APPSC Executive Officer Answer key 2023 : ఏపీ ఎండోమెంట్స్ సబ్ సర్వీస్‌లో ఎగ్జిక్యూటివ్ ఆఫీసర్స్ గ్రేడ్-III పోస్టుల భర్తీకి ఫిబ్రవరి 17న ప్రధాన పరీక్షను APPSC నిర్వహించిన సంగతి తెలిసిందే. రెండు సెషన్లలో ఈ పరీక్ష నిర్వహించారు. అయితే ఈ పరీక్షకు సంబంధించిన ప్రాథమిక కీని తాజాగా విడుదల చేసింది. ఈ పోస్టులకు సంబంధించి అధికారిక వెబ్‌సైట్‌లో ఆన్సర్ కీని అందుబాటులో ఉంచింది. ఆన్సర్ కీతోపాటు అభ్యర్థుల రెస్పాన్స్ షీట్లను కూడా APPSC అందుబాటులో ఉంచింది. ఎగ్జిక్యూటివ్ ఆఫీసర్స్ మెయిన్ పరీక్షకు హాజరైన అభ్యర్థులు ఆన్సర్ కీ ని చెక్‌ చేసుకోవచ్చు.
ఆన్సర్ కీపై ఏమైనా అభ్యంతరాలుంటే ఫిబ్రవరి 23 నుంచి 25 వరకు తెలపవచ్చని APPSC సూచించింది. ఆన్‌లైన్ ద్వారా మాత్రమే అభ్యంతరాలు స్వీకరిస్తారు. పోస్ట్, వాట్సాప్, ఎస్ఎంఎస్, ఫోన్, వ్యక్తిగత సమర్పణ.. ఇలా మరే ఇతర మార్గాల్లో నమోదుచేసే అభ్యంతరాలను పరిగణనలోకి తీసుకోబోమని APPSC కమిషన్ స్పష్టం చేసింది. నిర్ణీత గడువులోగా వచ్చే అభ్యంతరాలను మాత్రమే పరిగణనలోకి తీసుకుంటారు.
ఎగ్జిక్యూటివ్ ఎగ్జిక్యూటివ్ ఆఫీసర్స్ మెయిన్ పరీక్షకు సంబంధించి 1278 మంది అభ్యర్థులు అర్హత సాధించగా.. వీరిలో 1248 మంది అభ్యర్థులు హాల్‌టికెట్లు డౌన్‌లోడ్ చేసుకున్నారు. హాల్‌టికెట్లు డౌన్‌లోడ్ చేసుకున్నవారిలో 1179 ((94.47%) మంది అభ్యర్థులు ప్రధాన పరీక్షకు హాజరయ్యారు. 4 జిల్లాల్లోని 4 పరీక్ష కేంద్రాల్లో ప్రధాన పరీక్షను కమిషన్ నిర్వహించింది. ఏపీ ఎండోమెంట్స్ సబ్ సర్వీస్‌లో 60 ఎగ్జిక్యూటివ్ ఎగ్జిక్యూటివ్ ఆఫీసర్స్ గ్రేడ్-III పోస్టుల భర్తీకి ఆంధ్రప్రదేశ్ పబ్లిక్ సర్వీస్ కమిషన్ 2021 డిసెంబరు 28న నోటిఫికేషన్ విడుదల చేసింది.
ప్రాథమిక కీ కోసం క్లిక్ చేయండి
General Studies & Mental Ability
Hindu Philosophy and Temple System
రెస్పాన్స్ షీట్ల కోసం లింక్ ఇదే.. క్లిక్ చేయండి
