కన్ను మసకగా కనిపిస్తుందా.. ఈ సమస్య ఉందేమో..

​ఎలా గుర్తించాలి..

పెన్ యూనివర్శిటీ వెబ్‌సైట్ ప్రకారం, ఐ స్ట్రోక్ ఉన్నవారికి ఉదయాన్నే ఓ కన్ను సరిగ్గా కనిపించదు. ఈ సమయంలో నొప్పి ఉండాడలన్న రూల్ లేదు. కొంతమందికి చీకటిగా కనిపిస్తే.. కొంతమందికి మాత్రం నీడలా కనిపిస్తుంది. కొంతమందికి మసకమసకగా అనిపిస్తుంది.
​Also Read : Tender Coconut’s Malai : కొబ్బరిబోండంలోని లేతకొబ్బరిని ఇలా తింటే గుండెకి మంచిది..

​లక్షణాలు..

ఈ సమస్య వస్తే సరిగ్గా కనిపించకపోవడం, నల్లగా కనిపించడం, నీడల్లా కనిపించడం వంటి సమస్యలు వస్తుంటాయి. దీంతో పాటు ముఖ్యంగా ఇది ఒక కంటిలో మాత్రమే ఉంటుంది. దీనిని గుర్తుంచుకోవాలి. జ్వరం, తలనొప్పి, దవడ నొప్పి, బరువు తగ్గడం, ఆకలి లేకపోవడం, అలసట వంటి లక్షణాలు ఉంటాయి.

​కారణాలు..

ఆప్టిక్ నరాల ముందు భాగానికి సరఫరా చేసే రక్త నాళాలలో రక్తప్రసరణ సరిగా జరగకపోవడం వల్ల ఐ స్ట్రోక్ వస్తుంది. ఆప్టిక్ నాడి అనేది బ్రెయిన్ కంటికి అనుసంధానించే కేబుల్, మిలియన్ల కొద్దీ నరాల ఫైబర్స్, రక్తనాళాలను తీసుకెళ్తుంది. ఆప్టిక్ నాడిని పోషించే రక్త నాళం మొత్తం అడ్డంకి నుండి ఐ స్ట్రోక్ వచ్చినప్పటికీ, ఇది సాధారణంగా కణజా ఒత్తిడి, పెర్ఫ్యూజన్ లేకపోవడం వల్ల వస్తుంది.

​వీటితో పాటు..​

కొన్ని పరిశోధనల ప్రకారం, చిన్న ఆర్టరీస్‌లో సమస్య ఉండడం వల్ల దృష్టి సమస్యలు ఉంటాయి. అయితే, దీనికి ట్రీట్‌మెంట్ తీసుకోవడం ఆలస్యం చేస్తే ఆప్టిక్ నరాల ముందు భాగంలోని కణజాలాలకు రక్త ప్రవాహం తగ్గి ప్రమాదం పెరుగుతుంది. కొన్నిసార్లు ఆప్టిక్ నరం పోషకాలు, ఆక్సిజన్ సరఫరా నుండి పూర్తిగా తెగిపోయినప్పుడు నరాల కణజాలాన్ని దెబ్బతీస్తుంది. దీని వల్ల కళ్ళు సరిగ్గా కనపడవు.

​ఎవరికొస్తుందంటే..

పెన్ మెడిసిన్ ప్రకారం.. కార్డియో వాస్క్యులర్ సమస్య ఉన్నవారికి, వయగ్రా వంటి మందులు తీసుకునేవారికి ఈ సమస్య ఎక్కువగా వస్తుందని అంటారు. అదే విధంగా వయసు ఎక్కువగా ఉన్నవారిరు నిద్రపోతున్నప్పుడు రక్తపోటు గణనీయంగా పడిపోయి తక్కువ రక్తపోటు ఆ ధమనుల ప్రసరణని తగ్గిస్తుంది. దీంతో ఐ స్ట్రోక్ వచ్చే అవకాశం ఉంది.

ఆప్టిక్ నరాలపై ఎఫెక్ట్ కూడా..

​ఆప్టిక్ డిస్క్ ఆకారం కూడా ఈ సమస్యకి కారణంగా తెలుస్తుంది. మెదడుకి, ఆప్టిక్ నరాల క్రిందకి ప్రయాణించే నరాల ఫైబర్స్ తప్పనిసరిగా కంటిలోకి రంధ్రం, ఆప్టిక్ ఫోరమెన్ అని పిలిచే ఓపెనింగ్ ద్వారా ప్రవేశించాలి. ఇది వ్యక్తి ఫోరమెన్ సగటు కంటే తక్కువగా ఉంటి.. ఆప్టిక్ నరాలపై ఎఫెక్ట్ పడుతుంది.

​సమస్యను గుర్తించిన వెంటనే..

సడెన్‌గా కంటి చూపు సరిగ్గా కనిపించకపోతే వెంటనే డాక్టర్‌ని కలవాలి. వారు మిమ్మల్ని పరీక్షించి మీ పరిస్థితిని బట్టి మసాజ్ చేయడం, గట్టకట్టడాన్ని తొలగించడం వంటివి చేస్తారు. ఇది త్వరగా జరగాలి. లేకపోతే ఐ స్ట్రోక్ ప్రమాదం పెరుగుతుందని గుర్తుపెట్టుకోండి.
​Also Read : Rheumatoid Arthritis : కీళ్ళ నొప్పులు ఉన్నాయా.. ఈ సమస్య ఉందేమో..

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Read More : Relationship News and Telugu News