ఈ క్రమంలో బిల్ గేట్స్.. రతన్ టాటా, ఎన్. చంద్రశేఖరన్‌కు తన దగ్గర ఉన్న రెండు విలువైన పుస్తకాలను గిఫ్ట్‌గా ఇవ్వడం విశేషం. ”హౌ టూ ప్రివెంట్ ది నెక్ట్స్ పాండమిక్”, ”హౌ టూ అవైడ్ ఏ క్లైమేట్ డిజాస్టర్” పుస్తకాలను అందించినట్లు తెలిసింది. అంటే రాబోయే మహమ్మారుల్ని ఎలా నివారించాలి?, రాబోయే వాతావరణ విపత్తులను ఎలా నివారించాలి? బుక్స్‌ను బిల్ గేట్స్ ఇరువురికీ అందించారు. బిల్ గేట్స్, రతన్ టాటా ఇద్దరూ ప్రపంచంలోనే దాతృత్వ కార్యక్రమాల్లో చాలా ముందుంటారు. వారు తమ పరోపకారి సేవలతో ఎందరో హృదయాల్లో మంచి స్థానం సంపాదించుకున్నారు కూడా.
రతన్ టాటా.. తనకు వచ్చే ఆదాయంలో సగానికిపైగా ఛారిటీలకే విరాళంగా ఇస్తున్నారు. ఇంకా టాటా ట్రస్టు కింద కూడా ఉదార సేవలు అందిస్తున్నారు. ఇంకా.. ప్రపంచవ్యాప్తంగా పేదరికాన్ని తగ్గించడం, ఆరోగ్యాన్ని మెరుగుపరచడమే లక్ష్యంగా బిల్ అండ్ మిలిందా గేట్స్ ఫౌండేషన్ కింద.. బిల్ గేట్స్ తన మంచితనాన్ని చాటుకుంటున్నారు. ఇక తన భారత పర్యటనలో భాగంగా బిల్ గేట్స్.. ఇప్పటికే రిజర్వ్ బ్యాంక్ ఆఫ్ ఇండియా గవర్నర్ శక్తికాంత దాస్, క్రికెటర్ సచిన్ తెందుల్కర్, దిగ్గజ వ్యాపారవేత్త ఆనంద్ మహీంద్రా, కేంద్ర మంత్రులు మన్సుఖ్ మండవీయ, రాజీవ్ చంద్రశేఖర్ వంటి వారిని కలిశారు. ఇక ఇటీవల బిల్ గేట్స్ భారత్‌పై ప్రశంసలు కురిపించారు. భారత్.. తనకు భవిష్యత్తుపై ఆశలు కల్పిస్తుందంటూ కీలక వ్యాఖ్యలు చేసిన సంగతి అందరికీ తెలిసిందే.
‘భారత్ నాకు భవిష్యత్తుపై ఆశలు కల్పిస్తోంది’.. India ను మెచ్చుకుంటూ Bill Gates ప్రశంసల వర్షం..Melinda Gates: బిల్‌గేట్స్‌తో విడాకులు.. తాజా ప్రియుడితో మిలిండా గేట్స్
- Read Latest Business News and Telugu News