Bollywood: ఆస్తి గొడ‌వ‌.. దారుణం.. సినీ న‌టిని బ్యాట్‌తో కొట్టి చంపిన కొడుకు

డ‌బ్బు మ‌నుషుల మ‌ధ్య దూరాన్ని పెంచ‌ట‌మే కాదు.. బంధాల‌ను అనుబంధాల‌ను చంపేస్తుంద‌ని సినిమాల్లో చూస్తుంటాం. నిజ జీవితంలో కొన్ని ఘ‌ట‌ల‌ను వార్త‌లు రూపంలో చూసి ఉండొచ్చు. కాగా.. ఇప్పుడు అలాంటి దారుణం ముంబైలో జ‌రిగింది. ఓ సీనియ‌ర్ న‌టిని ఆమె క‌న్న కొడుకు దారుణంగా హ‌త‌మార్చాడు. సీనియ‌ర్ న‌టి వీణా క‌పూర్ (74) (Veena Kapoor). విషయం తెలియటంతో బాలీవుడ్ వర్గాలు నిర్ఘాంత పోతున్నాయి. అసలు వీణా కపూర్‌కి ఇద్దరు కొడుకు. అందులో ఓ కొడుకైన స‌చిన్ చంప‌టానికి కార‌ణం ఏదో కాదు.. ఆస్తి గొడ‌వ‌లే (Property dispute). వీణా క‌పూర్ మ‌రో కుమారుడు అమెరికాలో ఉంటాడు. అత‌నికి అనుమానం రావ‌టంతో పోలీసుల‌కు ఫిర్యాదు చేశాడు. పోలీసులు కూపీ లాగ‌టంతో అస‌లు విష‌యం వెలుగులోకి వ‌చ్చింది.

మంగ‌ళ‌వారం వీణా క‌పూర్‌, స‌చిన్ (Sachin) మ‌ధ్య ఆస్తి గొడ‌వ‌లు జ‌రిగాయి. స‌హ‌నం కోల్పోయిన స‌చిన్, త‌ల్లిని బేస్ బాల్ బ్యాటుతో కొట్టి చంపేశాడు. అనంత‌రం శ‌వాన్ని న‌దిలో ప‌డేశాడు. అత‌నికి లాల్ కుమార్ మండ‌ల్ (Lal kumar mandal) సాయం చేశారు. పోలీసుల విచార‌ణ‌లో స‌చిన్ త‌న నేరాన్ని అంగీక‌రించాడు. న‌టి వీణా క‌పూర్ మ‌ర‌ణంపై ఆమె స్నేహితురాలు నీలు కోహ్లి విచారాన్ని వ్య‌క్తం చేశారు. అస‌లు ఏం మాట్లాడాలో అర్థం కావ‌టం లేదు. వీణాకు ఇలా జ‌ర‌గాల్సింది కాదు. విష‌యం తెలియ‌గానే గుండె ప‌గిలింది అని నీలు కోహ్లి తెలియ‌జేసింది.

వీణా క‌పూర్‌ను ఆమె కొడుకు దారుణంగా చంపేశాడ‌ని తెలియ‌గానే బాలీవుడ్ వ‌ర్గాలు (Bollywood) షాక‌య్యాయి. డ‌బ్బు కోసం ఇంత దారుణం ఎలా చేశాడ‌ని అంద‌రూ వా పోతున్నారు.