pocket pinching changes, March Changes: ఒకటో తేదీ వచ్చింది.. మీ జేబుకు చిల్లుపడే కీలక నిర్ణయాలివే.. ఇప్పటికే గ్యాస్ రేట్లు పెరిగాయ్.. – costly gas, emis. some pocket pinching changes that kick in from march 1

March Changes: ప్రభుత్వానికి సంబంధించిన ఏ కీలక నిర్ణయమైనా సాధారణంగా ఒకటో తేదీ నుంచే అమల్లోకి వస్తుంటాయి. ముఖ్యంగా ఒకటో తారీఖున తమ నెత్తిన ఏ పిడుగు పడుతుందోనని సామాన్యులు భయపడుతుంటారు. ఇప్పటికే నిత్యావసరాల ధరలు గరిష్ట స్థాయిలో ఉండి పేదలు, మధ్యతరగతి ప్రజలపై భారం పడుతోంది. ఇప్పుడు మార్చి 1 నుంచి మరిన్ని కీలక నిర్ణయాలు అమల్లోకి వచ్చాయి. ఇప్పటికే గ్యాస్ ధరల్ని పెట్రోలియం సంస్థలు పెంచేశాయి. ఇంకా.. సామాన్యుల జేబుకు చిల్లుపడే నిర్ణయాలు సహా వారికి ఉపయోగపడే ఇతర మార్పులను తెలుసుకుందాం.

CNG, LPG cylinders get costlier: LPG గ్యాస్ సిలిండర్, CNG, PNG ధరల్ని ప్రతి నెలా ఒకటో తేదీనే నిర్ణయిస్తుంటాయి. అయితే గత నెలలో గ్యాస్ సిలిండర్ ధరలు పెరగలేదు గానీ.. ఈసారి మాత్రం పెంచేశాయి. 14.2 కేజీల డొమెస్టిక్ గ్యాస్ సిలిండర్ ధర రూ.50 మేర పెరిగింది. ఇక 19 కేజీల కమర్షియల్ గ్యాస్ సిలిండర్ రేటు రూ.350.50 పెరిగింది. ఈ పెంచిన రేట్లు మార్చి 1 నుంచి అమల్లోకి వచ్చాయి.

LPG Cylinder Price: సామాన్యులకు ఒకటో తేదీ ఝలక్.. మళ్లీ పెరిగిన వంట గ్యాస్ సిలిండర్ ధరలు.. ఎంత చెల్లించాలంటే?

Your EMIs may pinch more: ఇక రిజర్వ్ బ్యాంక్ ఆఫ్ ఇండియా ఇటీవల రెపో రేటును పెంచిన విషయం తెలిసిందే. దీంతో పలు బ్యాంకులు రెపో ఆధారిత వడ్డీ రేట్లను పెంచేశాయి. దీంతో కస్టమర్లపై పెను భారం పడుతోంది. ఈఎంఐలు ఎక్కువ చెల్లిస్తున్నారు. ఇక తాజాగా బ్యాంక్ ఆఫ్ ఇండియా (BOI) MCLR రేట్లను 10 బేసిస్ పాయింట్ల మేర పెంచగా ఇది మార్చి 1 నుంచి అమల్లోకి వచ్చింది.

6 Percent DA for Bengal govt employees: పశ్చిమ్ బంగా ప్రభుత్వం కీలక నిర్ణయం తీసుకుంది. పంచాయతీలు, పురపాలక సంస్థలు, పారిశుద్ధ్య కార్మికులు, పెన్షనర్లు, ఫ్యామిలీ పెన్షనర్లు.. 6 శాతం కరవు భత్యం మార్చి 1 నుంచి అందుకోనున్నారు.

Deadline for PAN Aadhaar linkage: ఇక అన్నింటికంటే ముఖ్యమైన విషయం పాన్ కార్డును ఆధార్ కార్డుతో అనుసంధానించడం. దీనికి చివరి తేదీ మార్చి 31. ఆలోగా ఈ రెండింటినీ లింక్ చేయకుంటే.. నిరుపయోగంగా మారిపోతాయి. అప్పుడు చాలా ఇబ్బందులు ఎదుర్కోవాల్సి వస్తుంది.

Changes in train schedule: ఇక నిత్యం కోట్లాది మంది రైళ్లలో ప్రయాణిస్తుంటారు. వారికి అత్యంత కీలకమైన ట్రైన్ టైం టేబుల్ మారనుంది. ఎండాకాలాన్ని దృష్టిలో పెట్టుకొని ట్రైన్ షెడ్యూల్.. ఈ మార్చిలో విడుదలయ్యే అవకాశముంది.

Bank holidays: ఇక మార్చిలో బ్యాంకులకు 12 రోజులు సెలవులు ఉండనున్నాయి. ఇందులో హోలీ పండగ సహా రెండో, నాలుగో శనివారాలు, ఆదివారాలు కూడా ఉన్నాయి. ఇక పలు ప్రాంతాల్లో అక్కడి పండగలను బట్టి స్థానికంగా కూడా సెలవులు ఉండనున్నాయి. బ్యాంకులు మూతపడినా.. ఆన్‌లైన్, నెట్‌బ్యాంకింగ్ సేవలు మాత్రం అందుబాటులో ఉంటాయి.

Bank Holidays: 12 రోజులు బ్యాంకులు బంద్.. సెలవుల జాబితా ఇదే.. పనులుంటే త్వరగా చూస్కొండి!

Terms of social media use: ఇక కేంద్ర ప్రభుత్వం ఐటీ రూల్స్‌లో మార్పులు తీసుకొచ్చింది. ఈ కొత్త నిబంధనలు మార్చిలో ఎప్పుడైనా అమల్లోకి వచ్చే అవకాశముంది. ఇవి అమలైతే గనుక ట్విట్టర్, ఫేస్‌బుక్, ఇన్‌స్టాగ్రామ్ వంటి సోషల్ మీడియా ప్లాట్‌ఫామ్స్‌లో తప్పుడు ప్రకటనలు, అప్‌డేట్లు చేస్తే ఫైన్ కట్టాల్సి వస్తుంది. అవసరమైతే చట్టపర చర్యలు కూడా ఎదుర్కోవాల్సి వస్తుంది.

Adani కి మంచి రోజులొచ్చాయా? వరుసగా రెండో రోజు Group షేర్లన్నీ భారీ లాభాల్లో.. ఎందుకు పెరుగుతున్నాయంటే?Anil Agarwal: మార్కెట్లో మరో తుపాన్.. S&P హెచ్చరిక.. మాకేం ఢోకా లేదంటూ కంపెనీ ప్రకటన!

• Read Latest Business News and Telugu News