కొత్త ఏడాది 2023, జనవరితో పోలిస్తే గత ఫిబ్రవరి నెలలో భారత ఐటీ రంగంలో కొత్త ఉద్యోగాల సంఖ్య 10 శాతం పెరిగినట్లు నౌకరీ జాబ్‌స్పీక్స్ నివేదిక (naukri jobspeak Report) తెలిపింది. బిగ్ డేటా ఇంజినీర్స్, ప్రత్యేకమైన నైపుణ్యాలు అవసరమయ్యే అనలిటిక్స్ మేనేజర్స్, క్లౌడ్ సిస్టమ్ అడ్మినిస్ట్రేటర్స్, ఆగ్మెంటెడ్ రియాలిటీ క్యూఏ టెస్టర్స్ సహా వివిధ రకాల ఉద్యోగాలక మంచి డిమాండ్ పెరిగినట్లు నివేదిక వెల్లడించింది. వీటితో పాటు డెవ్‌సెక్, డెవాప్స్ ఇంజినీర్లకు సైతం మంచి గిరాకీ ఉన్నట్లు తెలిపింది. అయితే, డేటా సైంటిస్టులు, సాఫ్ట్‌వేర్ డెవలపర్లకు (Software Engineers) ప్రస్తుతం డిమాండ్ కాస్త తగ్గినట్లు పేర్కొంది.
ఇతర రంగాల్లో ఉద్యోగాల పరిస్థితి..
భారత ఐటీ రంగంలో కొత్త నియామకాలు పుంజుకోవడంతో పాటు మరిన్ని రంగాల్లో సైతం డిమాండ్ పెరిగినట్లు తెలిపింది నౌకరీ జాబ్‌స్పీక్స్ నివేదిక. ఆతిథ్య సేవలు, రియల్ ఎస్టేట్, ఆరోగ్య సంరక్షణ వంటి రంగాల్లో ఉద్యోగులకు డిమాండ్ రెండంకెల మేర వృద్ధి నమోదైనట్లు తెలిపింది. బీపీఓ, బ్యాంకింగ్, రిటైల్ రంగాల్లోనూ క్రితం నెలతో పోలిస్తే ఫిబ్రవరిలో ఉద్యోగులకు డిమాండ్ పెరిగిందని వెల్లడించింది.
ఏ నగరాల్లో అధికంగా నియామకాలు..
ఓ వైపు లేఆఫ్స్ జరుగుతున్నప్పటికీ భారత ఐటీ రంగంలో కొత్త ఉద్యోగాల్లో వృద్ధి నమోదు కావడం ఊరట కలిగించే విషయం. తమిళనాడు రాజధాని చెన్నై, కర్ణాటక రాజధాని బెంగళూరు సహా హైదరాబాద్, పుణె నగరాల్లో నియామకాలు జోరుగా సాగినట్లు నౌకరీ నివేదిక తెలిపింది. వాటితో పాటు కోయంబత్తూర్, చండీగఢ్‌ నగరాల్లోనూ వివిధ రంగాల్లో కొత్త ఉద్యోగాల నియామకాలు గణనీయంగా పుంజుకున్నట్లు వెల్లడించింది.
Also Read: ‘నా భార్య తీసుకున్న నిర్ణయమే రోడ్డున పడకుండా ఆదుకుంది’.. Google ఉద్యోగి భావోద్వేగం!
- Read Latest Business News and Telugu News