whatsapp, WhatsApp Group Chat: వాట్సాప్‌లో అదిరిపోయే అప్‌డేట్.. నంబర్ల బదులు పేర్లు.. ఇక ఆ టెన్షన్ అస్సలే లేదుగా! – whatsapp group chat to soon show username instead of phone numbers

WhatsApp Group Chat: మీరు వాట్సాప్ వాడుతున్నారా? గ్రూపుల్లో ఉన్నారా? అయితే ఈ వార్త మీకోసమే. వాట్సాప్ ఇప్పుడు మరో కొత్త అప్‌డేట్ (Whatsapp Update) తీసుకొచ్చింది. సాధారణంగా మిమ్మల్ని ఎవరైనా ఏదైనా గ్రూప్‌లో యాడ్ చేశారనుకోండి.. అందులో వాళ్ల డీపీ ఏదో ఉంటుంది.. చాలా మంది మీకు తెలియకపోవచ్చు. కనీసం వారి పేరు కూడా తెలియక.. వారి నుంచి ఏదైనా మెసేజ్ వస్తే ఎవరు పంపారబ్బా అని కంగారు పడటం, దాని గురించి ఆలోచించడం, అది తెలుసుకోవడానికి ఇబ్బందులు పడుతుంటారు. అయితే ఇకపై ఆ ఇబ్బంది ఉండదు. వాట్సాప్ గ్రూప్ సభ్యుల కోసమే ఇప్పుడు కొత్త అప్‌డేట్ అందుబాటులోకి తీసుకొచ్చింది యాజమాన్యం. ఈ అప్‌డేట్ ఏంటంటే.. ఇకపై గ్రూపుల్లో వారి ఫోన్ నంబర్లకు బదులు.. అక్కడ వారి పేరు మీకు కనిపిస్తుంది. ఇక ఎవరు పంపారో, అవతలి వ్యక్తి ఎవరో ఈజీగా తెలిసిపోతుంది.

ఈ అప్‌డేట్‌తో మీకు మెసేజ్ చేసిన అవతలి వ్యక్తి ఎవరో తెలుసుకోవచ్చు. అక్కడ వారి ఫోన్ నంబర్ బదులు డైరెక్ట్‌గా పేరే కనిపిస్తుంది. వ్యక్తిగత చాట్‌లో ఈ ఫీచర్ పనిచేయదు. గ్రూప్ చాట్‌లో సౌలభ్యం కోసం మాత్రమే ఈ అప్‌డేట్ తీసుకొచ్చింది.

ఈ అప్‌డేట్ వల్ల చిన్న చిన్న ప్రయోజనాలు ఉంటాయి. అవేంటంటే.. గ్రూపులో ఉన్న ప్రతి ఒక్కరి పేరు మన కాంటాక్ట్ లిస్ట్‌లో సేవ్ చేసుకోవాల్సిన అవసరం ఉండకపోవచ్చు. చాలా మంది అంటే వందలాది మంది ఉన్న గ్రూప్‌లో అందరివీ సేవ్ చేసుకోలేం కదా.. అప్పుడు ఎవరు మెసేజ్ పెట్టింది ఇట్టే కనిపెట్టేయొచ్చు. వాట్సాప్ గ్రూప్‌లో లిస్ట్ చూసినప్పుడు కూడా వారి పేర్లు కనిపిస్తాయి కాబట్టి అందులో ఎవరెవరు ఉన్నారని తెలుసుకోవచ్చు.

ప్రస్తుతం ఆండ్రాయిడ్ యూజర్ల కోసం వాట్సాప్ తాజా వెర్షన్ 2.23.5.12 బీటాతో పాటు iOS బీటా కోసం iOS 23.5.0.73 అప్‌డేట్‌తో కొంతమంది బీటా యూజర్ల కోసం ఈ ప్రత్యేక ఫీచర్ అందుబాటులోకి వచ్చింది. ఒకసారి టెస్టింగ్ పూర్తయితే.. ఈ ఫీచర్ ఇతర వినియోగదారులకు అందరికీ అందుబాటులోకి వస్తుంది. ఇదే సమయంలో వాట్సాప్ గ్రూప్‌లో ఇతర ఫీచర్లను కూడా పరిశీలిస్తోంది. గ్రూప్ అడ్మిన్లకు సదరు గ్రూప్‌పై మరింత కమాండ్ ఇస్తుందన్నమాట.

PM Kisan Mandhan Yojana: రైతులకు నెలనెలా రూ. 3 వేల పింఛన్.. అర్హతలు ఏంటి? ఎంత కట్టాలి?Reliance Jio: జియో సిమ్ యూజర్లకు గుడ్‌న్యూస్.. సరికొత్త రీఛార్జ్ ప్లాన్స్.. ఒకే సిమ్‌పై మొత్తం నలుగురికి ఆఫర్!Facebook Job Cuts: ఉద్యోగులకు కోలుకోలేని దెబ్బ.. 10 వేల మంది అవుట్.. లేఆఫ్స్‌తో పాటు దిగ్గజ టెక్ కంపెనీ మరో కీలక ప్రకటన!

• Read Latest Business News and Telugu News