కరాచీ కింగ్స్ టీమ్ ప్రదర్శన గురించి జర్నలిస్ట్ అడిగిన ప్రశ్నని సీరియస్‌గా విన్న బాబర్ అజామ్ ‘‘నేను ఆ టీమ్ కోచ్‌నా? ఎందుకు ఆ జట్టు గురించి నన్ను అడుగుతున్నావ్? ఈరోజు మ్యాచ్ గురించి మాట్లాడండి’’ అని చురకలు అంటించాడు. వాస్తవానికి రోహిత్ శర్మ (Rohit Sharma) కూడా 2019లో ఇలానే జర్నలిస్ట్‌కి కౌంటర్ ఇచ్చాడు. 2019 వన్డే ప్రపంచకప్‌లో పాకిస్థాన్ పేలవ ప్రదర్శన గురించి రోహిత్ శర్మని ప్రశ్నించిన జర్నలిస్ట్.. ఆ జట్టు బ్యాటర్లకి ఏమైనా సలహా ఇస్తారా? అని అడిగాడు. దానికి రోహిత్ శర్మ ‘‘నేను ఒకవేళ పాకిస్థాన్ కోచ్ అయితే.. కచ్చితంగా చెప్తాను’’ అంటూ కౌంటర్ వేశాడు. దెబ్బకి జర్నలిస్ట్ సైలెంట్ అయిపోయాడు.
కరాచీ కింగ్స్ టీమ్‌పై బాబర్ అజామ్ గత కొన్నిరోజులుగా గుర్రుగా ఉన్నాడు. గత ఏడాది బాబర్ కెప్టెన్సీలో ఆ జట్టు 10 మ్యాచ్‌లాడి కేవలం ఒక మ్యాచ్‌లో మాత్రమే విజయం సాధించింది. అలానే పాయింట్ల పట్టికలోనూ చిట్టచివరి స్థానానికి పరిమితమైంది. దాంతో పీఎస్‌ఎల్ 2023 సీజన్ ముంగిట బాబర్‌ని ఆ ఫ్రాంఛైజీ వదిలేసింది. పాకిస్థాన్ టీమ్ కెప్టెన్‌గా కూడా ఉన్న బాబర్‌కి ఇది ఊహించని చేదు అనుభవం.
Read Latest Sports News, Cricket News, Telugu News