బ్రూగాడా సిండ్రోమ్..
బ్రూగాడా సిండ్రోమ్.. అరుదైన గుండెకి వచ్చే ఈ సమస్య.. ప్రమాదకరంగా మారి గుండె వేగంగా కొట్టుకునేలా చేస్తుంది. ఈ సమస్య వస్తే మూర్ఛపోతారు. కొన్నిసార్లు కార్డియాక్ అరెస్ట్ కూడా అవుతుంది. ఇదే సమయంలో వెంట్రిక్యులర్ ఫైబ్రిలేషన్ అంటే గుండె ప్రమాదకరంగా కొట్టుకోవడం జరుగుతుంది. దీని వల్ల గుండె రక్తాన్ని మెదడుకి పంప్ కాకుండా అడ్డుకుంటుంది.
ఏం జరుగుతుంది..
బ్రూగాడా సిండ్రోమ్ ఉన్నవారికి గుండె కింద గుదుల్లో అంటే జఠరికల్లో క్రమరహిత గుండె లయాలు ఉంటాయి.
Also Read : Morning Routine : రోజూ ఉదయాన్నే ఇలా చేస్తే ఆరోగ్య సమస్యలు దూరం..
లక్షణాలు..
ఈ సమసయ ఉన్నవారికి లక్షణాలు అంతగా ఉండవు. చాలా మందికి ఈ సమస్య ఉందని కూడా తెలియదు.
కళ్ళు తిరగడం
మూర్ఛ
శ్వాస తీసుకోవడంలో ఇబ్బంది
గుండె దడ
కార్డియాక్ అరెస్ట్
ఈసీజీపై క్రమరహిత గుండె లయలు
ఇవన్నీ కూడా సమస్య లక్షణాలు కావొచ్చు. కొంతమంది పిల్లలకి నిద్రలోనే మరణానికి దారితీస్తుంది ఈ సమస్య. ఇతర కార్డియాక్ రిథమ్ సమస్యల్లానే అనిపించినప్పుడు వెంటనే డాక్టర్‌ని కలవాలి. ఏ మాత్రం ఆలస్యం చేసిన ప్రాణాలే పోతాయని గుర్తు పెట్టుకోవాలి.
సడెన్గా గుండె ఆగిపోవడం..
బ్రూగాడా సిండ్రోమ్ ఉన్నవారికి మూర్ఛతో పాటు సడెన్గా గుండె ఆగిపోవడం జరుగుతుంది. ఆకస్మికంగా ఆగిపోయే గుండె మరణాలలో 4 శాతం బ్రూగాడా సిండ్రోమ్ వల్లే జరుగుతుంది.
నిర్ధారణ..
సాధారణకంగా శరీరక పరీక్ష, ఈసీజీ, కబ్లడ్ టెస్టులు, ఎకోకార్డియోగ్రామ్ వంటి వాటితో దీనిని గుర్తించొచ్చు. మీకు సమస్యగా ఉన్నప్పుడు ఏ లక్షణమైనా కనిపించినా, కనిపించకపోయినా డాక్టర్ దగ్గరికెళ్ళి మీ పరిస్థితి గురించి వివరిస్తే దానికి తగిలినట్లుగా మిమ్మల్ని టెస్ట్ చేసి ట్రీట్‌మెంట్ చేస్తారు.
డాక్టర్స్ ఏం చెబుతున్నారంటే..
లక్షణాల విషయానికొస్తే.. దాదాపు 70 శాతం కంటే ఎక్కువ మందికి ఎలాంటి లక్షణలు ఉండవు. దీనిని సరిగ్గా కనుక్కోవాలంటే ఈసీజీ ద్వారానే తెలుస్తుంది. 30 నుంచి 40 సంవత్సరాల వయస్సులో బ్రూగాడా సిండ్రోమ్‌కి సంబంధించిన లక్షణాలు కనిపిస్తాయి. ఈ సమస్య చాలా అరుదు అనే చెప్పొచ్చు. 10వేల మందిలో 5గురికి ఈ సమస్య వస్తుందని డా.సమీర్ కుబ్బా చెబుతున్నారు. (Dr. Samir Kubba, Director, Cardiology, Max Hospital, Vaishali )
కారణాలు..
కొన్ని మానసిక ఆరోగ్య పరిస్థితులు, గుండె సమస్యల కోసం తీసుకునే మెడిసిన్ వల్ల వస్తుంది. జ్వరం కూడా ఈ సమస్యకి కారణమవుతుంది. ఇతర లక్షణాల్లో అలసట, డీహైడ్రేషన్, కొన్ని మెడిసిన్స్, ఆల్కహాల్, కొకైన్ తీసుకోవడం వల్ల వస్తుంది.
Also Read : Eggs : గుడ్లని ఇలా వండి తింటే బాడీలోని కొలెస్ట్రాల్ కరుగుతుందట..
ఎవరికొస్తుంది..
ఈ సమస్య ఎక్కువగా పెద్దవారిలో వస్తుంది.. అయితే కొన్నిసార్లు టీనేజర్స్‌లో కూడా వస్తుందకి. చిన్నపిల్లల్లో చాలా అరుదు.
ఈ సమస్య ఆడవారి కంటే 8 నుంచి 10 రెట్లు మగవారికి రిస్క్ ఉంటుంది. కుటుంబంలో ఎవరికైనా ఉంటే ఈ సమస్య వచ్చే అవకాశం ఎక్కువగా ఉంటుంది.
ట్రీట్‌మెంట్..
మాయో క్లినిక్ ప్రకారం బ్రూగాడా సిండ్రోమ్ ట్రీట్‌మెంట్‌లో జ్వరాన్ని తగ్గించడం, అరిథ్మియాను ప్రేరేపించి మెడిసిన్‌ని నివారించడం వంటి చర్యలు ఉన్నాయి. ఈ సమస్య ఉన్న కొంతమందికి ఇంప్లాంటబుల్ కార్డియోవర్టర్ డిఫైబ్రిలేటర్ అనే డివైజ్ అవసరం అవుతుంది.
బ్రూగాడా సిండ్రోమ్‌కి వచ్చినప్పుడు కొన్ని మెడిసిన్స్, పరికరాలతో ట్రీట్‌మెంట్ ఇస్తారు. ఇంప్లాంటబుల్ కార్డియోవర్టర్ డీఫ్రిబిలేటర్ పరికరాలు ఓ వ్యక్తి పరిస్థితిని బట్టి ట్రీట్‌మెంట్ చేస్తాయి. ముందుగా ఈ సమస్యకి సంబంధించి ఏ చిన్న లక్షణం కనుక్కున్నా మీరు డాక్టర్‌ని కలిసి ట్రీట్‌మెంట్ తీసుకోవడం చాలా మంచిది.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu News