ambani driver salary, Mukesh Ambanis Driver: ముకేశ్ అంబానీ డ్రైవర్ జీతం ఎంతో తెలుసా? వారందరి కంటే ఎక్కువ.. ఐటీ ఉద్యోగులకు మించి..! – salary of mukesh ambanis driver, he earns higher than most people you know

Mukesh Ambanis Driver: సెలబ్రిటీల జీవితం గురించి తెలిసిందే. ఈ ఒక్క పదానికి ఉన్న ఆకర్షణే వేరు. వారి లైఫ్‌స్టైల్ మామూలుగా ఉండదు. ఇక వారి దగ్గర పని చేసేవారు కూడా అప్పుడప్పుడు వైరల్ అవుతుంటారు. ఇప్పుడు భారత దిగ్గజ వ్యాపారవేత్త, రిలయన్స్ ఇండస్ట్రీస్ అధినేత ముకేశ్ అంబానీ వ్యక్తిగత డ్రైవర్ కూడా అలాగే వార్తల్లోకి ఎక్కారు. అతడి జీవితం గురించి సోషల్ మీడియాలో పలు వీడియోలు చక్కర్లు కొడుతుండగా.. ఇప్పుడు ఆ డ్రైవర్ గురించి పలు మీడియాల్లో కథనాలు కూడా వెలువడుతున్నాయి. ఇక 2017లో అంబానీ వ్యక్తిగత డ్రైవర్ జీతం నెలకు రూ.2 లక్షల రూపాయలు అని దానిని బట్టి తెలుస్తోంది. ఈ లెక్కన ఏడాదికి రూ.24 లక్షల వరకు వస్తుంది. ఇంకా అంబానీ ఇంట్లో డ్రైవర్ అంటే.. జీతానికి అదనంగా ఇంకా చాలానే ప్రయోజనాలు ఉంటాయి. అవన్నీ వేరే. వాటి సంగతెందుకు గానీ.. ఐదేళ్ల కిందటే నెలకు రూ.2 లక్షలంటే ఇప్పుడెంత ఉంటుందో.. అదీ అంబానీ దగ్గర అంటే.. ఊహించడానికే చాలా కష్టంగా ఉంటుంది.

ప్రముఖ మల్టీనేషనల్ కంపెనీల్లో పనిచేసే వృత్తి నిపుణులకు కూడా ఈ స్థాయిలో వేతనం ఉంటుందని గ్యారెంటీ ఇవ్వలేం. అది కూడా ఎన్నో ఏళ్లు పని చేస్తే గానీ దక్కకపోవచ్చు. దీంతో ఇప్పుడు అంబానీ వ్యక్తిగత డ్రైవర్ వార్తల్లో నిలిచారు. ప్రపంచ కుబేరుడి ఇంట్లో పనిచేస్తున్నారంటే.. వారికి ఆ పనిలో ఎంతో నైపుణ్యం ఉండాలి. ఇక అంబానీ తన వ్యక్తిగత డ్రైవర్‌ను.. ఓ ప్రైవేటు కాంట్రాక్ట్ సంస్థ ద్వారా నియమించుకున్నారని ఆ వార్తా కథనాలు వెలువరించాయి.

Solar Module Incentive: రూ. 20 వేల కోట్ల కోసం టాటా, అంబానీ పోటాపోటీ.. మధ్యలో అదానీ పాపం!Ambani Family: అంబానీ కుటుంబానికి బాంబు బెదిరింపు కాల్స్.. సుప్రీం కోర్టు కీలక ఆదేశాలు.. ఎక్కడికెళ్లినా సొంత ఖర్చుతో!

ప్రముఖులు, దిగ్గజాల దగ్గర పనిచేసేటప్పుడు ఎలా వ్యవహరించాలో సహా అన్ని నైపుణ్యాలను ఆ కంపెనీలు ట్రైనింగ్ ఇస్తుంటాయి. ఇక లగ్జరీ, బుల్లెట్ ప్రూఫ్ కార్లను ఎలా వాడాలి? అని కూడా శిక్షణ ఇస్తుంటాయి. ఎలాంటి రోడ్లపై అయినా, అవాంఛనీయ పరిస్థితులు ఎదురైనప్పటికీ.. ఆ వాహనాన్ని నడిపేలా వీరు తర్ఫీదు పొందుతారు. ఆ డ్రైవర్లతో సహా వంట మనుషులు, గార్డులు, వివిధ సిబ్బందికి ప్రోత్సాహకాలతో పాటు ఇన్సూరెన్స్ కూడా ఉంటుందంట.

ఇక ప్రముఖులకు డ్రైవర్లు, వంట మనుషులు, ఇతర సిబ్బంది ఎలా ఉంటారు? వారి జీవితం ఎలా ఉంటుందనేది మనం చాలా వరకు సినిమాల్లో చూస్తుంటాం. సినిమా సెలబ్రిటీల మేనేజర్స్, బాడీ గార్డ్స్, ఆయాల జీతాలు కూడా బయటకు వచ్చాయి. బాలీవుడ్ స్టార్లు అక్షయ్ కుమార్, అమితాబ్ బచ్చన్, సల్మాన్ వంటి స్టార్ హీరోలు వారి వారి బాడీగార్డ్స్‌కు కోట్లల్లో జీతం ఇస్తున్న సంగతి తెలిసిందే. ఇక సైఫ్ అలీ ఖాన్- కరీనా కపూర్ దంపతులు.. తమ పిల్లల్ని చూసుకునే ఆయాకు నెలకు లక్షన్నర రూపాయలు ఇస్తున్నారట. ఇక ఓవర్‌టైమ్ సమయంలో ఇది రూ.1.75 లక్షల వరకు ఉంటుందంట. కొద్దిరోజుల కింద షారుక్ ఖాన్ మేనేజర్ విలాసవంతమైన ఒక ఇంటిని కొనుగోలు చేశారని వార్తలు వచ్చాయి. ఆమె ఏడాదికి రూ.7-9 కోట్ల వరకు జీతం తీసుకుంటారని తెలిసింది. ఇక ఆమె ఆస్తుల విలువ రూ.50 కోట్లకుపైమాటే.

Ambani Niece: అంబానీ మేనకోడలు Isheta గురించి తెలుసా.. కోట్ల సంపద.. లగ్జరీ లైఫ్ అదిరింది కదా!

• Read Latest Business News and Telugu News