లేటెస్ట్ ఇంటర్వ్యూలో రెహమాన్ ఆస్కార్ ఎంట్రీకి పంపుతున్న సినిమాల గురించి మాట్లాడారు. ఇండియా.. సత్తాలేని సినిమాలను ఆస్కార్ పోటీకి పంపుతోందని, దీంతో అవి నామినేషన్ పొందకుండా లేదా అవార్డ్ గెలుచుకోకుండా వెనుతిరుగుతున్నాయని అభిప్రాయపడ్డారు. ‘మన సినిమాలు కొన్నిసార్లు ఆస్కార్ వరకు వెళ్తున్నాయి. కానీ అవి గెలుపు ముంగిట చతికిలబడుతున్నాయి. ఆస్కార్ కోసం అర్హతలేని సినిమాలు పంపుతున్నారు. అలా చేయొద్దని కోరుకుంటున్నా’ అని తెలిపారు.
Tabu: టీనేజ్ నుంచే కలిసి తిరుగుతున్నాం.. ఇప్పటికీ ఏం మారలేదు.. అజయ్, టబు రిలేషన్షిప్నిజానికి ఈ ఏడాది ‘లాస్ట్ ఫిల్మ్ షో’ ఆస్కార్‌కు ఇండియా తరపున అధికారిక ఎంట్రీగా ఎంపికైంది. ఈ చిత్రం షార్ట్‌లిస్ట్‌లో చేరినప్పటికీ ఫైనల్ నామినేషన్ పొందడంలో విఫలమైంది. అయితే జనాల్లో పాపులారిటీని పరిగణనలోకి తీసుకుంటే.. ‘ఛెల్లో షో’ మూవీకి బదులు RRR చిత్రాన్ని బెస్ట్ ఫారిన్ లాంగ్వేజ్ కేటగిరీలో పోటీకి పంపి ఉంటే ఖచ్చితంగా అవార్డ్ వచ్చి ఉండేదని అనేక హాలీవుడ్ అవుట్‌లెట్స్ అభిప్రాయపడ్డాయి. భారత్ నుంచి RRR అధికారిక చిత్రంగా ఉంటే.. తప్పకుండా విజయం వరించేదని తెలిపాయి.
ఇదిలా ఉంటే ఈ ఏడాది ‘ఆల్ క్వైట్ ఆన్ ది వెస్ట్రన్ ఫ్రంట్’ మూవీ బెస్ట్ ఇంటర్నేషనల్ ఫిల్మ్ కేటగిరీలో అకాడమీ అవార్డ్ గెలుచుకుంది. ఈ మూవీ జర్మన్ యాంటీ వార్ నేపథ్యంలో తెరకెక్కింది. ఇక రెహమాన్ విషయానికొస్తే.. ‘స్లమ్ డాగ్ మిలియనీర్’ చిత్రంలోని ‘జయహో’ సాంగ్‌కు తను ఆస్కార్ గెలుచుకున్న విషయం తెలిసిందే. అయితే ఈ మూవీని బ్రిటిష్ మేకర్స్ రూపొందించినందున ఇండియా ఖాతాలో చేరలేదు.
- Read latest Tollywood updates and Telugu News