హర్షవర్ధన్ రామేశ్వర్ మంచి కంపోజిషన్‌తో పాత పాటకు కొత్తరూపం తీసుకొచ్చారు. రెట్రో స్టయిల్‌లో సాగే ఈ పాట విక్టరీ వెంకటేష్ నటించిన ‘సూర్య IPS’లోని సూపర్‌హిట్ సాంగ్ ‘వెయ్యిన్కొక్క జిల్లాల వరకు’కు రీమిక్స్ వెర్షన్. అప్పట్లో సిరివెన్నెల సీతారామశాస్త్రి రచించిన ఈ పాటను ఇళయరాజా కంపోజిషన్‌లో ఎస్పీ బాలసుబ్రహ్మణ్యం ఆలపించారు. కొత్తపాటలో కొన్ని ఫాస్ట్ బీట్స్, రవితేజ క్రేజీ డ్యాన్స్‌లు ప్రేక్షకులను ఆకట్టుకునేలా ఉన్నాయి.
‘రావణాసుర’లో రవితేజ
కాస్ట్యూమ్స్ నుండి సెట్స్ వరకు మేకర్స్ రెట్రో లుక్, అలనాటి అనుభూతిని ఇవ్వడానికి చాలా జాగ్రత్తలు తీసుకున్నారు. ఈ పాటలో మేఘా ఆకాష్‌ను ఏడిపిస్తూ కనిపించారు రవితేజ. అంతేకాదు, పాప్ కింగ్ మైఖేల్ జాక్సన్ స్టెప్పులను వేసి చూపించారు మాస్ మహారాజా. అనురాగ్ కులకర్ణి పాడిన ఈ పాటకు శేఖర్ మాస్టర్ కొరియోగ్రఫీ అందించారు. శేఖర్ మాస్టర్ స్టైల్ స్టెప్పులు ఈ లిరికల్ వీడియోలో కనిపించాయి.
విజయ్ కార్తీక్ కన్నన్ సినిమాటోగ్రఫీ అందించిన ఈ చిత్రానికి శ్రీకాంత్ విస్సా కథ ఇచ్చారు. అభిషేక్ పిక్చర్స్, ఆర్‌టీ టీమ్‌వర్క్స్‌ బ్యానర్లపై అభిషేక్ నామా, రవితేజ నిర్మిస్తున్న ఈ చిత్రానికి నవీన్ నూలి ఎడిటర్. ఈ చిత్రంలో రవితేజ సరసన అను ఇమ్మానుయేల్, మేఘా ఆకాష్, ఫరియా అబ్దుల్లా హీరోయిన్లుగా నటిస్తున్నారు. హీరో సుశాంత్ కీలక పాత్ర పోషించారు. దక్షా నాగర్కర్, పూజిత పొన్నాడ, రావు రమేష్, మురళీ శర్మ, సంపత్ రాజ్, నితిన్ మెహతా, సత్య, జయ ప్రకాష్ ముఖ్య పాత్రల్లో కనిపించనున్నారు. ఏప్రిల్ 7న సమ్మర్ స్పెషల్‌గా ‘రావణాసుర’ గ్రాండ్ రిలీజ్ కానుంది.
Veyyinokka Song: వెయ్యిన్కొక్క జిల్లాల నుంచి పాట.. అదరగొట్టిన మాస్ మహారాజా