చెస్ట్ ఇన్ఫెక్షన్ ఎందుకొస్తుందంటే..
జలుబు అనేది సాధారణంగా వైరల్ ఇన్ఫెక్షన్. దీని వల్ల ఎగువ శ్వాసకోశ సంక్రమణ ప్రభావితమవుతుంది. వ్యక్తికి వచ్చిన జలుబు, ఫ్లూ ఎక్కువ రోజులు ఉంటే ఛాతీ ఇన్ఫెక్షన్ వస్తుంది. ఈ ఇన్ఫెక్షన్ శ్వాసకోశ, దిగువ శ్వాసకోశం, శ్వాసనాళ నాళాలను ప్రభావితం చేస్తుంది. ఛాతీ ఇన్ఫెక్షన్ వైరస్, బ్యాక్టీరియా వల్ల కూడా ఇది వస్తుంది. ఛాతీ ఇన్ఫెక్షన్ అంటే ఊపిరితిత్తులకు గాలిని రవాణా చేసే వాయుమార్గాల్లో వాపు. ఉష్ణోగ్రతలు తక్కువగా ఉన్నప్పుడు ముక్కు రంధ్రాల్లోని బ్యాక్టీరియాతో పోరాడే కణాలు దెబ్బతింటాయి.
ఈ లక్షణాలని గమించాల్సిందే..
ముందు కంటే ఎక్కువగా శ్లేష్మంతో దగ్గుతుంటే, ఎక్కువగా దగ్గు ఉండి ఛాతీ నొప్పి వస్తుంటే అనుమానించాల్సిందే. అది శ్లేష్మంతో కూడిన దగ్గితే కాస్తా అనుమానించాల్సిందేనని చెబుతున్నారు. దగ్గినప్పుడు రక్తం, కఫం వస్తుంటే డాక్టర్‌ని కచ్చితంగా సంప్రదించాలి.
Also Read : Cardiac Arrest : కార్డియాక్ అరెస్ట్.. ఈ లక్షణాలని గమనించకపోతే ప్రాణాలకే ప్రమాదం..
చెస్ట్ ఇన్ఫెక్షన్ గురించి..
ఇనిస్టిట్యూట్ ఆఫ్ ఇంటర్నల్ మెడిసిన్ అండ్ రెస్పిరేటరీ అండ్ స్లీప్ మెడిసిన్ చైర్మన్ డాక్టర్ రణ్‌దీప్ గులేరియా మెదంతా ప్రకారం రెండు రకాల ఛాతీ ఇన్ఫెక్షన్స్ ఉన్నాయి. బ్రోన్కైటిస్, న్యూమోనియా. బ్రోన్కైటిస్ ఊపిరితిత్తులకు గాలిని తీసుకెళ్ళే బ్రోన్చియల్ ట్యూబ్‌ని ప్రభావితం చేస్తే.. న్యుమోనియా మరింత లోతుగా ఊపిరితిత్తుల కణజాలంపై ప్రభావం చూపుతుంది. అంతేకాకుండా, బ్రోన్కైటిస్ కేసులు చాలా వరకూ వైరస్‌ల వల్ల వస్తే, న్యుమోనియా కేసులు వైరస్‌లు, బ్యాక్టీరియా, శిలీంధ్రాల వల్ల కూడా వస్తాయి. బ్రోన్కైటిస్ కంటే న్యుమోనియా లక్షణాలు చాలా ఎక్కువగా ఉంటాయి.
లక్షణాలు..
ఛాతీ ఇన్ఫెక్షన్, సాధారణ జలుబు రెండూ కూడా ఒకే లక్షణాలను కలిగి ఉంటాయి. అవి..
కొద్దిగా జ్వరం
ఒంటి నొప్పులు
దగ్గు
బలహీనత
అయినప్పటికీ శ్వాస తీసుకోవడంలో ఇబ్బందిగా ఉండి ఛాతీలో భారంగా అనిపించడం అనేవి చెస్ట్ ఇన్ఫెక్షన్ లక్షణాలు.
చెస్ట్ ఇన్ఫెక్షన్ ఉన్నవారికి రెగ్యులర్‌గా చెస్ట్ పెయిన్ వస్తుందని నిపుణులు చెబుతున్నారు.
రెండింటిలోనూ ఒకే లక్షణాలు..
