Friday, March 24, 2023

Tan Removal: ఈ సింపుల్‌ టిప్స్‌తో.. టాన్‌ మాయం అవుతుంది..! – natural and simple tips to remove tan on face and hands

​Tan Removal: వేసవికాలం స్టార్ట్‌ అయ్యింది. పది నిమిషాలు బయటకు వెళ్తేనే.. చర్మం నిర్జీవంగా, కాంతివిహీనంగా మారుతుంది. ఎండతాకిడికి లోనైన చర్మం బాగా ఎర్రబడి, మండుతుంటుంది. ఆ తర్వాత కమిలి నలుపురంగుకు మారుతుంటుంది. ఈ సమస్యనే టాన్ అంటారు. టాన్‌ కారణంగా ముఖం అందవిహీనంగా మారుతుంది. టాన్‌ వదిలించుకోవడానికి, ముఖాన్ని ప్రకాశవంతంగా మార్చుకోవడానికి అమ్మాయిలు.. ఏవేవో క్రీమ్‌లు వాడుతూ ఉంటారు, ఫేషియల్స్‌, స్కిన్‌ ట్రీట్మెంట్స్‌ చేయించుకుంటూ ఉంటారు. కొన్ని ప్రభావవంతమైన చిట్కాలతో ఇంట్లోనే మీ ముఖం, చేతులపై ఉన్న టాన్‌ చిటికెలో తొలగించుకోవచ్చు. ఆ న్యాచురల్‌ టిప్స్‌ ఏమిటో తెలుసుకోవాలంటే.. ఈ స్టోరీ చదివేయండి.

నిమ్మరసం..

నిమ్మరసం..

నిమ్మరసం న్యాచురల్‌ బ్లీచింగ్‌ ఏజెంట్‌లా పనిచేస్తుంది. నిమ్మరసంతో మీ చర్మాన్ని తిరిగి కాంతివంతంగా మార్చుకోవచ్చు. టాన్‌ ఉన్న ప్రాంతాలో నిమ్మరసాన్ని డైరెక్ట్‌గా అప్లై చేయండి. దీన్ని 10 – 15 నిమిషాలపాటు ఆరనిచ్చి.. గోరువెచ్చని నీటితో శుభ్రం చేసుకోండి. ఇలా వారానికి రెండు సార్లు చేస్తే.. టాన్‌ తొలగుతుంది.

టమాటా రసం..

టమాటా రసం..

మీ చర్మంపై పేరుకున్న టాన్‌ తొలగించడానికి టమాటా రసం ఎఫెక్టివ్‌గా పనిచేస్తుంది. టమాటాలో యాంటీఆక్సిడెంట్లు పుష్కలంగా ఉంటాయి, ఇది మెలనిన్‌ ఉత్పత్తిని తగ్గిస్తుంది. టమాటా చర్మం రంధ్రాల్లో పేరుకున్న వ్యర్థాలను తొలగిస్తుంది. మీరు టాన్‌తో బాధపడుతుంటే.. ఒక టేబుల్‌ స్పూన్‌ టమాటా రసంలో ఒక టేబుల్‌ స్పూన్‌ తేనె కలిపి అప్లై చేయండి. దీన్ని 20 నిమిషాల పాటు ఆరనిచ్చి చల్లటి నీళ్లతో శుభ్రం చేసుకోండి.

కలబంద..

కలబంద..

కలబందలోని హీలింగ్ గుణాలు టాన్‌‌ను తొలగించి, చర్మాన్ని ప్రకాశవంతంగా మారుస్తాయి. మీ చర్మంపై టాన్‌ పేరుకుంటే.. కలబంద గుజ్జును ఆ ప్రాంతంపై అప్లై చేయండి. దీన్ని 30 నిమిషాలపాటు ఆరనిచ్చి గోరువెచ్చని నీళ్లతో శుభ్రం చేసుకోండి. మంచి రిజల్ట్స్‌ కోసం.. వారానికి రెండుసార్లు కలబంద గుజ్జు అప్లై చేయండి.

పెరుగు..

పెరుగు..

