Adani Loan Repays: హిండెన్‌బర్గ్ సంచలన రిపోర్ట్ అనంతరం దిగ్గజ పారిశ్రామిక వేత్త గౌతమ్ అదానీకి కష్టకాలం నడుస్తున్న విషయం తెలిసిందే. భారత స్టాక్ మార్కెట్లో అదానీ గ్రూప్ స్టాక్ మానిపులేషన్ చేస్తోందని, అకౌంటింగ్ ఫ్రాడ్స్ చేస్తోందని హిండెన్‌బర్గ్ జనవరి 25న ఆరోపిస్తూ రిపోర్ట్ విడుదల చేసింది. అప్పటినుంచి మొదలైంది అదానీ గ్రూప్ పతనం.. దాదాపు గ్రూప్ అన్ని షేర్లు కుదేలయ్యాయి. కొన్ని స్టాక్స్ మార్కెట్ విలువలో సగానికిపైగా కోల్పోయాయి. రిపోర్ట్ విడుదలైన దగ్గర నుంచి గ్రూప్ మార్కెట్ విలువ ఏకంగా 135 బిలియన్ డాలర్ల వరకు పడిపోయింది. గతేడాది 290 బిలియన్ డాలర్లకు మార్కెట్ క్యాప్ చేరగా.. ఇటీవల అది 80 బిలియన్ డాలర్లకు పడిపోవడం గమనార్హం. అయితే.. ఇప్పుడు ఇన్వెస్టర్లలో విశ్వాసం నింపేందుకు ప్రయత్నిస్తోంది అదానీ గ్రూప్.
ఇటీవల బ్యాంకుల దగ్గర తీసుకున్న రుణాలను ముందస్తుగా చెల్లిస్తామని అదానీ గ్రూప్ ప్రకటించిన సంగతి తెలిసిందే. దీని ద్వారా ఇన్వెస్టర్లలో విశ్వాసం నింపుకునే ప్రయత్నం చేయనుంది. ఇందులో భాగంగా తాజాగా అదానీ గ్రూప్ కంపెనీ అదానీ పోర్ట్స్ అండ్ స్పెషల్ ఎకనామిక్ జోన్.. తమకు ఉన్న రూ.1500 కోట్ల రుణాన్ని తిరిగి చెల్లించింది. మార్చిలో మరో రూ.1000 కోట్లను కమర్షియల్ పేపర్స్ రూపంలో చెల్లించనున్నట్లు ప్రకటించింది.
Adani Group పై ఈసారి Wikipedia దెబ్బ.. కుప్పకూలిన అన్ని షేర్లు.. లక్షల కోట్లు ఆవిరి!Adani Group వ్యవహారంలో కొత్త ట్విస్ట్.. Wikipedia ను కూడా అదానీ మానిపులేట్ చేశారా? ఆ ట్వీట్ వైరల్..
ఈ రూ.1500 కోట్లలో రూ.1000 కోట్లు ఎస్‌బీఐ మ్యూచువల్ ఫండ్‌కు చెల్లించగా,, మిగతా 500 కోట్ల రూపాయలు ఆదిత్యా బిర్లా సన్ లైఫ్‌కు వెళ్లాయి. తమ దగ్గర నిల్వ ఉన్న క్యాష్ బ్యాలెన్స్ సహా తమ బిజినెస్ కార్యకలాపాల ద్వారా వచ్చిన నిధులతోనే ఈ ముందస్తు లోన్ చెల్లింపు చేసినట్లు వెల్లడించింది అదానీ గ్రూప్. అయితే అదానీ గ్రూప్ లోన్ తిరిగి చెల్లించినప్పటికీ ఇన్వెస్టర్లు ఏ మాత్రం కనికరించనట్లు తెలుస్తోంది. బుధవారం సెషన్‌లో భారత స్టాక్ మార్కెట్లు పడిపోగా.. అదానీ గ్రూప్ స్టాక్స్ దాదాపు అన్నీ లోయర్ సర్క్యూట్‌లోనే ఉండటం గమనార్హం.
అదానీ గ్రూప్.. వికిపీడియాను ఏమార్చినట్లు ఆరోపణలు వచ్చిన నేపథ్యంలో.. గ్రూప్ షేర్లు పడిపోయాయి. అదానీ పవర్, అదానీ ట్రాన్స్‌మిషన్, అదానీ గ్రీన్ ఎనర్జీ, అదానీ విల్మర్, అదానీ టోటల్ గ్యాస్, అంబుజా సిమెంట్స్, NDTV స్టాక్స్ 5 శాతం లోయర్ సర్క్యూట్ కొట్టగా.. అదానీ ఎంటర్‌ప్రైజెస్ 10 శాతం, అదానీ పోర్ట్స్ 5 శాతానికిపైగా, ఏసీసీ 4 శాతానికిపైగా నష్టపోయాయి. ఇది ఇంకా ఎంతదూరం తీసుకెళ్తుందో చూడాలి. ఈ ఒక్క సెషన్‌లో గౌతమ్ అదానీ వ్యక్తిగత సంపద 6 బిలియన్ డాలర్ల మేర హరించుకుపోయింది. ఇది భారత కరెన్సీలో రూ.50 వేల కోట్ల వరకు ఉంటుంది.
Adani Group: అదానీ చేతికి Dharavi అభివృద్ధి ప్రాజెక్ట్.. Loan ఇచ్చేందుకు సిద్ధమంటున్న ప్రభుత్వ బ్యాంక్.. మాకేం బాధ లేదంటూ!
Adani కి భారీ నష్టం.. రూ.11 లక్షల కోట్ల మార్కెట్ క్యాప్ ఆవిరి.. 100 బి. డాలర్ క్లబ్ నుంచి అవుట్.. ఇంకేం మిగిలింది..