సాధారణ జలుబుకి సంబంధించిన కొన్ని లక్షణాలు, చెస్ట్ ఇన్ఫెక్షన్‌లో కూడా ఉంటాయి. సాధారణ జలుబు ఉన్న వ్యక్తికి ఎగువ శ్వాసకోశంలో ఇన్ఫెక్షన్ కారణంగా తుమ్ములు, ముక్కు కారడం, మూసుకుపోవడం, కళ్ళలో నీరు రావడం వంటివి ఉంటాయి. అయినప్పటికీ, జలుబు ఉన్నవారికి దగ్గు రాకపోవచ్చు. ఎందుకంటే, జలుబు ఎక్కువగా పై శ్వాసకోశాన్ని ప్రభావితం చేస్తుంది. సాధారణ జలుబు వ్యక్తి ఇమ్యూనిటీ బట్టి 6 నుంచి7 రోజులు ఉంటుంది.
అలాగే, దగ్గు చెస్ట్ ఇన్ఫెక్షన్స్ వల్ల వస్తుంది. ఎందుకంటే ఇన్ఫెక్షన్ బ్రోన్చియల్ ట్యూబ్స్‌లో వాపుకి కారణమవుతుంది. ఛాతీ ఇన్ఫెక్షన్లు దిగువ శ్వాసకోశాన్ని ప్రభావితం చేస్తుంది. కాబట్టి, నాసికా మార్గం నుండి శ్లేష్మం పూర్తిగా క్లియర్ కావడానికి టైమ్ పడుతుంది. కొంతమందికి రెండు వారాల కంటే ఎక్కువ టైమ్ లక్షణాలు ఉంటాయి.
జలుబుకి ట్రీట్‌మెంట్..
జలుబుకి ట్రీట్‌మెంట్ లేదు. యాంటీ బయాటిక్స్ తీసుకోకపోవడమే మంచిది. ఇవి వైరల్ ఇన్ఫెక్షన్‌ని దూరం చేయకపోవచ్చు. ఎక్కువగా రెస్ట్ తీసుకోవడం, సూప్స్, గోరువెచ్చని నీరు ఇలా వేడివేడిగా తీసుకోవడం మంచిది. కెఫెన్‌కి దూరంగా ఉండాలి. ఆవిరి పట్టాలి. డాక్టర్ సూచించిన నాసల్ స్ప్రే కూడా వాడొచ్చు. హ్యూమిడి ఫైయర్ శ్లేష్మాన్ని దూరం చేసి బాడీని వెచ్చగా ఉండేందుకు కూడా సాయపడుతుంది. వ్యాక్సిన్ కోసం డాక్టర్‌తో మాట్లాడండి.
తీసుకోవాల్సిన జాగ్రత్తలు..
డాక్టర్ గులేరియా ప్రకారం.. మాట్లాడినప్పుడు, కలుషితమైన ప్రదేశాల్లో ఉన్నప్పుడు ఓ వ్యక్తి నుండి మరొకరికి శ్వాసకోశ చుక్కలు వైరల్ ఇన్ఫెక్షన్స్‌ని వ్యాప్తి చేస్తాయి. అలాంటి ఉపరితలాలతో సంబంధంలోకి వచ్చిన తర్వాత, వారి ముఖ్యం, ముక్కు, నోటిని తాకినప్పుడు వ్యాధి బారిన పడొచ్చు.
Also Read : Empty stomach Foods : ఖాళీ కడుపుతో వీటిని తింటే గ్యాస్ సమస్యలు వస్తాయి..
చెస్ట్ ఇన్పెక్షన్ రాకుండా ఏం చేయాలంటే..
భోజనానికి ముందు, నోటిని తాకడానికి ముందు చేతులు కడుక్కోవాలి. ఇలా చేయడం వల్ల బ్యాక్టీరియా, వైరస్‌లకి దూరంగా ఉండొచ్చు.
ఇంట్లో ఎవరైనా అనారోగ్యంగా ఉంటే వారికి దూరంగా ఉండండి.
తుమ్మినప్పుడు, దగ్గినప్పుడు నోరు మూసుకోవాలి. దీని వల్ల శ్వాసకోశ బిందువుల ద్వారా సంక్రమణని అడ్డుకోవచచు.
వ్యక్తి ఇమ్యూనిటీని పెంచి వైరస్‌ల ఎదుర్కోవడానికి ఆరోగ్యకరమైన సమతుల్య ఆహారం చాలా ముఖ్యం. కాబట్టి, హెల్దీ ఫుడ్ తీసుకోండి.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Read More : Relationship News and Telugu News