Sunday, April 2, 2023

జెజనిటల్ టీబీ అంటే..? దీని లక్షణాలు ఎలా ఉంటాయి..?

​Female Genital Tuberculosis: అత్యంత విస్తృతంగా వ్యాపిస్తున్న వ్యాధులలో టీబీ (Tuberculosis) ఒకటి. ఇప్పటికే ప్రపంచ జనాభాలో నాలుగింట ఒక వంతు మంది టీబీకి గురయ్యారు. గత ఐదేళ్లలో, జననేంద్రియ టిబితో పోరాడుతున్న మహిళల సంఖ్య 10% కంటే ఎక్కువ పెరిగింది. ప్రపంచవ్యాప్తంగా టీబీ పేషెంట్స్‌, టీబీ మరణాలు ఎక్కువవుతున్నాయి. మహిళలలో టీబీ సమస్య ఎక్కువవుతోంది. స్త్రీ జననేంద్రియ క్షయవ్యాధి (Female genital tuberculosis (FGTB)) టీబీలో ఒక రకం. ఇది ప్రధానంగా స్త్రీ పునరుత్పత్తి వ్యవస్థను ప్రభావితం చేస్తుంది. మహిళల్లో ఎక్స్‌ట్రాపల్మోనరీ టీబీ అత్యంత సాధారణ సైట్ జన్షియల్‌ టీబీ. ఇది ఫెలోపియన్ ట్యూబ్‌లు, గర్భాశయ లైనింగ్, అండాశయాలు, గర్భాశయం, యోనిపై ప్రభావం చూపుతుంది. స్త్రీ జననేంద్రియ క్షయవ్యాధి గురించి డాక్టర్‌ రత్నా సక్సేనా మనకు వివరించారు. (Dr Ratna Saxena, IVF Specialist in Bijwasan, Nova IVF Fertility).

టీబీ & ఫెర్టిలిటీ..

టీబీ & ఫెర్టిలిటీ..

TB తరచుగా ఊపిరితిత్తులను ప్రభావితం చేస్తుంది, అయితే క్షయవ్యాధి మూత్రపిండాలు, జీర్ణశయాంతర ప్రేగులు, మెదడు,పెల్విక్ (జననేంద్రియ) అవయవాలకు కూడా సోకుతుంది. స్త్రీలలో, జననేంద్రియ టిబి ఫెలోపియన్ ట్యూబ్‌లు, గర్భాశయాన్ని ప్రభావితం చేస్తుంది, అలాగే ఎండోమెట్రియం లైనింగ్‌ను కూడా ఎఫెక్ట్‌ చేస్తుంది, గర్భాశయ గోడ సంశ్లేషణకు కారణమవుతుంది. ఈ పరిస్థితిని అషెర్మాన్ సిండ్రోమ్ అని పిలుస్తారు. స్త్రీ జననేంద్రియ టీబీ.. ఫెలోపియన్‌ ట్యూబ్‌లకు సోకి, ఫెలోపియన్ ట్యూబ్ బ్లాక్‌కు దారి తీస్తుంది. జననేంద్రియ క్షయవ్యాధి గర్భాశయ పొరను కూడా ప్రభావితం చేస్తుంది, దీనికారణంగా ఎండోమెట్రియం పొర సన్నబడి.. రుతుక్రమం సమయంలో బ్లీడింగ్‌ తక్కువగా ఉంటుంది.

tuberculosis

tuberculosis

జననేంద్రియ క్షయవ్యాధిని సైలెంట్ కిల్లర్ అని కూడా పిలుస్తారు. సాధరణంగా దీని లక్షణాలు కనిపించదు, చాలా అలస్యంగా దీని సింప్టమ్స్‌ బయటపడతాయి. అందువల్ల, జననేంద్రియ TB గుర్తించిన వెంటనే… చికిత్స తీసుకోవడం చాలా అవసరం. జననేంద్రియ టీబీ ఎక్టోపిక్ గర్భధారణకు కూడా దారి తీస్తుంది. దీన్ని నిర్లక్ష్యంగా వదిలేస్తే.. నెలలు నిండకుండా పిల్లలు పుట్టడం, బిడ్డ తక్కువ బరువుతో పుట్టడం, ఎక్టోపిక్ ప్రెగ్నెన్సీ, నవజాత శిశువు మరణానికి కారణం అవుతుంది.

ఈ లక్షణాలు కనిపిస్తాయి..

ఈ లక్షణాలు కనిపిస్తాయి..

