స్పిన్నర్లని ధాటిగా శ్రేయాస్ అయ్యర్ ఎదుర్కొంటూ ఉండటంతో.. ఆస్ట్రేలియా కెప్టెన్ స్టీవ్‌స్మిత్ తమ అగ్రశ్రేణి పేసర్ మిచెల్ స్టార్క్‌ని రంగంలోకి దింపాడు. కెప్టెన్ నమ్మకాన్ని నిలబెడుతూ మిచెల్ స్టార్క్.. శ్రేయాస్ వికెట్ పడగొట్టాడు. ఇన్నింగ్స్ 38వ ఓవర్ వేసిన స్టార్క్ బౌలింగ్లో శ్రేయాస్ అయ్యర్ బంతిని ప్లిక్ చేశాడు. కానీ.. షాట్ అతను ఊహించిన విధంగా కనెక్ట్ అవలేదు. దాంతో మిడాన్ దిశగా వెళ్తున్న బంతిని పక్కనే ఫీల్డింగ్ చేస్తున్న ఉస్మాన్ ఖవాజా ఫుల్ లెంగ్త్‌లో డైవ్ చేస్తూ క్యాచ్‌గా అందుకున్నాడు.
బంతిపైకి దూకిన ఉస్మాన్ ఖవాజా.. బాల్‌ని ఒడిసి పట్టుకుని అనంతరం బ్యాలెన్స్ చేసుకుంటూ పల్టీ కొట్టాడు. కానీ.. ఈ క్రమంలో బంతిని అతను నేలకి తాకించాడేమో? అనే అనుమానంతో ఔట్‌పై తుది నిర్ణయం కోసం థర్డ్ అంపైర్‌కి ఫీల్డ్ అంపైర్లు నివేదించారు. రిప్లైని పరిశీలించిన థర్డ్ అంపైర్ ఔట్‌గా ప్రకటించాడు. ఉస్మాన్ ఖవాజా క్యాచ్ పట్టిన తీరుని నమ్మలేనట్లు శ్రేయాస్ అయ్యర్ అలా కొన్ని క్షణాలు చూస్తుండిపోయాడు.
Read Latest Sports News, Cricket News, Telugu News