sbi sarvottam deposits, SBI అదిరిపోయే కొత్త స్కీం.. ఇతర పథకాల కంటే అధిక ప్రయోజనం.. ఏం చేయాలంటే? – sbi sarvottam term deposits earn up to 7.9 percent fd interest rate

SBI: స్టేట్ బ్యాంక్ ఆఫ్ ఇండియా (ఎస్‌బీఐ) కొత్త డిపాజిట్ పథకాన్ని లాంఛ్ చేసింది. ఇది రెసిడెంట్ ఇండివిడ్యూవల్స్, నాన్ ఇండివిడ్యూవల్ కస్టమర్లకు ఈ స్కీమ్ వర్తించనుంది. ఇదే స్కీమ్‌ను SBI సర్వోత్తమ్ (Sarvottam) అనే పేరుతో పిలుస్తోంది. ఇందులో భాగంగా రూ.15 లక్షలకుపైగా టర్మ్ డిపాజిట్లు చేయొచ్చు. అయితే ఇందులో డిపాజిట్ మెచ్యూరిటీకి ముందే నగదు విత్‌డ్రా చేసుకునేందుకు అవకాశం ఉండదు. అందుకే అత్యధికంగా వడ్డీ ఆఫర్ చేస్తోంది స్టేట్ బ్యాంక్. ఇక SBI అధికారిక వెబ్‌సైట్ ప్రకారం.. ఇది సంవత్సరం, రెండు సంవత్సరాల కాల వ్యవధులతో ఫిక్స్‌డ్ డిపాజిట్లపై 30, 40 బేసిస్ పాయింట్లు అదనంగా వడ్డీ లభిస్తుంది.

ఈ స్కీమ్‌లో భాగంగా రిటైల్ డిపాజిట్లపై కనీస ఇన్వెస్ట్‌మెంట్ మొత్తం రూ.15 లక్షలుగా ఉంది. ఇక అంతకంటే ఎక్కువగా 1000 మల్టిపుల్స్‌తో గరిష్టంగా రూ.2 కోట్ల వరకు డిపాజిట్ చేసుకోవచ్చు. ఇక బల్క్ డిపాజిట్ల విషయానికి వస్తే కనీస మొత్తం రూ.2 కోట్లు ఉండగా.. గరిష్టంగా రూ. 5 కోట్ల వరకు డిపాజిట్ చేసుకునే సదుపాయం ఉంటుంది.

ఇక SBI Sarvottam రిటైల్, బల్క్ డిపాజిట్ల కాలవ్యవధి సంవత్సరం, రెండు సంవత్సరాలుగా మాత్రమే ఉంది. ఇక ఎస్‌బీఐ సర్వోత్తమ్ డిపాజిట్లను రెనివల్ చేసుకునేందుకు సదుపాయం లేదు. మెచ్యూరిటీ అమౌంట్ మొత్తం కస్టమర్ అకౌంట్లోకి బదిలీ అవుతుంది.

Andhra Pradesh: ఆంధ్రప్రదేశ్‌లో Adani Group భారీ పెట్టుబడులు.. విశాఖపట్నం, కడప సహా వారికి గుడ్‌న్యూస్

ఇక వడ్డీ రేట్ల విషయానికి వస్తే రెండేళ్ల వ్యవధితో రూ.15 లక్షలకుపైన డిపాజిట్ చేస్తే గనుక ఇది సాధారణ ప్రజలకు వడ్డీ రేటు 7.40 శాతంగా, సీనియర్ సిటిజెన్లకు 7.90 శాతంగా ఉంది. ఇది ఇతర చాలా ప్రభుత్వ పథకాలతో పోల్చితే చాలా ఎక్కువ కావడం గమనార్హం. ఇక ఏడాది టెన్యూర్‌తో ఎస్‌బీఐ సర్వోత్తమ్ డిపాజిట్ స్కీమ్‌లో భాగంగా సాధారణ ప్రజలకు 7.10 శాతం, సీనియర్ సిటిజెన్లకు 7.55 శాతం వడ్డీ రేటు అమలు చేస్తోంది.

ఇక ఇదే SBI ఇతర ఫిక్స్‌డ్ డిపాజిట్ స్కీమ్స్ విషయానికి వస్తే 3 నుంచి 7 శాతం వరకు మాత్రమే వడ్డీ రేటు ఆఫర్ చేస్తోంది. ఇది 7 రోజుల నుంచి పదేళ్ల కాలవ్యవధికి వర్తిస్తుంది. సీనియర్ సిటిజెన్లకు మాత్రం 3.5 శాతం నుంచి 7.5 శాతం వరకు వడ్డీ అందుతోంది. 2023, ఫిబ్రవరి 15 నుంచి ఈ వడ్డీ రేట్లు అమలవుతున్నాయి. ఇక రూ. 2 కోట్ల నుంచి రూ.5 కోట్ల వరకు డిపాజిట్లపై ఏడాది కాలవ్యవధికి 7.05 శాతం సాధారణ ప్రజలకు, 7.55 శాతం సీనియర్ సిటిజెన్లకు అందుతోంది. ఇక రెండేళ్ల వ్యవధి విషయానికి వస్తే ఇది సాధారణ పౌరులకు 6.90 శాతం, సీనియర్ సిటిజెన్లకు 7.40 శాతంగా ఉంది.

Dhoni, Sachin, ఆలియా భట్ పేర్లతో హైటెక్ మోసం.. అంతా పాన్ కార్డు చుట్టూరానే.. ఇలా కాపాడుకోండి?ChatGPT మీ ఉద్యోగాన్ని లాక్కుంటుందా? దీనిపై ఇన్ఫోసిస్ నారాయణ మూర్తి ఏమన్నారంటే?

• Read Latest Business News and Telugu News