పేరుకి అది గల్లీ క్రికెట్.. కానీ అన్ని రూల్స్ ఉన్నట్లు కనిపిస్తున్నాయి. వికెట్ల స్థానంలో రాళ్లని పేర్చారు.. అలానే వైడ్‌ నిర్ధారణ కోసం లైన్‌పై ఒక రాయిని ఉంచారు. మ్యాచ్‌కి అంపైర్ కూడా ఉన్నాడు. ఇక్కడ మరో ఆసక్తిరమైన విషయం ఏంటంటే.. ఆ చేతులు లేని బాలుడు బౌండరీ కొట్టిన తర్వాత నాన్‌స్ట్రైక్ ఎండ్‌లోని కుర్రాడు (బ్యాటర్) వచ్చి ఆనందంతో అతనికి హైఫై ఇచ్చేందుకు ప్రయత్నించాడు. అతని చర్యకి ఆ చేతులు లేని బాలుడు ఏమీ హర్ట్ అవలేదు. తన భుజాన్ని అతనికి చూపించాడు. దాంతో అతను భుజంపై తట్టి అభినందించాడు. మ్యాచ్‌లో అందరికీ వర్తించే రూల్స్ ఆ చేతులు లేని బాలుడికి కూడా వర్తిస్తున్నాయి.
ఈ ఫ్రెండ్స్ మధ్య ఎంత బాండేజ్ ఉందంటే? భుజంపై తట్టి అభినందించిన నాన్‌స్ట్రైక్ ఎండ్‌లోని కుర్రాడు.. ఆ తర్వాత కాలితో ఓ కిక్ కూడా ఇచ్చాడు. ఇక్కడ అతడ్ని అవమానించాలి లేదా గాయపర్చాలి అని తన్నినట్లు కాదు. ఆ కుర్రాడి దృష్టిలో కాలు ఓ బ్యాట్! అలా అతని ఫ్రెండ్స్ ఫిక్స్ అయిపోయారు. ఫ్రెండ్‌షిప్ గొప్పతనానికి ఈ వీడియో నిదర్శనమని నెటిజన్లు కామెంట్స్ చేస్తున్నారు.
Read Latest Sports News, Cricket News, Telugu News