దీప్తి క్రిష్ణ న్ అనే మహిళ గూగుల్‌లో మానవ వనరుల విభాగం హెచ్‌ఆర్ ఆపరేషన్స్ మేనేజ్‌మెంట్‌లో పని చేశారు. విధుల్లో భాగంగా వీడియో కాల్ మాట్లాడుతుండగా కాల్ కట్ అయింది. అయితే, సిగ్నల్ సమస్య ఉందని అల జరిగిందేమోనని పేజ్‌ని రీఫ్రెస్ చేయడం ప్రారంభించింది. అయితే, ఆ తర్వాతమే ఆమెకు అసలు కథ తెలిసింది. తన ఉద్యోగం పోయిందనే మెయిల్ వచ్చింది. ఈ వివరాలను లింక్డ్ ఇన్ పోస్ట్‌లో రాసుకొచ్చారు దీప్తి.
‘గూగుల్‌లో దాదాపు నా సగం జీవితాన్ని గడిపాను. ఇప్పటి వరకు నేను పని చేసింది ఒక్క గూగుల్‌లోనే నా ఇంటర్న్‌షిప్ సైతం ఇందులోనే పూర్తి చేశాను. నేను వీడియో కాల్‌లో ఉన్నప్పుడు మధ్యలో కాల్ కట్ అయింది. ఆ తర్వాతే నన్ను ఉద్యోగం లోంచి తొలగించారని తెలిసింది. ముందుగా నా ఇంటర్నెట్ కనెక్షన్ సరిగా లేదేమోనని పేజీని రీఫ్రెస్ చేస్తూ న్నాను. ఆ తర్వాత నాకు ఒక మెయిల్ వచ్చింది. గూగుల్‌లో నీ సమయం ముగిసిందని అందులో రాసుంది.’ అని పేర్కొన్నారు దీప్తి.
ఇటీవలే 12 వేల మందిని తొలగించి వారిలో దీప్తి క్రిష్ణన్ ఒకరు. అయితే, తన వరకు లేఆఫ్స్ వస్తే ఏ విధంగా ఎదుర్కోవాలో ముందు నుంచే సిద్ధమవుతున్నట్లు పేర్కొన్నారు 15 ఏళ్ల సంబంధానికి కేవంల క్షణాల్లోనే ముగింపు ఇచ్చారని ఆవేదన వ్యక్తం చేసింది. గూగుల్ ఎప్పుడూ తన హృదయంలో ప్రత్యేక స్థానంలో ఉంటుందన్నారు. గూగుల్‌లో తన భర్తతో పాటు చాలా మంది స్నేహితులు, శ్రేయోభిలాషులను కలుసుకున్నట్లు చెప్పారు. 10 ఏళ్ల క్రితం తన భర్తను పెళ్లి చేసుకున్నాని, ఏదేమైనప్పటికీ ఆయనతో టైమ్ గడిపేందుకు సమయం దొరికిందని పేర్కొన్నారు దీప్తి. బెంగళూరులోని తమ ఇంటిలో కుటుంబంతో కలిసి గడిపేందుకు ప్రణాళికలు చేస్తున్నట్లు చెప్పారు. ప్రస్తుత గందరగోళ పరిస్థితుల నుంచి బయటపడేందుకు భర్తతో కలిసి మొరాకో ట్రిప్‌కి వెళ్తున్నామని, 10వ వివహా వార్షికోత్సవాన్ని అక్కడే సెలబ్రేట్ చేసుకుంటామని పేర్కొన్నారు.
మీరు సూపర్ బాస్.. Googleలో జాబ్ పోతే.. ఏకంగా కొత్త కంపెనీయే పెట్టేస్తున్నారు!Google Layoffs:’రాత్రి 8.34 గంటలకి నా జీవితం తలకిందులైంది’.. గూగుల్ ఉద్యోగి భావోద్వేగ పోస్ట్Google మరో ఝలక్.. భారత్‌లో వందల మంది తొలగింపు.. త్వరలో మరిన్ని కోతలు!