ఆస్కార్ వేడుకలో RRR చిత్రానికి అవార్డ్ ప్రకటిస్తున్న సందర్భంగా ప్రజెంటర్.. ‘R’ లెటర్‌ను పలికిన విధానం ప్రస్తుతం వైరల్ అవుతోంది. మంచు లక్ష్మి గతంలో R గురించి చెప్పిన వీడియో క్లిప్‌కు రాజమౌళి RRRను పలికిన వీడియో క్లిప్‌ను జతచేసి మీమ్స్ క్రియేట్ చేస్తున్నారు నెటిజన్లు. అంతేకాదు మంచు లక్ష్మి అక్కనే విన్నర్ అంటూ.. ఒక యూజర్ తనను కూడా ట్యాగ్ చేయగా ‘రామ రామ రామ’ అంటూ రిప్లయ్ ఇచ్చింది లక్ష్మక్క.
ఇక మరొక యూజర్.. ‘అక్కా! ఫుల్ శాటిస్‌పై అనుకుంట. ఆస్కార్‌లో కూడా ‘R’ should rolling.. కిందపడి దొర్లడం అన్నమాట’ అంటూ ట్వీట్ చేశాడు. దీనికి మంచు లక్ష్మి.. ‘సీరియస్‌లీ ఓకే’ అని రిప్లయ్ ఇచ్చింది. దీంతో ‘అక్కా సీరియస్ అయ్యావా? సారీ’ అని మరో ట్వీట్ చేశాడు సదరు యూజర్. కానీ ‘ఛీ ఛీ.. ఫీల్ అవ్వడం ఎప్పుడో మానేశా. నా వల్ల మీరు ఎంటర్‌టైన్ అవుతున్నారు. ఓన్లీ లవ్ రా బుజ్జీ’ అని లైట్ తీసుకుంది లక్ష్మి.
ఇలా మంచు లక్ష్మి కూల్ నేచర్ చూసిన ట్విట్టర్ యూజర్లు ఆమె యాటిట్యూడ్‌పై పాజిటివ్‌గా స్పందిస్తున్నారు. ‘లవ్ యూ అక్కా. ఏదో ఒక రోజు నీకు కూడా ఆస్కార్ అవార్డ్ వస్తుంది. దేవుడి దయ వల్ల నీ కెరీర్ బాగుంటుంది. ఏదేమైనా మీమ్స్‌ను పాజిటివ్‌గా తీసుకోవడం గ్రేట్’ అంటూ మంచు లక్ష్మిపై ప్రశంసల వర్షం కురిపిస్తున్నారు.
ఇదిలా ఉంటే మంచు లక్ష్మి లీడ్ రోల్‌లో నటించిన ‘అగ్ని నక్షత్రం’ చిత్రం త్వరలోనే విడుదల కానుంది. శ్రీలక్ష్మీ ప్రసన్న పిక్చర్స్, మంచు ఎంటర్‌టైన్మెంట్స్ బ్యానర్స్ సంయుక్తంగా నిర్మిస్తున్న చిత్రానికి ప్రతీక్ ప్రజోష్ దర్శకత్వం వహించాడు. ఈ చిత్రంలో మోహన్ బాబు సైతం కీలక పాత్రలో కనిపించనుండగా.. సముద్రఖని, మలయాళ నటుడు సిద్ధిఖ్ తదితరులు ఇతర పాత్రలు పోషించారు.
Keeravani: అందుకే కీరవాణికి అమ్మాయి పేరు పెట్టాను: తండ్రి శివశక్తి దత్త
- Read Latest Tollywood Updates and Telugu News