136 పరుగుల లక్ష్యఛేదనలో బెంగళూరు టీమ్ ఆరంభం నుంచే తడబడింది. కెప్టెన్ స్మృతి మంధాన (0) డకౌట్‌గా వెనుదిరగగా.. సోఫియా డివైన్ (14), పెర్రీ (10), తక్కువ స్కోరుకే ఔటైపోయారు. కానీ.. కన్నిక ఆహుజా (46: 30 బంతుల్లో 8×4, 1×6) దూకుడుగా ఆడేసింది. ఆమెకి హీథర్ నైట్ (24: 21 బంతుల్లో 5×4), రిఛా ఘోస్ (31 నాటౌట్: 32 బంతుల్లో 3×4, 1×6) చక్కటి సహకారం అందించారు. అలానే చివర్లో శ్రేయాంక పాటిల్ (5 నాటౌట్) సమయోచితంగా ఆడింది. దాంతో బెంగళూరు గెలుపు రుచి చూడగలిగింది.
యూపీ వారియర్స్ జట్టులో గ్రేస్ హారిస్ (46: 32 బంతుల్లో 5×4, 2×6) మాత్రమే చెప్పుకోదగ్గ స్కోరు చేసింది. మ్యాచ్ ఆరంభం నుంచి బెంగళూరు బౌలర్లు వరుసగా వికెట్లు తీస్తూ యూపీపై ఒత్తిడి పెంచడంలో సక్సెస్ అయ్యారు. బెంగళూరు బౌలర్లలో ఎల్సీ పెర్రీ మూడు, ఆశా శోభన, సోఫీ డివైన్ చెరో రెండు వికెట్లు తీశారు. గురువారం ఢిల్లీ క్యాపిటల్స్, గుజరాత్ జెయింట్స్ మధ్య మ్యాచ్ జరగనుంది.
Read Latest Sports News, Cricket News, Telugu News