credit card close, HDFC Credit Card: క్రెడిట్ కార్డు క్లోజ్ చేయాలనుకుంటున్నారా? ఎలాగో ఇక్కడ చూడండి.. చాలా సింపుల్.. – how to cancel or block or close your hdfc credit card

HDFC Credit Card: ఈ రోజుల్లో క్రెడిట్ కార్డులు వాడే వారి సంఖ్య ఎంతలా పెరిగిపోయిందో తెలిసిందే. చేతిలో డబ్బు లేకున్నా.. కార్డుతో ట్రాన్సాక్షన్ చేయొచ్చు. డబ్బులు కట్టేందుకు కొంత గడువు ఉంటుంది. ఇంకా ఈఎంఐల్లో చెల్లించొచ్చు. అదే విధంగా మంచి ఆఫర్లు, డిస్కౌంట్లు, క్యాష్ బ్యాక్‌లు కూడా అందుబాటులో ఉంటాయి. ఇంకా.. ఈ మధ్యకాలంలో చాలా వరకు బ్యాంకులు, నాన్ బ్యాంకింగ్ ఫైనాన్స్ కంపెనీలు.. డాక్యుమెంటేషన్ లేకుండానే క్షణాల్లో క్రెడిట్ కార్డును ఆఫర్ చేస్తున్నాయి. ఇంకా లిమిట్ కూడా ఎక్కువగానే అందిస్తున్నాయి. దీంతో క్రెడిట్ కార్డులు విరివిగా వాడుతున్నారు. అయితే ఇదే క్రమంలో ఒకటికి మించి క్రెడిట్ కార్డులు వాడుతున్నారు. అప్పుడు కొన్ని నిరుపయోగంగా మారుతున్నాయి. అంటే ఒకటికి మించి ఎక్కువగా కార్డులు ఉన్నప్పుడు.. కొన్ని వాడకుండా ఉంటున్నారు.

ఇలా క్రెడిట్ కార్డులు ఉండికూడా వాడకపోవడం.. లేదా క్రెడిట్ కార్డు పోయినప్పుడు దానిని క్లోజ్ చేయడం లేదా బ్లాక్ చేయడం తప్పనిసరి. అయితే దిగ్గజ బ్యాంక్ హెచ్‌డీఎఫ్‌సీ క్రెడిట్ కార్డును ఎలా క్లోజ్ చేయాలో ఇప్పుడు చూద్దాం. ఆన్‌లైన్‌లో నెట్ బ్యాంకింగ్ ద్వారా క్లోజ్ చేయొచ్చు. ఫోన్ బ్యాంకింగ్ నంబర్ల ద్వారా కూడా అవకాశం ఉంటుంది. HDFC బ్రాంచ్‌కు నేరుగా వెళ్లి కూడా క్లోజ్ చేసే ఛాన్స్ ఉంటుంది.

ChatGPT: మీరు చాట్‌జీపీటీ వాడుతున్నారా? అయితే రిస్క్‌లో మీ ఇన్‌స్టాగ్రామ్, Gmail సమాచారం.. ఎలాగంటే?Fraud Customer Care: కస్టమర్ కేర్ పేరిట మరో పెద్ద కుంభకోణం.. అమాయకులే ఎర.. ఏ రాష్ట్రం నుంచి ఎక్కువగా అంటే..

How to close credit card through website: హెచ్‌డీఎఫ్‌సీ క్రెడిట్ కార్డును వెబ్‌సైట్ ద్వారా క్లోజ్ చేయొచ్చు.

తొలుత వెబ్‌సైట్లో చాట్‌బాట్- Ask Eva అని ఉంటుంది. అక్కడ క్లిక్ చేయాలి.
Credit Card Closure అని టైప్ చేయాలి.
మీ పదంకెల మొబైల్ నంబర్ ఎంటర్ చేయాలి.
మీ ఫోన్‌కు వచ్చిన ఓటీపీ అక్కడ ఎంటర్ చేయాలి.
మీ క్రెడిట్ కార్డు చివరి నాలుగంకెలు నమోదు చేయాలి.
కారణం ఎంచుకోవాలి.
అప్పుడు మీ క్రెడిట్ కార్డు క్లోజర్ రిక్వెస్ట్ బ్యాంకుకు వెళ్తుంది.

HDFC బ్యాంకుకు వెళ్లడం ద్వారా.. క్రెడిట్ కార్డు ఎలా క్లోజ్ చేసుకోవాలో చూద్దాం. బ్యాంక్ బ్రాంచ్‌కు వెళ్లి కూడా క్రెడిట్ కార్డును క్లోజ్ చేయడం చాలా సులువు. బ్యాంకులో ఒక క్రెడిట్ కార్డు క్లోజర్ ఫామ్ తీసుకొని.. దానిని ఫిల్ చేసి మేనేజర్‌కు సబ్మిట్ చేయాలి. మీరు మేనేజర్‌కు పంపిన క్రెడిట్ కార్డు క్లోజర్ ఫామ్‌ను డౌన్‌లోడ్ కూడా చేసుకోవచ్చు.

ఫోన్ బ్యాంకింగ్ ద్వారా.. బ్యాంకింగ్ నంబర్ల ద్వారా కూడా క్రెడిట్ కార్డును క్లోజ్ చేయొచ్చు. ఇది ఎలాగంటే..

మీ టెలిఫోన్ ఐడెంటిఫికేషన్ నంబర్ (TIN) వాలిడేట్ చేసుకోవాలి. ఇది ఫోన్ బ్యాంకింగ్ సర్వీసుల కోసం హెచ్‌డీఎఫ్‌సీ మీకు అందించే నాలుగంకెల నంబర్.
క్రెడిట్ కార్డు బ్లాక్ లేదా క్లోజ్ చేయడం ఎలాగో అక్కడ ఇన్‌స్ట్రక్షన్స్ ఫాలో కావాలి.

భారతీయులకు టాలెంట్‌పై ఆనంద్ మహీంద్రా కీలక వ్యాఖ్యలు.. Ajay Banga ట్రూ ఏజెంట్ అంటూ!కంపెనీలో పదేళ్లు పనిచేసిన ఉద్యోగులకు Apple ఊహించని గిఫ్ట్స్.. నెటిజన్ల తిట్ల దండకం!

నెట్‌బ్యాంకింగ్ ద్వారా..

నెట్‌బ్యాంకింగ్ ఐడీ, పాస్‌వర్డ్‌తో.. హెచ్‌డీఎఫ్‌సీ నెట్ బ్యాంకింగ్ లాగిన్ చేయాలి.
క్రెడిట్ కార్డ్స్ ట్యాబ్‌ ఓపెన్ చేసి అక్కడ ఎడమవైపు క్రెడిట్ కార్డ్ హాట్‌లిస్టింగ్‌పై క్లిక్ చేయాలి. మీ నెట్‌బ్యాంకింగ్‌పై ఎన్ని క్రెడిట్ కార్డులు ఉన్నాయో అక్కడ కనిపిస్తాయి.
హాట్‌లిస్ట్‌ చేయాలనుకుంటున్న క్రెడిట్ కార్డును ఎంచుకోవాలి.
కారణం ఎంచుకోవాలి.
కార్డును రీఇష్యూ చేయాలనుకుంటే కూడా అక్కడ ఆప్షన్ ఉంటుంది.

• Read Latest Business News and Telugu News