావచ్చు.

రిజర్వ్ బ్యాంక్ ఆఫ్ ఇండియా (Reserve Bank Of India) అంచనాలకు పైనే ద్రవ్యోల్బణం కొనసాగుతోంది. ఆర్‌బీఐ 6 శాతం లోపు ద్రవ్యోల్బణం ఉండాలని లక్ష్యంగా పెంట్టుకుంది. అయితే, జనవరి, ఫిబ్రవరి నెలల్లో ద్రవ్యోల్బణం లక్ష్యానికిపైనే నమోదవుతోంది. ఈ క్రమంలో రిజర్వ్ బ్యాంక్ ఆఫ్ ఇండియా మరోసారి రెపో రేటును (MPC Meet) పెంచొచ్చనే అంచనాలు నెలకొన్నాయి. ద్రవ్యోల్బణం కట్టడి లక్ష్యంగా ఇటీవలే రెపో రేటును 25 బేసిస్ పాయింట్లు పెంచింది. ఆర్‌బీఐ. గత ఏడాది 2022, మే నెల నుంచి వరుసగా పెంచుతోంది. ఇప్పటి వరకు సుమారు 250 బేసిస్ పాయింట్లు మేర పెంచింది. దీంతో బ్యాంకులు సైతం వడ్డీ రేట్లను భారీగా పెంచేశాయి. మొత్తంగా రెపో రేటు 2.5 శాతం మేర పెరిగింది. అయినా ద్రవ్యోల్బణం దిగిరావడం లేదు. దీంతో మరోసారి పెంచక తప్పదని మార్కెట్ నిపుణులు అంచనా వేస్తున్నారు. మరోసారి రెపో రేటు పెరిగితే బ్యాంకులు కూడా ఆ ప్రభావాన్ని కస్టమర్లకు బదిలీ చేస్తాయి.

‘ భారత్‌లో ద్రవ్యోల్బణం దిగిరావడం లేదు. దీర్ఘకాలంగా 6 శాతం సమీపంలోకి తీసుకురావాలని చర్యలు తీసుకుంటున్నాం. అయితే, ఎందుకు దిగిరావడం లేదని అర్థం చేసుకునేందుకు ప్రయత్నిస్తున్నాం. వచ్చే ఎంపీసీ మీటింగ్‌లో రిజర్వ్ బ్యాంక్ కీలక నిర్ణయం తీసుకోక తప్పదు. ఇది మరోసారి రేట్ల పెంపు చేయక తప్పని పరిస్థితిని సూచిస్తోంది. భారత్ ఇప్పట్లో రేట్ల పెంపును ఆపే సూచనలు కనిపించడం లేదు. ఆ తర్వాత్ ఆశ్చర్య పరుస్తుంది.’ అని తెలిపారు ఈఏసీ పీఎం పార్ట్ టైమ్ మెంబర్ సాజిద్ జడ్ చినోయ్ తెలిపారు.



Source link

Latest news
Related news