Holi Colours : హోలీకి ఇంట్లోనే కలర్స్ ప్రిపేర్ చేయండిలా.. – holi diy organic natural powder colours at home

• పసుపు
• శనగపిండి

ముందుగా పసుపుని, శనగపిండిని 1:2 నిష్పత్తిలో తీసుకోండి. వీటిని జల్లెడ పట్టండి. ఆ తర్వాత ఇందులో నీరు కలపాలి. దీని వల్ల చక్కని కలర్స్ సిద్ధమైనట్లే. మీకో విషయం తెలుసా. వీటి వల్ల ముఖం, స్కిన్‌లో మెరుపు కూడా వస్తుంది.

Also Read : Coffee for Weight Loss : ఈ కాఫీలు తాగితే బరువు తగ్గడాన్ని ఎవరు ఆపలేరు..

బంతిపూలతో..

ఇందుకోసం బంతిపూలని తీసుకుని వాటిని నీటిలో ఉడకబెట్టొచ్చు. ఇప్పుడు ఇలా తయారైన నీటిలో పసుపు కలిపి చల్లుకోవచ్చు. అంతే మంచి నేచురల్ కలర్స్ సిద్ధమైనట్లే..

ఎరుపు..

రెడ్ కలర్ ఎప్పుడు కూడా ఉత్సాహాన్నిస్తుంది. ఇందుకోసం ముందుగా మీరు పసుపు తీసుకుని అందులో నిమ్మరసం కలిపాలి. నిమ్మరసంలోని ఆమ్ల స్వభావంతో పసుపు ఎర్రగా మారుతుంది. అప్పుడు దీనిని ముందుగా ప్రిపేర్ చేసి దానిని వెంటిలేషన్ ఉన్న గదిలో ఆరబెట్టండి. ఎండతగలకూడదు. గుర్తుపెట్టుకోండి.

మందారపూలతో..

ఇక ఎర్ర మందారాలతో కూడా మంచి కలర్ రెడీ అవుతుంది. అందుకోసం వాటిని ముందుగా మిక్సీలో వేసి బాగా రుబ్బండి. ఇందులో ఆ మిశ్రమానికి తగ్గట్లుగా బియ్యం పిండి కుంకుమపువ్వుని కాస్తా కలపండి. చూడండి సూపర్ కలర్ రెడీ అయినట్లే..

దానిమ్మ తొక్కలతో..

దానిమ్మ తొక్కల్ని వాడి కూడా చక్కని రంగుని ప్రిపేర్ చేసుకోవచ్చు. ఇందుకోసం ముందుగా దానిమ్మ తొక్కల్ని తీసుకుని నీటిలో ఉడికించండి. వీటితో మంచి కలర్ వాటర్సిద్ధమవుతుంది.

బీట్‌రూట్..

బీట్‌రూట్ ముక్కల్ని కట్ చేసి నీటిలో ఉడకబెట్టండి. ఈ నీటిని వడకట్టి చల్లబరచండి. ఇదో మంచి మెరూన్ కలర్ ఉంటుంది.

బ్రౌన్ కలర్..

బ్రౌన్ కలర్ వచ్చేందుకు కాఫీ పొడిని నీటితో ఉడకబెట్టండి. వాసన రాకుండా ఉండేందుకు రోజ్ వాటర్ కలపొచ్చు. కానీ, దీనిని వాడడం వల్ల కాఫీ మరకలు పడతాయి.

పర్పుల్..

మీ బ్లాక్ క్యారెట్స్‌ని మిక్సీలో వేసి మెత్తగా మిక్సీ పెట్టండి. మొక్కజొన్న పిండి కలపండి. ఇప్పుడు అందులో రోజ్ వాటర్ కలపండి. దీని వల్ల స్కిన్‌పై ఎలాంటి సమస్యలు రావు.

Also Read : Yellow Tea : ఈ టీ తాగితే బాడీలో కొలెస్ట్రాల్ తగ్గి ఈ సమస్యలన్నీ దూరం

బూడిద రంగు..

బూడిద రంగుకోసం.. ఉసిరి గింజల్ని తీసుకోండి. వాటిని ఎండబెట్టి పొడి చేయాలి. ఇందులో మొక్కజొన్న పిండి కలపాలి.

ఆకుపచ్చ..

పొడి ఆకుపచ్చ రంగు కోసం మీరు బియ్యంపిండి, హెన్నా పొడిని కలపండి. దీనికి వాటర్ కలిపి కలర్ ప్రిపేర్ చేసుకోవాలి. గుర్తుంచుకోండి. దీనిని వాడడం వల్ల గుడ్డ, చర్మంపై మరకలు పడతాయి.

గమనిక: నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. అందం, ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu News