businesswoman, Alia Bhatt: ఈ ముద్దుగుమ్మ బిజినెస్‌లోనూ సూపర్ హిట్.. రూ.150 కోట్లకు కంపెనీ.. తొలి సంపాదన తెలుసా? – bollywood heroine alia bhatt businesswoman created rs 150 crore firm in 1 year

Alia Bhatt: బాలీవుడ్ ముద్దుగుమ్మ అలియా భట్ అంటే తెలియని వారు ఉండరు. అందం, అభినయంతో సినిమాల్లో తనదైన ముద్ర వేసింది. ఆస్కార్ అవార్డు దక్కించుకున్న ట్రిపుల్ ఆర్ (RRR)లో రామ్ చరణ్ సరసన నటించి తెలుగు ప్రేక్షకులతో పాటు ప్రపంచవ్యాప్తంగా ఎంతో మంది అభిమానులను సంపాదించుకుంది. చాలా మూవీస్‌లో హీరోయిన్‌గా తనదైన నటనతో అలరించింది. సినిమాల్లో నటనతోనే కాదు బిజినెస్‌లోనూ రాణిస్తోంది ఈ హీరోయిన్. భారీ పెట్టుబడిదారుగా ఒక సంస్థకు కో ఫౌండర్‌గానూ వ్యాపార రంగంలో రాణిస్తోంది. విజయవంతమైన బిజినెస్ వుమెన్‌గా భారీ ఆదాయాన్ని అందుకుంటోంది ఈ గంగూభాయి. ఆమె స్థాపించిన కంపెనీ ఏడాదిలోనే రూ.150 కోట్ల విలువైన సంస్థగా అవతరించింది. అయితే, అలియా భట్ తొలి సంపాదన ఎంతో తెలుసా?

అలియా భట్ (Alia Bhatt) మార్చి 15న తన 30వ పుట్టిన రోజు జరుపుకుంటోంది. తన నటనతో స్టార్ హీరోయిన్‌గా అందరి మన్నన్నలు అందుకుంటున్న ఈ అమ్మడు విజయవంతమైన బిజినెస్‌వుమెన్‌గానూ రాణిస్తోంది. ఆమె గర్భవతిగా ఉన్నప్పుడు ఎడ్-ఎ-మమ్మా (Ed-a-Mamma) అనే స్టార్టప్ కంపెనీని లాంచే చేసింది. ఈ కంపెనీ 2 నుంచి 14 ఏళ్ల వయసు పిల్లలకు అవసరమైన బట్టలను విక్రయిస్తుంటుంది. వెబ్‌సైట్ ద్వారా 800లకుపైగా ప్రొడక్స్ట్ ఈ కంపెనీ విక్రయిస్తోంది. అయితే, ఈ కంపెనీ ప్రారంభించిన 12 నెలల్లోనే 10 రెట్ల వృద్ధితో రూ.150 కోట్లు విలువైన సంస్థగా అవతరించడం గమనార్హం.

ఈ సందర్భంగా తన వ్యాపారం గురించి కీలక వ్యాఖ్యలు చేశారు అలియా భట్. బిజినెస్ ఎలా చేయాలనే విషయాలను ఇంకా నేర్చుకుంటున్నట్లు తెలిపింది. కేవలం ఏడాదిలో తమ సంస్థ సాధించిన ఘనత గర్వకారణమని సంతోషం వ్యక్తం చేసింది. చిన్న కలగా మొదలైన తమ కంపెనీ ఇప్పుడు రూ.150 కోట్లకుపైగా వ్యాపార సామ్రాజ్యంగా మారడం గర్వించదగ్గ విషయమని పేర్కొంది అలియా భట్. అయితే, తాను కంపెనీపై కాకుండా వ్యక్తుల ఆలోచనలపైనే పెట్టుబడి పెడతాని పేర్కొంది. కరోనా సమయంలో ఈ కంపెనీ రూ.1 కోటి రెవెన్యూ సాధించింది. గత నెలలోనే ఈ కంపెనీ సహ వ్యవస్థాపకురాలిగా అలియా భట్ నియామకమయ్యారు. ఈ కంపెనీతో పాటు నైకా, ఫూల్.కో, స్టైల్ క్రేకర్‌లో కూడా పెట్టుబడి దారుగా ఉన్నారు అలియా భట్.

ఫోర్బ్స్ నివేదిక ప్రకారం అలియా భట్ వ్యక్తిగత సంపద రూ.299 కోట్లుగా ఉంది. ఆమె 2017లో రూ.39.88 కోట్లు సంపాదించింది. అలాగే 2018లో రూ.58.83 కోట్లు, 2019లో రూ.59.21 కోట్లు సంపాదించింది. మరోవైపు.. సినిమాల్లో ఒక్కో పాత్రకు రూ.20 కోట్ల వరకు తీసుకుంటందని వినికిడి. అయితే, ఆమె తన చిన్నతనంలో తండ్రి మహేష్ భట్ పాదాలకు క్రీమ్ రాస్తూ రూ.500 సంపాదించేదటా. అదే తన తొలి సంపాదనగా చెప్పుకుంటుంది అలియా భట్. ఇప్పుడు ఆమె కోట్లకు పడగలెత్తడం గమనార్హం. 2022 ఏప్రిల్ 14న హీరో రణబీర్ కపూర్‌ను ప్రేమించి పెళ్లి చేసుకుంది అలియా. 2022, నవంబర్ 6న పాప రాహాకు జన్మనిచ్చింది.

• Read Latest Business News and Telugu News

భారత టెక్ దిగ్గజం TCS మరో ఘనత.. జై కొట్టిన ఉద్యోగులు.. ఫోర్బ్స్ లిస్ట్‌లో తొలిసారి ఎంట్రీ!Jr NTR: ఎన్టీఆర్‌నే సైడ్ యాక్టర్ అనేశాడు.. రామ్ చరణ్ ఇంటర్వ్యూపై ఫ్యాన్స్ ఫైర్!!Naatu Naatu: ఆస్కార్ అవార్డ్..‘నాటు నాటు’ పాటపై కోట్లలో బెట్టింగ్.. ఇండియాలో జోరుగా పందాలు