నాటు నాటుకు బెస్ట్ ఒరిజినల్ సాంగ్ అవార్డు దక్కినప్పటికీ.. చరణ్, ఎన్టీఆర్ డ్యాన్స్ లేకుంటే ఆ పాట అంతగా జనాదరణ పొంది ఉండేది కాదు. ఇక జూనియర్ ఎన్టీఆర్, రామ్ చరణ్ ఇంచు మించు ఒక్కో సినిమాకు రూ. 30-50 కోట్ల మధ్య రెమ్యూనరేషన్ తీసుకుంటున్నారు. అలాగే RRR కోసం చరణ్ ఏకంగా రూ. 45 కోట్లు తీసుకున్నట్లు టాక్. అయితే తను.. కొన్నేళ్లుగా ‘పెప్సీ, టాటా డొకొమో, వోలానో, అపోలో జియా, హీరో మోటోకార్ప్, ఫ్రూటీ’ వంటి బ్రాండ్స్‌కు అంబాసిడర్‌గా ఉన్నాడు. ఆయా ఎండార్స్‌మెంట్స్ కోసం చరణ్ రూ. 2-3 కోట్ల మధ్య రెమ్యునరేషన్ తీసుకున్నట్లు సమాచారం.
Oscars 2023: RRR ఆస్కార్ విజయం వెనకున్న మాస్టర్ మైండ్.. కార్తికేయ!ఇదిలా ఉంటే, తారక్ సైతం RRR కోసం దాదాపు రూ.45 కోట్లు వసూలు చేయగా.. అంతకుముందు తను ఒక్కో సినిమాకు దాదాపు రూ.12 కోట్లు తీసుకునేవాడని ఇండస్ట్రీలో టాక్ ఉంది. అయితే ఆస్కార్ గెలుపొందడంతో ఈ స్టార్స్ ఇద్దరూ ఇప్పుడు తమ రెమ్యునరేషన్‌ను 100% పెంచుతారని.. దీంతో ఇకపై ఒక్కో సినిమాకు రూ. 60-100 కోట్లు తీసుకుంటారని ఎక్స్‌పర్ట్స్ భావిస్తున్నారు. మరోవైపు బ్రాండ్ ఎండార్స్‌మెంట్ డీల్స్‌కు కూడా ఇదే రకంగా చార్జ్ చేసే అవకాశం ఉంది. అంటే ఒక్కో యాడ్‌కు రూ. 6-8 కోట్లు తీసుకోవచ్చు.
ఈ గ్లోబల్ స్టార్స్ ఇద్దరు కూడా ఇప్పటికే బాలీవుడ్‌లో పాపులారిటీని సంపాదించుకున్నప్పటికీ.. ప్రస్తుత విజయంతో వారు హాలీవుడ్‌లోనూ తమ కెరీర్‌ను కొనసాగించవచ్చని విశ్లేషకులు భావిస్తున్నారు. రామ్ చరణ్ ఇప్పటికే తన హాలీవుడ్ డెబ్యూ ప్రాజెక్ట్ గురించి రీసెంట్ ఇంటర్వ్యూలో హింట్ ఇచ్చిన సంగతి తెలిసిందే. గతంలో తను ప్రియాంక చోప్రాతో కలిసి ‘జంజీర్’ హిందీ రీమేక్‌లో నటించినప్పటికీ నిరాశపరిచింది. అయితే రామ్ చరణ్‌కు యాక్షన్ ఓరియెంటెడ్ పాత్రలు, అడ్వెంచర్ సినిమాలు బాగా సరిపోతాయని ఆర్ఆర్ఆర్ విజయంతో అర్థమైంది. ఈ నేపథ్యంలో కంటెంట్‌ డిమాండ్‌కు అనుగుణంగా సినిమాలు చేయాల్సి ఉంది. ఈ క్రమంలోనే ఎన్టీఆర్, తారక్.. ఇంటర్నేషనల్ ఫిలింస్‌లో నటించేందుకు సిద్ధపడుతున్నారు.
- Read latest Tollywood updates and Telugu News