Female genital tuberculosis (FGTB) కారణంగా.. పునరుత్పత్తి వ్యవస్థలో సమస్యలు ఎదురువుతాయి. బరువు తగ్గడం, అలసట, పెల్విక్‌ నొప్పి, అసాధారణమైన యోని ఉత్సర్గ, తేలికపాటి జ్వరం వంటి లక్షణాలు కనిపిస్తాయి. నెలసరి సమయంలో బ్లీడింగ్‌ తక్కువ/ ఎక్కువగా అవ్వండ, రక్తంతో తడిసిన యోని ఉత్సర్గ, దీర్ఘకాలిక కటి నొప్పి వంటి సమస్యలు వస్తాయి.

ఎలా నిర్ధరించాలి..?

ఎలా నిర్ధరించాలి..?

FGTB ని నిర్ధరించడానికి ట్యూబర్‌కులిన్ చర్మ పరీక్ష, మాంటౌక్స్ పరీక్ష చేయించుకోవలసి ఉంటుంది. ఈ పరీక్షలో చర్మం కింద కొద్ది మొత్తంలో TB యాంటిజెన్‌ని ఇంజెక్ట్ చేస్తారు. CT స్కాన్‌, ఎండోమెట్రియల్ బయాప్సీ, చెస్ట్‌ ఎక్స్‌ రే ద్వారా ఈ వ్యాధిని నిర్ధరిస్తారు. ఎండోమెట్రియల్ బయాప్సీ, పీరియడ్‌ బ్లడ్‌ కల్చర్‌.. జననేంద్రియ క్షయవ్యాధి నిర్ధారణలో సహాయపడుతుంది. క్షయవ్యాధి రోగులలో సాధారణమైన కేసస్ నెక్రోసిస్‌ను కలిగి ఉండే నాడ్యూల్స్‌ను ట్యూబర్‌కిల్స్ అంటారు. ఈ విధానాలన్నీ గర్భాశయం వద్ద బ్యాక్టీరియాను గుర్తించడంలో సహాయపడతాయి.

చికిత్స..

చికిత్స..

టీబీని ముందుగా గుర్తిస్తే.. ఇన్‌ఫెర్టిలిటీ, జననేంద్రియ మార్గం దెబ్బతినే.. స్థాయిని తగ్గించవచ్చు. జననేంద్రియ టిబిని గుర్తించిన వెంటనే.. చికిత్స తీసుకోవడం చాలా ముఖ్యం. WHO ప్రకారం, రిఫాంపిసిన్ (R) ఉన్న టీబీ పేషెంట్స్‌ ఆరు-నెలల నియమావళిని స్వీకరించాలని సిఫార్సు చేస్తారు: ఐసోనియాజిడ్ (H), R, ఇథాంబుటోల్ (E), పైరజినామైడ్ (Z)తో రెండు నెలల ఇంటెన్సివ్ ఫేజ్. HRతో నాలుగు నెలల కొనసాగింపు దశ. TB రోగులు రోజువారీ ఇంటెన్సివ్ ఫేజ్‌ను తీసుకోవాలి. అంతేకాకుండా, FGTB ప్రధాన చికిత్సలో తగిన మోతాదులో, వ్యవధిలో మెడికేషన్‌ చికిత్స ఉంటుంది.
ట్యూబ్‌లు బ్లాక్‌ అయిన మహిళలకు, , ఇన్ విట్రో ఫెర్టిలైజేషన్ (IVF), ఎంబ్రియో ట్రాన్స్‌ఫర్ (ET) ద్వారా పిల్లలకు జన్మనివ్వచ్చు. సన్నని గర్భాశయ లైనింగ్, అషెర్మాన్ సిండ్రోమ్ ఉన్న మహిళలకు IVF సైకిల్‌ స్టార్ట్‌ చేసే ముందు.. హిస్టెరోస్కోపీ అవసరం కావచ్చు.

ఎలా నివారించాలి..?

ఎలా నివారించాలి..?

నెలసరి క్రమం తప్పడం, జననేంద్రియ ప్రాంతంలో వాపు, యోని స్రావాల్లో రక్తం, సంభోగం తర్వాత నొప్పి వంటి ఇన్ఫెక్షన్ సంకేతాలు త్వరగా గుర్తిస్తే.. 6-9 నెలల్లో FGTB నయమవుతుంది. వెంటిలేషన్ గదులు, సహజ కాంతి, పరిశుభ్రంగా ఉంటే.. సంక్రమణను నివారించవచ్చు. క్షయవ్యాధికి సంబంధించిన మందులు బ్యాక్టీరియా సంక్రమణను నిర్మూలిస్తాయి. అయితే అవి కలిగించే నష్టాన్ని తిప్పికొట్టలేవు, అందువల్ల TB సంక్రమణ ప్రారంభ సంకేతాల గురించి అప్రమత్తంగా ఉండటం చాలా ముఖ్యం.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Latest news
Related news