నిజానికి అకాడమీ అవార్డ్స్‌లో దీపికా 2017లోనే ఎంట్రీ ఇచ్చింది. ఇది ఒక భారతీయ నటికి దక్కిన గొప్ప గౌరవం కాగా.. ఈ వేడుకకు హాజరైన మొదటి ఇండియన్‌ ‘పెర్సిస్ ఖంబట్టా’. ఆమె 1980లో ఈ ప్రెస్టీజియస్ అవార్డ్స్ ఈవెంట్‌లో పాల్గొంది. ఇక పెర్సిస్ తర్వాత 2016లో జరిగిన 88వ అకాడమీ అవార్డ్స్‌లో ప్రియాంక చోప్రాకు ఈ గౌరవం దక్కింది. ఆమె స్టీవ్ కారెల్, జారెడ్ లెటో, జూలియన్నే మూర్, ఒలివియా మున్, మార్గోట్ రాబీ, జాసన్ సెగెల్, ఆండీ సెర్కిస్, కెర్రీతో కలిసి ప్రజెంటర్‌గా వ్యవహరించింది. ఇప్పుడు దీపిక మార్చి 12న ‘ఎమిలీ బ్లంట్, శామ్యూల్ ఎల్. జాక్సన్, డ్వేన్ జాన్సన్’తో కూడిన ప్రజెంటర్స్ జాబితాలో చోటు సంపాదించింది.
అయితే ఈసారి ఆస్కార్ అవార్డ్స్‌కు సంబంధించి ఇండియా నుంచి RRR మూవీ రేసులో ఉంది. ఈ చిత్రంలోని నాటు నాటు సాంగ్ బెస్ట్ ఒరిజినల్ సాంగ్ విభాగంలో పోటీపడుతోంది. అంతేకాదు కీరవాణి కంపోజ్ చేసిన ఈ పాటను సినిమాలో ఒరిజినల్‌గా పాడిన రాహుల్ సిప్లిగంజ్, కాల భైరవ.. ఆస్కార్ అవార్డ్స్ వేదికపై లైవ్‌గా పాడనున్నారు. మార్చి 12న లాస్ ఏంజిల్స్‌లోని డాల్బీ థియేటర్‌లో ఈ వేడుకలు జరగనుండగా.. ఒకవేళ ‘నాటు నాటు’ ఆస్కార్ గెలుచుకుంటే దీపికా చేతుల మీదుగా అందుకునే అవకాశం ఉందా? అని నెటిజన్లు చర్చించుకుంటున్నారు.
ఇదిలా ఉంటే, దీపిక ప్రస్తుతం డార్లింగ్ స్టార్ ప్రభాస్‌తో కలిసి ‘ప్రాజెక్ట్ కె’ చిత్రంలో నటిస్తోంది. ఈ చిత్రం ద్వారా తను మొదటిసారిగా సౌత్ ఇండస్ట్రీకి ఎంట్రీ ఇస్తోంది. వైజయంతి మూవీస్ భారీ బడ్జెట్‌తో నిర్మిస్తున్న చిత్రానికి నాగ్ అశ్విన్ దర్శకత్వం వహిస్తుండగా.. బిగ్ బీ అమితాబ్ బచ్చన్ కీలక పాత్ర పోషిస్తున్న విసయం తెలిసిందే.
- Read latest Tollywood updates and Telugu News