నాలుగు టెస్టుల ఈ బోర్డర్- గవాస్కర్ ట్రోఫీలో అశ్విన్ మరో 9 వికెట్లు పడగొడితే? ఈ ట్రోఫీ చరిత్రలోనే అత్యధిక వికెట్లు పడగొట్టిన భారత బౌలర్‌గా ఘనత సాధించనున్నాడు. ఇప్పటి వరకూ ఈ రికార్డ్‌లో అనిల్ కుంబ్లే 111 వికెట్లతో టాప్‌లో ఉన్నాడు. కానీ.. ఇప్పటికే బోర్డర్- గవాస్కర్ ట్రోఫీలో 103 వికెట్లు పడగొట్టేసిన అశ్విన్.. మరో 9 వికెట్లు పడగొట్టి అనిల్ కుంబ్లే నెం.1 రికార్డ్‌ని బ్రేక్ చేయాలని ఆశిస్తున్నాడు. అశ్విన్, జడేజా వ్యక్తిగత రికార్డుల్ని ఎక్కువగా పట్టించుకుంటారని కెప్టెన్ రోహిత్ శర్మ ఇటీవల చెప్పిన విషయం తెలిసిందే.
ఆస్ట్రేలియాతో నాగ్‌పూర్ వేదికగా జరిగిన తొలి టెస్టు మ్యాచ్‌లో అశ్విన్ 8 వికెట్లు పడగొట్టగా భారత్ జట్టు ఇన్నింగ్స్, 132 పరుగుల తేడాతో విజయం సాధించింది. అనంతరం ఢిల్లీ టెస్టులోనూ అశ్విన్ 6 వికెట్లు పడగొట్టగా.. టీమిండియా 6 వికెట్ల తేడాతో ఘన విజయాన్ని అందుకుంది. ఇండోర్ పిచ్ కాస్త స్పిన్‌కి అనుకూలించినా.. అశ్విన్ని ఎదుర్కోవడం ఆస్ట్రేలియా బ్యాటర్లకి కష్టమే. దానికి తోడు నాలుగు టెస్టుల సిరీస్‌లో ఇప్పటికే 0-2తో వెనకబడిన ఆస్ట్రేలియా తీవ్రమైన ఒత్తిడిలో ఉంది.
మూడో టెస్టు ముంగిట ఆస్ట్రేలియా టీమ్ నుంచి నలుగురు ప్లేయర్లు స్వదేశానికి వెళ్లిపోయిన విషయం తెలిసిందే. కెప్టెన్ పాట్ కమిన్స్ తన తల్లికి సీరియస్‌గా ఉండటంతో ఆస్ట్రేలియాకి వెళ్లిపోయాడు. గాయాల కారణంగా ఓపెనర్ డేవిడ్ వార్నర్, జోష్ హేజిల్‌వుడ్ కూడా సిరీస్ నుంచి తప్పుకుని స్వదేశానికి వెళ్లారు. స్పిన్నర్ అస్టన్ అగర్‌ని ఆస్ట్రేలియా సెలెక్టర్లు లోకల్ టోర్నీ కోసం వెనక్కి పిలిచారు. దాంతో ఢిల్లీ టెస్టులో ఆస్ట్రేలియా జట్టుని స్టీవ్‌స్మిత్ కెప్టెన్‌గా నడిపించబోతున్నాడు.
Read Latest Sports News, Cricket News, Telugu News