పెరుగులో లాక్టిక్ యాసిడ్ ఉంటుంది, ఇది సహజమైన ఎక్స్‌ఫోలియంట్‌గా పనిచేస్తుంది. మృతకణాలను తొలగించడంలో సహాయపడుతుంది. టాన్‌ తొలగించడానికి.. ఒక టేబుల్‌ స్పూన్‌ పెరుగులో, తేనె మిక్స్‌ చేసి ఆ ప్రాంతాల్లో అప్లై చేయండి. దీన్ని 20 నిమిషాలపాటు అరనిచ్చి.. గోరువెచ్చని నీళ్లతో శుభ్రం చేయండి. ఇలా వారానికి రెండు సార్లు అప్లై చేస్తే.. టాన్‌ తొలగి.. కాంతివంతమైన చర్మాన్ని పొందవచ్చు.

బొప్పాయి..

బొప్పాయి..

బొప్పాయిలో ఎంజైమ్‌లు పుష్కలంగా ఉంటాయి. ఇవి టాన్‌ను తొలగించి మీ చర్మాన్ని ఎక్స్‌ఫోలియేట్ చేయడానికి సహాయపడతాయి. బొప్పాయి గుజ్జును టాన్‌ ఉన్న ఏరియాపై అప్లై చేసి.. 30 నిమిషాల పాటు ఆరనివ్వండి. మంచి రిజల్ట్స్‌ కోసం వారానికి రెండు సార్లు రిపీట్ చేయండి.

Also Read: మీ ముఖం తెల్లబడాలంటే.. ఈ పండ్లతో ప్యాక్‌ వేసేయండి..!

కీరా..

కీరా..

కీరాలో అధిక మొత్తంలో నీరు ఉంటుంది, ఇది చర్మాన్ని హైడ్రేట్‌గా ఉంచుతుంది. కీరా టాన్‌ను తొలగించడానికి ఎఫెక్టివ్‌గా పనిచేస్తుంది. టాన్‌ను తొలగించడానికి, కీరా గుజ్జు.. ప్రభావిత ప్రాంతాలకు అప్లై చేయండి. దీన్ని 20 నిమిషాల పాటు ఆరనిచ్చి, గోరువెచ్చని నీళ్లతో శుభ్రం చేసుకోండి. ఇలా తరచుగా చేస్తే.. టాన్‌ తొలగుతుంది.

Also Read: మొటిమలు, పిగ్మెంటేషన్‌ మాయం అవ్వలాంటే.. బంగాళదుంపతో ఇలా చేయండి..!

పసుపు..

పసుపు..

పసుపులో ఉండే యాంటీ ఇన్‌ఫ్లమేటరీ, యాంటిసెప్టిక్ లక్షణాలు టాన్‌ని తగ్గించి చర్మాన్ని మెరిపిస్తాయి. ఒక టేబుల్ స్పూన్ పసుపు తీసుకుని అందులో ఒక టేబుల్ స్పూన్ తేనె కలపాలి. టాన్‌ పట్టిన ప్రాంతంలో ఈ పేస్ట్‌ అప్లై చేసి 20 నిమిషాల పాటు ఆరనివ్వండి. ఆ తర్వాత నీటితో శుభ్రం చేసుకోండి.

Also Read: స్పాట్‌లెస్‌‌‌‌‌‌‌‌ బ్యూటీ పొందడానికి.. జామాకులు ఇలా వాడండి..!

ఈ జాగ్రత్తలు తీసుకోండి..

ఈ జాగ్రత్తలు తీసుకోండి..
  • ఎండలో బయటకు వెళ్లేటప్పుడు, క్యాప్‌, సన్ గ్లాసెస్, స్కార్ఫ్‌ ధరించండి.
  • బయటికి వెళ్లే ముందు కనీసం SPF 30 ఉన్న సన్‌స్క్రీన్‌ని అప్లై చేసుకోండి
  • ఉదయం 10 గంటల నుంచి సాయంత్రం 4 గంటల మధ్య ఎండలో బయటకు వెళ్లవద్దు.
  • నీరు ఎక్కువాగ తాగండి, చర్మాన్ని హైడ్రేట్‌గా ఉంచుకోండి.
  • మీ డైట్‌లో తాజా కూరగాయలు, పండ్లు చేర్చుకోండి. ఇవి యూవీ కిరణాల నుంచి మీ చర్మాన్ని రక్షిస్తాయి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.

Latest news
Related news