world bank president, Ajay Banga: ఏకంగా ప్రపంచాన్ని శాసించే స్థాయిలో భారతీయ అమెరికన్.. బంగా గురించి ఈ విషయాలు తెలుసా? – who is ajay banga 10 things to know about us nominee for world bank president

Ajay Banga: మాస్టర్‌కార్డ్ మాజీ సీఈఓ అజయ్ బంగా.. అరుదైన ఘనత సాధించనున్నారు. ఈ భారత సంతతికి చెందిన వ్యక్తి త్వరలో ప్రపంచ బ్యాంకుకే ప్రెసిడెంట్‌గా నియమితులు కానున్నారు. ఈ మేరకు జో బైడెన్ నేతృత్వంలోని అమెరికా ప్రభుత్వం ఆ పదవికి అజయ్ బంగాను తాజాగా నామినేట్ చేసింది. పెద్దన్న అమెరికానే ఆమోదం తెలిపాక ఇంకేం అడ్డు.. అజయ్ బంగా వరల్డ్ బ్యాంక్ అధ్యక్షుడిగా బాధ్యతలు చేపట్టడమే తరువాయి. ఫిబ్రవరి 23న అమెరికా తన నిర్ణయాన్ని ప్రకటించింది. ఈ క్లిష్ట సమయంలో ప్రపంచ బ్యాంకును సమర్థంగా నడిపించడానికి అజయ్ బంగానే సరైన వ్యక్తి అని అభిప్రాయపడ్డారు బైడెన్. వాతావరణ మార్పులతో సహా ఇతర సవాళ్లను పరిష్కరించడంలో భాగంగా.. పబ్లిక్- ప్రైవేట్ వనరులు సమీకరించడంలో ఆయనకు అపార అనుభవం ఉందని కొనియాడారు బైడెన్.

కొన్నేళ్లుగా భారతీయులు అన్ని రంగాల్లోనూ సత్తా చాటుతున్నారు. ప్రపంచ దేశాల్లో నాయకులుగా, సారథులుగా ఎదుగుతున్న విషయం తెలిసిందే. భారత సంతతికే చెందిన సత్య నాదెళ్ల మైక్రోసాఫ్ట్ సీఈఓగా ఉన్నారు. సుందర్ పిచాయ్.. గూగుల్, దాని మాతృసంస్థ అల్పాబెట్ సీఈఓగా ఉన్నారు. ఇటీవల యూట్యూబ్ సీఈఓగా భారతీయుడు నీల్ మోహన్ పగ్గాలు చేపట్టారు. ఇంకా చాలా మందే ఈ లిస్ట్‌‌లో ఉన్నారు. ఇప్పుడు మరో భారత సంతతి వ్యక్తి అజయ్ బంగా.. ఏకంగా వరల్డ్ బ్యాంక్ అత్యున్నత పదవిని అధిరోహించనున్నారు. ఈ నేపథ్యంలో అజయ్ బంగా గురించి మనం ఇప్పుడు కొన్ని విషయాలు తెలుసుకుందాం.

Huge Bonus: ఒక్కో ఉద్యోగికి రూ.3.5 లక్షల బోనస్.. మొత్తం 20 వేల మందికి.. కంపెనీ అంటే ఇలా ఉండాలి కదా?Himachal Truckers: ‘దేవుడే మా కోసం హిండెన్‌బర్గ్‌ను పంపాడు’.. భారత ట్రక్ డ్రైవర్ల థ్యాంక్స్.. అసలేమైందంటే?

ప్రపంచ బ్యాంక్ ప్రెసిడెంట్ రోల్ కోసం నామినేట్ తొలి భారత సంతతి వ్యక్తి అజయ్ బంగా. ఈయన నియామకం ఖరారైతే అమెరికా మాజీ అధ్యక్షుడు డొనాల్డ్ ట్రంప్ నియమించిన డేవిడ్ మాల్‌పాస్ జూన్‌లో ఆ పదవి నుంచి దిగిపోనున్నారు.

