మెగ్ లానింగ్, షఫాలీ అద్భుత ఇన్నింగ్స్‌తో తొలుత బ్యాటింగ్‌ చేసిన ఢిల్లీ క్యాపిటల్స్‌ నిర్ణీత 20 ఓవర్లలో కేవలం 2 వికెట్లు మాత్రమే కోల్పోయి 223 పరుగులు చేసింది. 224 పరుగుల లక్ష్యంతో బరిలోకి దిగిన బెంగళూరు జట్టు నిర్ణీత 20 ఓవర్లలో 8 వికెట్లు కోల్పోయి 163 పరుగులు మాత్రమే చేయగలిగింది.
బెంగళూరు జట్టులో కెప్టెన్ స్మృతి మంధాన 35 (23 బంతుల్లో, 5 ఫోర్లు, 1 సిక్స్), హీథర్ నైట్ 34 (21 బంతుల్లో, 2 ఫోర్లు, 2 సిక్స్‌లు), ఎలిసే పెర్రీ 31 (19 బంతుల్లో, 5 ఫోర్లు), మెగన్ స్కట్ 30 (19 బంతుల్లో, 5 ఫోర్లు) పరుగులు చేశారు. ఆ తర్వాత గరిష్ట స్కోరు 14 (సోఫీ డెవిన్) పరుగులు మాత్రమే.
ఢిల్లీ బౌలర్ టారా నోరిస్ ఏకంగా 5 వికెట్లు తీసి బెంగళూరు ఓటమిని శాసించింది. ఎలిస్ కాప్సే 2 వికెట్లు పడగొట్టింది. శిఖా పాండేకు ఒక వికెట్ దక్కింది. బెంగళూరు బౌలర్లలో హీథర్ నైట్ మాత్రమే 2 వికెట్లు పడగొట్టింది. రేణుకా సింగ్ సహా మిగతా బౌలర్లెవరికీ వికెట్లు దక్కలేదు.
జై శ్రీరామ్ ప్రభూ.. ఈ విశ్వానికి మీరే శక్తి: పాకిస్థాన్ మాజీ క్రికెటర్ పోస్టు వైరల్నిద్రలేమి, మారిన అలవాట్లు.. ఆకస్మిక ‘గుండెపోటు’కు కారణాలివే..!