కన్నడలో ‘A, ఉపేంద్ర, సూపర్, ఉప్పి2’ వంటి హిట్ చిత్రాలను రూపొందించిన ఉపేంద్ర దర్శకత్వంలో సినిమా వచ్చి చాలా ఏళ్లయింది. ఈ నేపథ్యంలోనే UI పేరుతో స్వీయ దర్శకత్వంలో ఓ సినిమా తెరకెక్కిస్తున్నారు ఉపేంద్ర. ఈ మూవీ కూడా పాన్ ఇండియా రేంజ్‌లో నిర్మిస్తుండగా.. గతేడాది జూన్‌లో షూటింగ్ ప్రారంభమైంది. ఈ ప్రాజెక్ట్ గురించి తాజాగా వెల్లడించిన ఉపేంద్ర.. ‘చాలా ఏళ్ల తర్వాత UI మూవీకి దర్శకత్వం వహిస్తున్నాను. నా స్క్రీన్‌ప్లే, డైరెక్షన్ టేస్ట్ ఎలా ఉంటుందో మీరే చూస్తారు. నన్ను నమ్మండి.. ఒకవేళ మీకు సినిమా అర్థమైతే గనుక మీరే సూపర్‌స్టార్ అవుతారు’ అని చెప్పుకొచ్చారు.
AR Rahaman: సత్తాలేని సినిమాలను ఆస్కార్‌కు పంపుతున్నారు: ఏఆర్ రెహమాన్ఇక ఈ సినిమా షూటింగ్ దాదాపు కంప్లీట్ అయింది. మురళీ శర్మ కీలక పాత్ర పోషిస్తున్న చిత్రాన్ని జీ మనోహరన్ (లహరి ఫిలింస్), కేపీ శ్రీకాంత్ (వీనస్ ఎంటర్‌టైన్మెంట్స్) సంయుక్తంగా నిర్మిస్తున్నారు. ఇదిలా ఉంటే, ఉపేంద్ర తన క్రియేటివిటీతో సర్‌ప్రైజ్ ఇవ్వనున్నాడని ఫిక్స్ అయిపోయిన ఆయన అభిమానులు సినిమా కోసం ఆసక్తిగా ఎదురుచూస్తున్నారు. పైగా ‘కేజీఎఫ్‌’, ‘విక్రాంత్‌ రోనా’ చిత్రాలకు ఆర్ట్‌ డైరెక్టర్‌‌గా పనిచేసిన శివ కుమార్‌.. ప్రస్తుతం ఈ UI చిత్రానికి పనిచేస్తుండటం విశేషం.
అయితే, UI మూవీ స్టోరీకి సంబంధించిన థాట్‌ను తాను 15 ఏళ్ల కిందటే డెవలప్ చేసినట్లు చెప్పిన ఉపేంద్ర.. ప్రజెంట్ సిచ్యువేషన్‌కు కూడా అది పక్కాగా సూట్ అవుతుందని అన్నారు. కాగా.. చివరగా ఉపేంద్ర 2015లో ‘ఉప్పి 2’ చిత్రానికి దర్శకత్వం వహించారు. ఆ తర్వాత మళ్లీ UI చిత్రం కోసమే మెగాఫోన్ పట్టారు. అయితే ఇరవై ఏళ్ల కిందటే చాలా అడ్వాన్స్‌డ్‌గా సినిమాలు తీసిన ఉపేంద్రకు కల్ట్ ఫ్యాన్ బేస్ ఉంది. ఆయన చిత్రాల కోసం ఎదురుచూసే ఫ్యాన్స్ కూడా ఉన్నారు. ఈ లెక్కన ఉపేంద్ర అప్‌కమింగ్ డైరెక్టోరియల్ UI.. ఎన్ని సంచలనాలు సృష్టిస్తుందో వేచి చూడాల్సిందే.
- Read latest Tollywood updates and Telugu News