RRR మూవీ ఆస్కార్స్ అవార్డ్స్‌ జర్నీకి సంబంధించి మార్కెటింగ్ క్యాంపెయిన్‌లో కార్తికేయదే కీ రోల్. తన కృషే ఆస్కార్ విజయాన్ని సాధ్యం చేసింది. అకాడమీ ఓటర్లను అట్రాక్ట్ చేసేందుకు ప్రీమియర్ షోస్, ప్రముఖులతో ఇంటర్వ్యూలు ప్లాన్ చేస్తూ తెర వెనక కష్టపడింది కార్తికేయ. నిజానికి RRR చిత్రానికి భారతదేశం నుంచి ఆస్కార్ ఎంట్రీకి అధికారికంగా చాన్స్ దక్కలేదు. అయినప్పటికీ సెపరేట్‌గా ఆస్కార్‌కు ఎంట్రీ ఇచ్చి, తుది నామినేషన్స్‌లో స్థానం దక్కించుకుని చివరకు ట్రోఫీ కైవసం చేసుకోవడం వెనక కార్తికేయ విజన్, ప్లానింగ్ కీలకపాత్ర పోషించాయనేది వాస్తవం.
Oscars 2023: ఆస్కార్ విజేతలకు నో ‘క్యాష్’.. నామినీస్‌కి మాత్రం రూ.కోటి విలువ చేసే గిఫ్ట్ బ్యాగ్ఆస్కార్ వేదికపై చంద్రబోస్‌తో కలిసి కీరవాణి అవార్డ్ అందుకున్న తర్వాత తన స్పీచ్‌లో ఒక్క కార్తికేయకు మాత్రమే థాంక్స్ చెప్పాడు. ఈ ఒక్క విషయం చాలు.. ఆస్కార్ విజయం దాకా తమను నడిపించింది ఎవరనేది. నిజానికి కార్తికేయ మార్కెటింగ్ స్ట్రాటజీస్ చాలా యానిక్‌గా ఉంటూనే క్రియేటివ్‌గా ఉంటాయి. బిహైండ్ ది సీన్స్‌కు సంబంధించిన ఫుటేజ్, టీజర్లు, ట్రైలర్స్‌ను విడుదల చేస్తూ సినిమాపై హైప్‌ను క్రియేట్ చేయడంతో పాటు కంటెంట్‌ను అనేక ప్లాట్‌ఫామ్స్‌ ద్వారా విస్తృతంగా ప్రేక్షకులకు చేరవేయడంలో తనది మాస్టర్ మైండ్.
RRR మూవీ విడుదలై విజయం సాధించిన తర్వాత రాజమౌళి అండ్ టీమ్.. కొంచెం రిలాక్స్ అయ్యారేమో కానీ కార్తికేయ మాత్రం అవిశ్రాంతంగా పనిచేస్తూనే ఉన్నాడు. ఆస్కార్ గెలుచుకునేంత వరకు తన పని కొనసాగుతూనే ఉంది. మొత్తానికి సినిమా మొదలైనప్పటి నుంచి కార్తికేయ పడ్డ కష్టానికి ఫలితం లభించింది. అందుకే RRR విజయంలో నటీనటులు, సాంకేతిక సిబ్బంది మాత్రమే కాకుండా తన మార్కెటింగ్ క్యాంపెయిన్‌తో అంతర్జాతీయ వేదికపై సినిమాను ప్రమోట్ చేసిన కార్తికేయ కూడా భాగస్వామే.
- Read latest Tollywood updates and Telugu News