బంగా ప్రస్తుతం ప్రైవేట్ ఈక్విటీ సంస్థ జనరల్ అట్లాంటిక్‌కు వైస్ ఛైర్మన్‌గా ఉన్నారు. ఈయనకు 30 ఏళ్లకుపైగా వ్యాపార అనుభవం ఉంది. మాస్టర్‌కార్డ్‌లో ఎన్నో బాధ్యతలు నిర్వర్తించారు. అమెరికన్ రెడ్ క్రాస్, క్రాఫ్ట్ ఫుడ్స్ అండ్ డౌ ఇంక్.. బోర్డుల్లో పనిచేశారు. సిటీగ్రూప్, పెప్సికో, నెస్లే సహా ఇతర కంపెనీల్లోనూ పలు విభాగాల్లో పనిచేశారు.

మాస్టర్‌కార్డ్‌లో 12 ఏళ్లు పనిచేసిన తర్వాత 2021, డిసెంబర్‌లో సీఈఓ పదవి నుంచి రిటైర్ అయ్యారు. ఆయన హయాంలో మాస్టర్‌కార్డ్ ఎన్నో మైలురాళ్లను అధిగమించింది.

Indian American: యూట్యూబ్ కొత్త సీఈఓగా భారతీయుడు.. నీల్ మోహన్ గురించి ఈ విషయాలు మీకు తెలుసా?

ప్రైవేట్ సెక్టార్ ఆర్గనైజేషన్స్ కూటమి సెంట్రల్ అమెరికా‌తోనూ భాగస్వామ్యం అయ్యారు బంగా. ప్రస్తుతం ఇందులో అమెరికా ఉపాధ్యక్షురాలు కమలా హారిస్‌కు సహాయకులుగా ఉన్నారు.

అమెరికా ప్రభుత్వంతో అత్యంత దగ్గరగా ఉండి పనిచేసిన అనుభవం బంగా సొంతం. అమెరికా ట్రేడ్ పాలసీ అండ్ నెగోషియేషన్స్ ప్రెసిడెంట్ అడ్వైజరీ కమిటీ సభ్యుడిగా కూడా పనిచేశారు. 2015 ఫిబ్రవరిలో అప్పటి అధ్యక్షుడు బరాక్ ఒబామా బంగాను ఇందుకు ఎంపిక చేశారు.

Mansa Musa: ప్రపంచంలోని సగం Gold అతని దగ్గరే.. అపార సంపద.. ఎంత తిన్నా తరగని ఆస్తి.. ఎవరంటే?

ప్రస్తుతం అమెరికా పౌరుడిగా ఉన్న అజయ్ బంగా.. బాల్యజీవితం భారతదేశంలోనే గడిచింది. 1959, నవంబర్ 10న పుణెలో జన్మించారు. ఆయన తండ్రి హర్బజన్ సింగ్ బంగా.. ఇండియన్ ఆర్మీలో లెఫ్టినెంట్ జనరల్‌గా పనిచేశారు. తర్వాత రిటైర్ అయ్యారు.

ఇక బంగా చదువు విషయానికి వస్తే న్యూదిల్లీ సెయింట్ స్టీఫెన్స్ కాలేజ్ నుంచి బ్యాచిలర్ ఆఫ్ ఆర్ట్స్ డిగ్రీ చేశారు. ఇండియన్ ఇన్‌స్టిట్యూట్ ఆఫ్ మేనేజ్‌మెంట్ అహ్మదాబాద్ నుంచి మేనేజ్‌మెంట్ PGP చేశారు. ఇది MBA తో సమానం.

ఎక్కువగా అమెరికాతో దగ్గరగా పనిచేసినప్పటికీ భారత ప్రభుత్వం బంగాను గౌరవించింది. 2016లో భారతదేశ నాలుగో అత్యున్నత పౌర పురస్కారం పద్మశ్రీతో ఆయనను సత్కరించింది.

Ambani Niece: అంబానీ మేనకోడలు ఇషితా గురించి తెలుసా.. కోట్ల సంపద.. లగ్జరీ లైఫ్ అదిరింది కదా!

• Read Latest Business News and Telugu News