ఈ సినిమాకు కీరవాణి పెద్ద కుమారుడు కాల భైరవ సంగీతం సమకూరుస్తుండగా.. కార్తీక ఆర్ శ్రీనివాస్ ఎడిటింగ్ బాధ్యతలు చేపడుతున్నారు. రమేష్ కుషేందర్ సినిమాటోగ్రఫీ అందిస్తున్నారు. చిత్రీకరణ పూర్తి చేసుకున్న ఈ చిత్రం ప్రస్తుతం నిర్మాణాంతర కార్యక్రమాలు జరుపుకుంటోంది. త్వరలోనే విడుదల తేదీని ప్రకటించనున్నారు.
ఇదిలా ఉంటే, ‘ఉస్తాద్’ అనే మరో సినిమాలో శ్రీసింహ హీరోగా నటిస్తున్నారు. ఈ సినిమా పోస్టర్‌ను సైతం ఈరోజు శ్రీసింహ పుట్టినరోజు సందర్భంగా విడుదల చేశారు. ఫణిదీప్ దర్శకత్వం వహిస్తోన్న ఈ సినిమాను వారాహి చలన చిత్రం, కృషి ఎంటర్‌టైన్మెంట్స్ బ్యానర్లపై రజనీ కొర్రపాటి, రాకేష్ రెడ్డి గడ్డం, హిమాంక్ రెడ్డి దువ్వూరు నిర్మిస్తున్నారు. సాయి కొర్రపాటి సమర్పిస్తున్నారు. అకీవ బి సంగీతం సమకూరుస్తున్న ఈ సినిమాకు పవన్ కుమార్ పప్పుల సినిమాటోగ్రాఫర్. ఈ సినిమాలో శ్రీసింహ పైలట్‌గా కనిపించనున్నారు.
‘యమదొంగ’ సినిమాతో బాలనటుడిగా పరిచయమైన శ్రీసింహ.. ఆ చిత్రంలో చిన్నప్పుడు ఎన్టీఆర్ పాత్రను పోషించారు. ఆ తరవాత ‘మర్యాద రామన్న’ సినిమాలోనూ బాలనటుడిగా నటించారు. ‘ఈగ’ సినిమాలోనూ క్యారెక్టర్ ఆర్టిస్టుగా చేశారు. చిన్నప్పుడు తన బాబాయ్ ఎస్.ఎస్.రాజమౌళి సినిమాల్లో నటించిన శ్రీసింహ.. ‘మత్తువదలరా’ సినిమాతో హీరోగా పరిచయమయ్యారు. తొలి సినిమాతోనే మంచి హిట్టు కొట్టారు. ఆ తరవాత ‘తెల్లవారితే గురువారం’, ‘దొంగలున్నారు జాగ్రత్త’ సినిమాల్లో కథానాయకుడిగా నటించారు. ఇప్పుడు ‘భాగ్ సాలే’ అంటూ ప్రేక్షకుల ముందుకు వచ్చేందుకు సిద్ధమవుతున్నారు.